Devi · Traditional devotional text · Source: vignanam.org (Traditional devotional text (public-domain shlokas))
നാരദ ഉവാച
– ഭഗവന്സർവധര്മജ്ഞ സർവശാസ്ത്രവിശാരദ । ശ്രുതിസ്മൃതിപുരാണാനാം രഹസ്യം ത്വന്മുഖാച്ഛ്രുതമ് ॥ 1
സർവപാപഹരം ദേവ യേന വിദ്യാ പ്രവര്തതേ । കേന വാ ബ്രഹ്മവിജ്ഞാനം കിം നു വാ മോക്ഷസാധനമ് ॥ 2 ॥
ബ്രാഹ്മണാനാം ഗതിഃ കേന കേന വാ മൃത്യു നാശനമ് । ഐഹികാമുഷ്മികഫലം കേന വാ പദ്മലോചന ॥ 3 ॥
വക്തുമര്ഹസ്യശേഷേണ സർവേ നിഖിലമാദിതഃ । ശ്രീനാരായണ ഉവാച – സാധു സാധു മഹാപ്രാജ്ഞ സമ്യക് പൃഷ്ടം ത്വയാഽനഘ ॥ 4 ॥
ശൃണു വക്ഷ്യാമി യത്നേന ഗായത്ര്യഷ്ടസഹസ്രകമ് । നാമ്നാം ശുഭാനാം ദിവ്യാനാം സർവപാപവിനാശനമ് ॥ 5 ॥
സൃഷ്ട്യാദൌ യദ്ഭഗവതാ പൂർവേ പ്രോക്തം ബ്രവീമി തേ । അഷ്ടോത്തരസഹസ്രസ്യ ഋഷിര്ബ്രഹ്മാ പ്രകീര്തിതഃ ॥ 6 ॥
ഛംദോഽനുഷ്ടുപ്തഥാ ദേവീ ഗായത്രീം ദേവതാ സ്മൃതാ । ഹലോബീജാനി തസ്യൈവ സ്വരാഃ ശക്തയ ഈരിതാഃ ॥ 7 ॥
അംഗന്യാസകരന്യാസാവുച്യേതേ മാതൃകാക്ഷരൈഃ । അഥ ധ്യാനം പ്രവക്ഷ്യാമി സാധകാനാം ഹിതായ വൈ ॥ 8 ॥
Offered for worship and study, not as prediction. Non-commercial.
ധ്യാനമ് രക്തശ്വേതഹിരണ്യനീലധവലൈര്യുക്താം ത്രിനീത്രോജ്ജ്വലാം രക്താം രക്തനവസ്രജം മണിഗണൈര്യുക്താം കുമാരീമിമാമ് । ഗായത്രീം കമലാസനാം കരതലവ്യാനദ്ധകുംഡാംബുജാം പദ്മാക്ഷീം ച വരസ്രജം ച ദധതീം ഹംസാധിരൂഢാം ഭജേ ॥ 9 ॥
അചിംത്യലക്ഷണാവ്യക്താപ്യര്ഥമാതൃമഹേശ്വരീ । അമൃതാര്ണവമധ്യസ്ഥാപ്യജിതാ ചാപരാജിതാ ॥ 10 ॥
അണിമാദിഗുണാധാരാപ്യര്കമംഡലസംസ്ഥിതാ । അജരാജാപരാധര്മാ അക്ഷസൂത്രധരാധരാ ॥ 11 ॥
അകാരാദിക്ഷകാരാംതാപ്യരിഷഡ്വര്ഗഭേദിനീ । അംജനാദ്രിപ്രതീകാശാപ്യംജനാദ്രിനിവാസിനീ ॥ 12 ॥
