ശ്രീ ബടുക ഭൈരവ കവചം

ഭൂതനാഥശ്ച മേ കര്ണൌ കപോലൌ പ്രേതവാഹനഃ । നാസാപുടൌ തഥോഷ്ഠൌ ച ഭസ്മാംഗഃ സർവഭൂഷണഃ ॥ 2

ഭീഷണാസ്യോ മമാസ്യം ച ശക്തിഹസ്തോ ഗലം മമ । സ്കംധൌ ദൈത്യരിപുഃ പാതു ബാഹൂ അതുലവിക്രമഃ ॥ 3

പാണീ കപാലീ മേ പാതു മുംഡമാലാധരോ ഹൃദമ് । വക്ഷഃസ്ഥലം തഥാ ശാംതഃ കാമചാരീ സ്തനം മമ ॥ 4

ഉദരം ച സ മേ തുഷ്ടഃ ക്ഷേത്രേശഃ പാര്ശ്വതസ്തഥാ । ക്ഷേത്രപാലഃ പൃഷ്ഠദേശം ക്ഷേത്രാഖ്യോ നാഭിതസ്തഥാ ॥ 5

കടിം പാപൌഘനാശശ്ച ബടുകോ ലിംഗദേശകമ് । ഗുദം രക്ഷാകരഃ പാതു ഊരൂ രക്ഷാകരഃ സദാ ॥ 6

ജാനൂ ച ഘുര്ഘുരാരാവോ ജംഘേ രക്ഷതു രക്തപഃ । ഗുല്ഫൌ ച പാദുകാസിദ്ധഃ പാദപൃഷ്ഠം സുരേശ്വരഃ ॥ 7

ആപാദമസ്തകം ചൈവ ആപദുദ്ധാരണസ്തഥാ । സഹസ്രാരേ മഹാപദ്മേ കര്പൂരധവലോ ഗുരുഃ ॥ 8

പാതു മാം വടുകോ ദേവോ ഭൈരവഃ സർവകര്മസു । പൂർവ സ്യാമസിതാംഗോ മേ ദിശി രക്ഷതു സർവദാ ॥ 9

ആഗ്നേയ്യാം ച രുരുഃ പാതു ദക്ഷിണേ ചംഡഭൈരവഃ । നൈരൃത്യാം ക്രോധനഃ പാതു മാമുന്മത്തസ്തു പശ്ചിമേ ॥ 10

വായവ്യാം മേ കപാലീ ച നിത്യം പായാത് സുരേശ്വരഃ । ഭീഷണോ ഭൈരവഃ പാതൂത്തരസ്യാം ദിശി സർവദാ ॥ 11

സംഹാരഭൈരവഃ പാതു ദിശ്യൈശാന്യാം മഹേശ്വരഃ । ഊര്ധ്വേ പാതു വിധാതാ വൈ പാതാലേ നംദികോ വിഭുഃ ॥ 12

സദ്യോജാതസ്തു മാം പായാത് സർവതോ ദേവസേവിതഃ । വാമദേവോഽവതു പ്രീതോ രണേ ഘോരേ തഥാവതു ॥ 13

ജലേ തത്പുരുഷഃ പാതു സ്ഥലേ പാതു ഗുരുഃ സദാ । ഡാകിനീപുത്രകഃ പാതു ദാരാംസ്തു ലാകിനീസുതഃ ॥ 14

പാതു സാകലകോ ഭ്രാതൄന് ശ്രിയം മേ സതതം ഗിരഃ । ലാകിനീപുത്രകഃ പാതു പശൂനശ്വാനജാംസ്തഥാ ॥ 15

മഹാകാലോഽവതു ച്ഛത്രം സൈന്യം വൈ കാലഭൈരവഃ । രാജ്യം രാജ്യശ്രിയം പായാത് ഭൈരവോ ഭീതിഹാരകഃ ॥ 16

രക്ഷാഹീനംതു യത് സ്ഥാനം വര്ജിതം കവചേന ച । തത് സർവം രക്ഷ മേ ദേവ ത്വം യതഃ സർവരക്ഷകഃ ॥ 17

ഏതത് കവചമീശാന തവ സ്നേഹാത് പ്രകാശിതമ് । നാഖ്യേയം നരലോകേഷു സാരഭൂതം ച സുശ്രിയമ് ॥ 18

യസ്മൈ കസ്മൈ ന ദാതവ്യം കവചേശം സുദുര്ലഭമ് । ന ദേയം പരശിഷ്യേഭ്യഃ കൃപണേഭ്യശ്ച ശംകര ॥ 19

യോ ദദാതി നിഷിദ്ധേഭ്യഃ സ വൈ ഭ്രഷ്ടോ ഭവേദ്ധ്രുവമ് । അനേന കവചേശേന രക്ഷാം കൃത്വാ ദ്വിജോത്തമഃ ॥ 20

വിചരന് യത്ര കുത്രാപി വിഘ്നൌഘൈഃ പ്രാപ്യതേ ന സഃ । മംത്രേണ മ്രിയതേ യോഗീ കവചം യന്ന രക്ഷിതഃ ॥ 21

തസ്മാത് സർവപ്രയത്നേന ദുര്ലഭം പാപചേതസാമ് । ഭൂര്ജേ രംഭാത്വചേ വാപി ലിഖിത്വാ വിധിവത് പ്രഭോ ॥ 22

ധാരയേത് പാഠയേദ്വാപി സംപഠേദ്വാപി നിത്യശഃ । സംപ്രാപ്നോതി പ്രഭാവം വൈ കവചസ്യാസ്യ വര്ണിതമ് ॥ 23

നമോ ഭൈരവദേവായ സാരഭൂതായ വൈ നമഃ । നമസ്ത്രൈലോക്യനാഥായ നാഥനാഥായ വൈ നമഃ ॥ 24

ഇതി വിശ്വസാരോദ്ധാരതംത്രേ ആപദുദ്ധാരകല്പേ ഭൈരവഭൈരവീസംവാദേ വടുകഭൈരവകവചം സമാപ്തമ് ॥

Browse Related Categories: