Navagraha · Traditional devotional text · Source: vignanam.org (Traditional devotional text (public-domain shlokas))
ധ്യാനമ് മൃണാലകുംദേംദുപയോജസുപ്രഭം പീതാംബരം പ്രസൃതമക്ഷമാലിനമ് । സമസ്തശാസ്ത്രാര്ഥവിധിം മഹാംതം ധ്യായേത്കവിം വാംഛിതമര്ഥസിദ്ധയേ ॥ 1 ॥
അഥ ശുക്രകവചമ് ശിരോ മേ ഭാര്ഗവഃ പാതു ഭാലം പാതു ഗ്രഹാധിപഃ । നേത്രേ ദൈത്യഗുരുഃ പാതു ശ്രോത്രേ മേ ചംദനദ്യുതിഃ ॥ 2 ॥
പാതു മേ നാസികാം കാവ്യോ വദനം ദൈത്യവംദിതഃ । വചനം ചോശനാഃ പാതു കംഠം ശ്രീകംഠഭക്തിമാന് ॥ 3 ॥
ഭുജൌ തേജോനിധിഃ പാതു കുക്ഷിം പാതു മനോവ്രജഃ । നാഭിം ഭൃഗുസുതഃ പാതു മധ്യം പാതു മഹീപ്രിയഃ ॥ 4 ॥
കടിം മേ പാതു വിശ്വാത്മാ ഉരൂ മേ സുരപൂജിതഃ । ജാനും ജാഡ്യഹരഃ പാതു ജംഘേ ജ്ഞാനവതാം വരഃ ॥ 5 ॥
ഗുല്ഫൌ ഗുണനിധിഃ പാതു പാതു പാദൌ വരാംബരഃ । സർവാണ്യംഗാനി മേ പാതു സ്വര്ണമാലാപരിഷ്കൃതഃ ॥ 6 ॥
ഫലശ്രുതിഃ യ ഇദം കവചം ദിവ്യം പഠതി ശ്രദ്ധയാന്വിതഃ । ന തസ്യ ജായതേ പീഡാ ഭാര്ഗവസ്യ പ്രസാദതഃ ॥ 7 ॥
॥ ഇതി ശ്രീബ്രഹ്മാംഡപുരാണേ ശുക്രകവചം സംപൂര്ണമ് ॥
Browse Related Categories:
Offered for worship and study, not as prediction. Non-commercial.
More devotional texts