അദിതിശ്ചാജപാവിദ്യാപ്യരവിംദനിഭേക്ഷണാ । അംതര്ബഹിഃസ്ഥിതാവിദ്യാധ്വംസിനീ ചാംതരാത്മികാ ॥ 13 ॥
അജാ ചാജമുഖാവാസാപ്യരവിംദനിഭാനനാ । അര്ധമാത്രാര്ഥദാനജ്ഞാപ്യരിമംഡലമര്ദിനീ ॥ 14 ॥
അസുരഘ്നീ ഹ്യമാവാസ്യാപ്യലക്ഷ്മീഘ്ന്യംത്യജാര്ചിതാ । ആദിലക്ഷ്മീശ്ചാദിശക്തിരാകൃതിശ്ചായതാനനാ ॥ 15 ॥
ആദിത്യപദവീചാരാപ്യാദിത്യപരിസേവിതാ । ആചാര്യാവര്തനാചാരാപ്യാദിമൂര്തിനിവാസിനീ ॥ 16 ॥
ആഗ്നേയീ ചാമരീ ചാദ്യാ ചാരാധ്യാ ചാസനസ്ഥിതാ । ആധാരനിലയാധാരാ ചാകാശാംതനിവാസിനീ ॥ 17 ॥
ആദ്യാക്ഷരസമായുക്താ ചാംതരാകാശരൂപിണീ । ആദിത്യമംഡലഗതാ ചാംതരധ്വാംതനാശിനീ ॥ 18 ॥
ഇംദിരാ ചേഷ്ടദാ ചേഷ്ടാ ചേംദീവരനിഭേക്ഷണാ । ഇരാവതീ ചേംദ്രപദാ ചേംദ്രാണീ ചേംദുരൂപിണീ ॥ 19 ॥
ഇക്ഷുകോദംഡസംയുക്താ ചേഷുസംധാനകാരിണീ । ഇംദ്രനീലസമാകാരാ ചേഡാപിംഗലരൂപിണീ ॥ 20 ॥
ഇംദ്രാക്ഷീചേശ്വരീ ദേവീ ചേഹാത്രയവിവര്ജിതാ । ഉമാ ചോഷാ ഹ്യുഡുനിഭാ ഉർവാരുകഫലാനനാ ॥ 21 ॥
ഉഡുപ്രഭാ ചോഡുമതീ ഹ്യുഡുപാ ഹ്യുഡുമധ്യഗാ । ഊര്ധ്വാ ചാപ്യൂര്ധ്വകേശീ ചാപ്യൂര്ധ്വാധോഗതിഭേദിനീ ॥ 22 ॥
ഊര്ധ്വബാഹുപ്രിയാ ചോര്മിമാലാവാഗ്ഗ്രംഥദായിനീ । ഋതം ചര്ഷിരൃതുമതീ ഋഷിദേവനമസ്കൃതാ ॥ 23 ॥
ഋഗ്വേദാ ഋണഹര്ത്രീ ച ഋഷിമംഡലചാരിണീ । ഋദ്ധിദാ ഋജുമാര്ഗസ്ഥാ ഋജുധര്മാ ഋജുപ്രദാ ॥ 24 ॥
ഋഗ്വേദനിലയാ ഋജ്വീ ലുപ്തധര്മപ്രവര്തിനീ । ലൂതാരിവരസംഭൂതാ ലൂതാദിവിഷഹാരിണീ ॥ 25 ॥
ഏകാക്ഷരാ ചൈകമാത്രാ ചൈകാ ചൈകൈകനിഷ്ഠിതാ । ഐംദ്രീ ഹ്യൈരാവതാരൂഢാ ചൈഹികാമുഷ്മികപ്രദാ ॥ 26 ॥
ഓംകാരാ ഹ്യോഷധീ ചോതാ ചോതപ്രോതനിവാസിനീ । ഔർവാ ഹ്യൌഷധസംപന്നാ ഔപാസനഫലപ്രദാ ॥ 27 ॥
അംഡമധ്യസ്ഥിതാ ദേവീ ചാഃകാരമനുരൂപിണീ । കാത്യായനീ കാലരാത്രിഃ കാമാക്ഷീ കാമസുംദരീ ॥ 28 ॥
