ശിവ നാമാവള്യഷ്ടകം (നാമാവളീ അഷ്ടകം)

ഹേ ചംദ്രചൂഡ മദനാംതക ശൂലപാണേ സ്ഥാണോ ഗിരീശ ഗിരിജേശ മഹേശ ശംഭോ । ഭൂതേശ ഭീതഭയസൂദന മാമനാഥം സംസാരദുഃഖഗഹനാജ്ജഗദീശ രക്ഷ ॥ 1 ॥

ഹേ പാർവതീഹൃദയവല്ലഭ ചംദ്രമൌളേ ഭൂതാധിപ പ്രമഥനാഥ ഗിരീശചാപ । ഹേ വാമദേവ ഭവ രുദ്ര പിനാകപാണേ സംസാരദുഃഖഗഹനാജ്ജഗദീശ രക്ഷ ॥ 2 ॥

ഹേ നീലകംഠ വൃഷഭധ്വജ പംചവക്ത്ര ലോകേശ ശേഷവലയ പ്രമഥേശ ശർവ । ഹേ ധൂര്ജടേ പശുപതേ ഗിരിജാപതേ മാം സംസാരദുഃഖഗഹനാജ്ജഗദീശ രക്ഷ ॥ 3 ॥

ഹേ വിശ്വനാഥ ശിവ ശംകര ദേവദേവ ഗംഗാധര പ്രമഥനായക നംദികേശ । ബാണേശ്വരാംധകരിപോ ഹര ലോകനാഥ സംസാരദുഃഖഗഹനാജ്ജഗദീശ രക്ഷ ॥ 4 ॥

വാരാണസീപുരപതേ മണികര്ണികേശ വീരേശ ദക്ഷമഖകാല വിഭോ ഗണേശ । സർവജ്ഞ സർവഹൃദയൈകനിവാസ നാഥ സംസാരദുഃഖഗഹനാജ്ജഗദീശ രക്ഷ ॥ 5 ॥

ശ്രീമന്മഹേശ്വര കൃപാമയ ഹേ ദയാളോ ഹേ വ്യോമകേശ ശിതികംഠ ഗണാധിനാഥ । ഭസ്മാംഗരാഗ നൃകപാലകലാപമാല സംസാരദുഃഖഗഹനാജ്ജഗദീശ രക്ഷ ॥ 6 ॥

കൈലാസശൈലവിനിവാസ വൃഷാകപേ ഹേ മൃത്യുംജയ ത്രിനയന ത്രിജഗന്നിവാസ । നാരായണപ്രിയ മദാപഹ ശക്തിനാഥ സംസാരദുഃഖഗഹനാജ്ജഗദീശ രക്ഷ ॥ 7 ॥

വിശ്വേശ വിശ്വഭവനാശക വിശ്വരൂപ വിശ്വാത്മക ത്രിഭുവനൈകഗുണാധികേശ । ഹേ വിശ്വനാഥ കരുണാമയ ദീനബംധോ സംസാരദുഃഖഗഹനാജ്ജഗദീശ രക്ഷ ॥ 8 ॥