കമലാ കാമിനീ കാംതാ കാമദാ കാലകംഠിനീ । കരികുംഭസ്തനഭരാ കരവീരസുവാസിനീ ॥ 29 ॥
കല്യാണീ കുംഡലവതീ കുരുക്ഷേത്രനിവാസിനീ । കുരുവിംദദലാകാരാ കുംഡലീ കുമുദാലയാ ॥ 30 ॥
കാലജിഹ്വാ കരാലാസ്യാ കാലികാ കാലരൂപിണീ । കമനീയഗുണാ കാംതിഃ കലാധാരാ കുമുദ്വതീ ॥ 31 ॥
കൌശികീ കമലാകാരാ കാമചാരപ്രഭംജിനീ । കൌമാരീ കരുണാപാംഗീ കകുവംതാ കരിപ്രിയാ ॥ 32 ॥
കേസരീ കേശവനുതാ കദംബകുസുമപ്രിയാ । കാലിംദീ കാലികാ കാംചീ കലശോദ്ഭവസംസ്തുതാ ॥ 33 ॥
കാമമാതാ ക്രതുമതീ കാമരൂപാ കൃപാവതീ । കുമാരീ കുംഡനിലയാ കിരാതീ കീരവാഹനാ ॥ 34 ॥
കൈകേയീ കോകിലാലാപാ കേതകീ കുസുമപ്രിയാ । കമംഡലുധരാ കാലീ കര്മനിര്മൂലകാരിണീ ॥ 35 ॥
കലഹംസഗതിഃ കക്ഷാ കൃതകൌതുകമംഗലാ । കസ്തൂരീതിലകാ കംപ്രാ കരീംദ്രഗമനാ കുഹൂഃ ॥ 36 ॥
കര്പൂരലേപനാ കൃഷ്ണാ കപിലാ കുഹരാശ്രയാ । കൂടസ്ഥാ കുധരാ കമ്രാ കുക്ഷിസ്ഥാഖിലവിഷ്ടപാ ॥ 37 ॥
ഖഡ്ഗഖേടധരാ ഖർവാ ഖേചരീ ഖഗവാഹനാ । ഖട്വാംഗധാരിണീ ഖ്യാതാ ഖഗരാജോപരിസ്ഥിതാ ॥ 38 ॥
ഖലഘ്നീ ഖംഡിതജരാ ഖംഡാഖ്യാനപ്രദായിനീ । ഖംഡേംദുതിലകാ ഗംഗാ ഗണേശഗുഹപൂജിതാ ॥ 39 ॥
ഗായത്രീ ഗോമതീ ഗീതാ ഗാംധാരീ ഗാനലോലുപാ । ഗൌതമീ ഗാമിനീ ഗാധാ ഗംധർവാപ്സരസേവിതാ ॥ 40 ॥
ഗോവിംദചരണാക്രാംതാ ഗുണത്രയവിഭാവിതാ । ഗംധർവീ ഗഹ്വരീ ഗോത്രാ ഗിരീശാ ഗഹനാ ഗമീ ॥ 41 ॥
ഗുഹാവാസാ ഗുണവതീ ഗുരുപാപപ്രണാശിനീ । ഗുർവീ ഗുണവതീ ഗുഹ്യാ ഗോപ്തവ്യാ ഗുണദായിനീ ॥ 42 ॥
ഗിരിജാ ഗുഹ്യമാതംഗീ ഗരുഡധ്വജവല്ലഭാ । ഗർവാപഹാരിണീ ഗോദാ ഗോകുലസ്ഥാ ഗദാധരാ ॥ 43 ॥
ഗോകര്ണനിലയാസക്താ ഗുഹ്യമംഡലവര്തിനീ । ഘര്മദാ ഘനദാ ഘംടാ ഘോരദാനവമര്ദിനീ ॥ 44 ॥
ഘൃണിമംത്രമയീ ഘോഷാ ഘനസംപാതദായിനീ । ഘംടാരവപ്രിയാ ഘ്രാണാ ഘൃണിസംതുഷ്ടകാരിണീ ॥ 45 ॥
ഘനാരിമംഡലാ ഘൂര്ണാ ഘൃതാചീ ഘനവേഗിനീ । ജ്ഞാനധാതുമയീ ചര്ചാ ചര്ചിതാ ചാരുഹാസിനീ ॥ 46 ॥
ചടുലാ ചംഡികാ ചിത്രാ ചിത്രമാല്യവിഭൂഷിതാ । ചതുര്ഭുജാ ചാരുദംതാ ചാതുരീ ചരിതപ്രദാ ॥ 47 ॥
ചൂലികാ ചിത്രവസ്ത്രാംതാ ചംദ്രമഃകര്ണകുംഡലാ । ചംദ്രഹാസാ ചാരുദാത്രീ ചകോരീ ചംദ്രഹാസിനീ ॥ 48 ॥
ചംദ്രികാ ചംദ്രധാത്രീ ച ചൌരീ ചൌരാ ച ചംഡികാ । ചംചദ്വാഗ്വാദിനീ ചംദ്രചൂഡാ ചോരവിനാശിനീ ॥ 49 ॥
ചാരുചംദനലിപ്താംഗീ ചംചച്ചാമരവീജിതാ । ചാരുമധ്യാ ചാരുഗതിശ്ചംദിലാ ചംദ്രരൂപിണീ ॥ 50 ॥
ചാരുഹോമപ്രിയാ ചാർവാചരിതാ ചക്രബാഹുകാ । ചംദ്രമംഡലമധ്യസ്ഥാ ചംദ്രമംഡലദര്പണാ ॥ 51 ॥
ചക്രവാകസ്തനീ ചേഷ്ടാ ചിത്രാ ചാരുവിലാസിനീ । ചിത്സ്വരൂപാ ചംദ്രവതീ ചംദ്രമാശ്ചംദനപ്രിയാ ॥ 52 ॥
ചോദയിത്രീ ചിരപ്രജ്ഞാ ചാതകാ ചാരുഹേതുകീ । ഛത്രയാതാ ഛത്രധരാ ഛായാ ഛംദഃപരിച്ഛദാ ॥ 53 ॥
ഛായാദേവീ ഛിദ്രനഖാ ഛന്നേംദ്രിയവിസര്പിണീ । ഛംദോഽനുഷ്ടുപ്പ്രതിഷ്ഠാംതാ ഛിദ്രോപദ്രവഭേദിനീ ॥ 54 ॥
ഛേദാ ഛത്രേശ്വരീ ഛിന്നാ ഛുരികാ ഛേദനപ്രിയാ । ജനനീ ജന്മരഹിതാ ജാതവേദാ ജഗന്മയീ ॥ 55 ॥
ജാഹ്നവീ ജടിലാ ജേത്രീ ജരാമരണവര്ജിതാ । ജംബൂദ്വീപവതീ ജ്വാലാ ജയംതീ ജലശാലിനീ ॥ 56 ॥
ജിതേംദ്രിയാ ജിതക്രോധാ ജിതാമിത്രാ ജഗത്പ്രിയാ । ജാതരൂപമയീ ജിഹ്വാ ജാനകീ ജഗതീ ജരാ ॥ 57 ॥
ജനിത്രീ ജഹ്നുതനയാ ജഗത്ത്രയഹിതൈഷിണീ । ജ്വാലാമുഖീ ജപവതീ ജ്വരഘ്നീ ജിതവിഷ്ടപാ ॥ 58 ॥
ജിതാക്രാംതമയീ ജ്വാലാ ജാഗ്രതീ ജ്വരദേവതാ । ജ്വലംതീ ജലദാ ജ്യേഷ്ഠാ ജ്യാഘോഷാസ്ഫോടദിങ്മുഖീ ॥ 59 ॥
ജംഭിനീ ജൃംഭണാ ജൃംഭാ ജ്വലന്മാണിക്യകുംഡലാ । ഝിംഝികാ ഝണനിര്ഘോഷാ ഝംഝാമാരുതവേഗിനീ ॥ 60 ॥
ഝല്ലരീവാദ്യകുശലാ ഞരൂപാ ഞഭുജാ സ്മൃതാ । ടംകബാണസമായുക്താ ടംകിനീ ടംകഭേദിനീ ॥ 61 ॥
ടംകീഗണകൃതാഘോഷാ ടംകനീയമഹോരസാ । ടംകാരകാരിണീ ദേവീ ഠഠശബ്ദനിനാദിനീ ॥ 62 ॥
ഡാമരീ ഡാകിനീ ഡിംഭാ ഡുംഡുമാരൈകനിര്ജിതാ । ഡാമരീതംത്രമാര്ഗസ്ഥാ ഡമഡ്ഡമരുനാദിനീ ॥ 63 ॥
ഡിംഡീരവസഹാ ഡിംഭലസത്ക്രീഡാപരായണാ । ഢുംഢിവിഘ്നേശജനനീ ഢക്കാഹസ്താ ഢിലിവ്രജാ ॥ 64 ॥
നിത്യജ്ഞാനാ നിരുപമാ നിര്ഗുണാ നര്മദാ നദീ । ത്രിഗുണാ ത്രിപദാ തംത്രീ തുലസീ തരുണാ തരുഃ ॥ 65 ॥
ത്രിവിക്രമപദാക്രാംതാ തുരീയപദഗാമിനീ । തരുണാദിത്യസംകാശാ താമസീ തുഹിനാ തുരാ ॥ 66 ॥
ത്രികാലജ്ഞാനസംപന്നാ ത്രിവേണീ ച ത്രിലോചനാ । ത്രിശക്തിസ്ത്രിപുരാ തുംഗാ തുരംഗവദനാ തഥാ ॥ 67 ॥
തിമിംഗിലഗിലാ തീവ്രാ ത്രിസ്രോതാ താമസാദിനീ । തംത്രമംത്രവിശേഷജ്ഞാ തനുമധ്യാ ത്രിവിഷ്ടപാ ॥ 68 ॥
ത്രിസംധ്യാ ത്രിസ്തനീ തോഷാസംസ്ഥാ താലപ്രതാപിനീ । താടംകിനീ തുഷാരാഭാ തുഹിനാചലവാസിനീ ॥ 69 ॥
തംതുജാലസമായുക്താ താരഹാരാവലിപ്രിയാ । തിലഹോമപ്രിയാ തീര്ഥാ തമാലകുസുമാകൃതിഃ ॥ 70 ॥
താരകാ ത്രിയുതാ തന്വീ ത്രിശംകുപരിവാരിതാ । തലോദരീ തിലാഭൂഷാ താടംകപ്രിയവാദിനീ ॥ 71 ॥
ത്രിജടാ തിത്തിരീ തൃഷ്ണാ ത്രിവിധാ തരുണാകൃതിഃ । തപ്തകാംചനസംകാശാ തപ്തകാംചനഭൂഷണാ ॥ 72 ॥
ത്രൈയംബകാ ത്രിവര്ഗാ ച ത്രികാലജ്ഞാനദായിനീ । തര്പണാ തൃപ്തിദാ തൃപ്താ താമസീ തുംബുരുസ്തുതാ ॥ 73 ॥
താര്ക്ഷ്യസ്ഥാ ത്രിഗുണാകാരാ ത്രിഭംഗീ തനുവല്ലരിഃ । ഥാത്കാരീ ഥാരവാ ഥാംതാ ദോഹിനീ ദീനവത്സലാ ॥ 74 ॥
ദാനവാംതകരീ ദുര്ഗാ ദുര്ഗാസുരനിബര്ഹിണീ । ദേവരീതിര്ദിവാരാത്രിര്ദ്രൌപദീ ദുംദുഭിസ്വനാ ॥ 75 ॥
ദേവയാനീ ദുരാവാസാ ദാരിദ്ര്യോദ്ഭേദിനീ ദിവാ । ദാമോദരപ്രിയാ ദീപ്താ ദിഗ്വാസാ ദിഗ്വിമോഹിനീ ॥ 76 ॥
ദംഡകാരണ്യനിലയാ ദംഡിനീ ദേവപൂജിതാ । ദേവവംദ്യാ ദിവിഷദാ ദ്വേഷിണീ ദാനവാകൃതിഃ ॥ 77 ॥
ദീനാനാഥസ്തുതാ ദീക്ഷാ ദൈവതാദിസ്വരൂപിണീ । ധാത്രീ ധനുര്ധരാ ധേനുര്ധാരിണീ ധര്മചാരിണീ ॥ 78 ॥
ധുരംധരാ ധരാധാരാ ധനദാ ധാന്യദോഹിനീ । ധര്മശീലാ ധനാധ്യക്ഷാ ധനുർവേദവിശാരദാ ॥ 79 ॥
ധൃതിര്ധന്യാ ധൃതപദാ ധര്മരാജപ്രിയാ ധ്രുവാ । ധൂമാവതീ ധൂമകേശീ ധര്മശാസ്ത്രപ്രകാശിനീ ॥ 80 ॥
നംദാ നംദപ്രിയാ നിദ്രാ നൃനുതാ നംദനാത്മികാ । നര്മദാ നലിനീ നീലാ നീലകംഠസമാശ്രയാ ॥ 81 ॥
നാരായണപ്രിയാ നിത്യാ നിര്മലാ നിര്ഗുണാ നിധിഃ । നിരാധാരാ നിരുപമാ നിത്യശുദ്ധാ നിരംജനാ ॥ 82 ॥
നാദബിംദുകലാതീതാ നാദബിംദുകലാത്മികാ । നൃസിംഹിനീ നഗധരാ നൃപനാഗവിഭൂഷിതാ ॥ 83 ॥
നരകക്ലേശശമനീ നാരായണപദോദ്ഭവാ । നിരവദ്യാ നിരാകാരാ നാരദപ്രിയകാരിണീ ॥ 84 ॥
നാനാജ്യോതിഃ സമാഖ്യാതാ നിധിദാ നിര്മലാത്മികാ । നവസൂത്രധരാ നീതിര്നിരുപദ്രവകാരിണീ ॥ 85 ॥
നംദജാ നവരത്നാഢ്യാ നൈമിഷാരണ്യവാസിനീ । നവനീതപ്രിയാ നാരീ നീലജീമൂതനിസ്വനാ ॥ 86 ॥
നിമേഷിണീ നദീരൂപാ നീലഗ്രീവാ നിശീശ്വരീ । നാമാവലിര്നിശുംഭഘ്നീ നാഗലോകനിവാസിനീ ॥ 87 ॥
നവജാംബൂനദപ്രഖ്യാ നാഗലോകാധിദേവതാ । നൂപുരാക്രാംതചരണാ നരചിത്തപ്രമോദിനീ ॥ 88 ॥
നിമഗ്നാരക്തനയനാ നിര്ഘാതസമനിസ്വനാ । നംദനോദ്യാനനിലയാ നിർവ്യൂഹോപരിചാരിണീ ॥ 89 ॥
പാർവതീ പരമോദാരാ പരബ്രഹ്മാത്മികാ പരാ । പംചകോശവിനിര്മുക്താ പംചപാതകനാശിനീ ॥ 90 ॥
പരചിത്തവിധാനജ്ഞാ പംചികാ പംചരൂപിണീ । പൂര്ണിമാ പരമാ പ്രീതിഃ പരതേജഃ പ്രകാശിനീ ॥ 91 ॥
പുരാണീ പൌരുഷീ പുണ്യാ പുംഡരീകനിഭേക്ഷണാ । പാതാലതലനിര്മഗ്നാ പ്രീതാ പ്രീതിവിവര്ധിനീ ॥ 92 ॥
പാവനീ പാദസഹിതാ പേശലാ പവനാശിനീ । പ്രജാപതിഃ പരിശ്രാംതാ പർവതസ്തനമംഡലാ ॥ 93 ॥
പദ്മപ്രിയാ പദ്മസംസ്ഥാ പദ്മാക്ഷീ പദ്മസംഭവാ । പദ്മപത്രാ പദ്മപദാ പദ്മിനീ പ്രിയഭാഷിണീ ॥ 94 ॥
പശുപാശവിനിര്മുക്താ പുരംധ്രീ പുരവാസിനീ । പുഷ്കലാ പുരുഷാ പർവാ പാരിജാതസുമപ്രിയാ ॥ 95 ॥
പതിവ്രതാ പവിത്രാംഗീ പുഷ്പഹാസപരായണാ । പ്രജ്ഞാവതീസുതാ പൌത്രീ പുത്രപൂജ്യാ പയസ്വിനീ ॥ 96 ॥
പട്ടിപാശധരാ പംക്തിഃ പിതൃലോകപ്രദായിനീ । പുരാണീ പുണ്യശീലാ ച പ്രണതാര്തിവിനാശിനീ ॥ 97 ॥
പ്രദ്യുമ്നജനനീ പുഷ്ടാ പിതാമഹപരിഗ്രഹാ । പുംഡരീകപുരാവാസാ പുംഡരീകസമാനനാ ॥ 98 ॥
പൃഥുജംഘാ പൃഥുഭുജാ പൃഥുപാദാ പൃഥൂദരീ । പ്രവാലശോഭാ പിംഗാക്ഷീ പീതവാസാഃ പ്രചാപലാ ॥ 99 ॥
പ്രസവാ പുഷ്ടിദാ പുണ്യാ പ്രതിഷ്ഠാ പ്രണവാഗതിഃ । പംചവര്ണാ പംചവാണീ പംചികാ പംജരസ്ഥിതാ ॥ 100 ॥
പരമായാ പരജ്യോതിഃ പരപ്രീതിഃ പരാഗതിഃ । പരാകാഷ്ഠാ പരേശാനീ പാവനീ പാവകദ്യുതിഃ ॥ 101 ॥
പുണ്യഭദ്രാ പരിച്ഛേദ്യാ പുഷ്പഹാസാ പൃഥൂദരീ । പീതാംഗീ പീതവസനാ പീതശയ്യാ പിശാചിനീ ॥ 102 ॥
പീതക്രിയാ പിശാചഘ്നീ പാടലാക്ഷീ പടുക്രിയാ । പംചഭക്ഷപ്രിയാചാരാ പൂതനാപ്രാണഘാതിനീ ॥ 103 ॥
പുന്നാഗവനമധ്യസ്ഥാ പുണ്യതീര്ഥനിഷേവിതാ । പംചാംഗീ ച പരാശക്തിഃ പരമാഹ്ലാദകാരിണീ ॥ 104 ॥
പുഷ്പകാംഡസ്ഥിതാ പൂഷാ പോഷിതാഖിലവിഷ്ടപാ । പ്രാണപ്രിയാ പംചശിഖാ പന്നഗോപരിശായിനീ ॥ 105 ॥
പംചമാത്രാത്മികാ പൃഥ്വീ പഥികാ പൃഥുദോഹിനീ । പുരാണന്യായമീമാംസാ പാടലീ പുഷ്പഗംധിനീ ॥ 106 ॥
പുണ്യപ്രജാ പാരദാത്രീ പരമാര്ഗൈകഗോചരാ । പ്രവാലശോഭാ പൂര്ണാശാ പ്രണവാ പല്ലവോദരീ ॥ 107 ॥
ഫലിനീ ഫലദാ ഫല്ഗുഃ ഫൂത്കാരീ ഫലകാകൃതിഃ । ഫണീംദ്രഭോഗശയനാ ഫണിമംഡലമംഡിതാ ॥ 108 ॥
ബാലബാലാ ബഹുമതാ ബാലാതപനിഭാംശുകാ । ബലഭദ്രപ്രിയാ വംദ്യാ ബഡവാ ബുദ്ധിസംസ്തുതാ ॥ 109 ॥
ബംദീദേവീ ബിലവതീ ബഡിശഘ്നീ ബലിപ്രിയാ । ബാംധവീ ബോധിതാ ബുദ്ധിര്ബംധൂകകുസുമപ്രിയാ ॥ 110 ॥
ബാലഭാനുപ്രഭാകാരാ ബ്രാഹ്മീ ബ്രാഹ്മണദേവതാ । ബൃഹസ്പതിസ്തുതാ ബൃംദാ ബൃംദാവനവിഹാരിണീ ॥ 111 ॥
ബാലാകിനീ ബിലാഹാരാ ബിലവാസാ ബഹൂദകാ । ബഹുനേത്രാ ബഹുപദാ ബഹുകര്ണാവതംസികാ ॥ 112 ॥
ബഹുബാഹുയുതാ ബീജരൂപിണീ ബഹുരൂപിണീ । ബിംദുനാദകലാതീതാ ബിംദുനാദസ്വരൂപിണീ ॥ 113 ॥
ബദ്ധഗോധാംഗുലിത്രാണാ ബദര്യാശ്രമവാസിനീ । ബൃംദാരകാ ബൃഹത്സ്കംധാ ബൃഹതീ ബാണപാതിനീ ॥ 114 ॥
ബൃംദാധ്യക്ഷാ ബഹുനുതാ വനിതാ ബഹുവിക്രമാ । ബദ്ധപദ്മാസനാസീനാ ബില്വപത്രതലസ്ഥിതാ ॥ 115 ॥
ബോധിദ്രുമനിജാവാസാ ബഡിസ്ഥാ ബിംദുദര്പണാ । ബാലാ ബാണാസനവതീ ബഡബാനലവേഗിനീ ॥ 116 ॥
ബ്രഹ്മാംഡബഹിരംതഃസ്ഥാ ബ്രഹ്മകംകണസൂത്രിണീ । ഭവാനീ ഭീഷണവതീ ഭാവിനീ ഭയഹാരിണീ ॥ 117 ॥
ഭദ്രകാലീ ഭുജംഗാക്ഷീ ഭാരതീ ഭാരതാശയാ । ഭൈരവീ ഭീഷണാകാരാ ഭൂതിദാ ഭൂതിമാലിനീ ॥ 118 ॥
ഭാമിനീ ഭോഗനിരതാ ഭദ്രദാ ഭൂരിവിക്രമാ । ഭൂതവാസാ ഭൃഗുലതാ ഭാര്ഗവീ ഭൂസുരാര്ചിതാ ॥ 119 ॥
ഭാഗീരഥീ ഭോഗവതീ ഭവനസ്ഥാ ഭിഷഗ്വരാ । ഭാമിനീ ഭോഗിനീ ഭാഷാ ഭവാനീ ഭൂരിദക്ഷിണാ ॥ 120 ॥
ഭര്ഗാത്മികാ ഭീമവതീ ഭവബംധവിമോചിനീ । ഭജനീയാ ഭൂതധാത്രീരംജിതാ ഭുവനേശ്വരീ ॥ 121 ॥
ഭുജംഗവലയാ ഭീമാ ഭേരുംഡാ ഭാഗധേയിനീ । മാതാ മായാ മധുമതീ മധുജിഹ്വാ മധുപ്രിയാ ॥ 122 ॥
മഹാദേവീ മഹാഭാഗാ മാലിനീ മീനലോചനാ । മായാതീതാ മധുമതീ മധുമാംസാ മധുദ്രവാ ॥ 123 ॥
മാനവീ മധുസംഭൂതാ മിഥിലാപുരവാസിനീ । മധുകൈടഭസംഹര്ത്രീ മേദിനീ മേഘമാലിനീ ॥ 124 ॥
മംദോദരീ മഹാമായാ മൈഥിലീ മസൃണപ്രിയാ । മഹാലക്ഷ്മീര്മഹാകാലീ മഹാകന്യാ മഹേശ്വരീ ॥ 125 ॥
മാഹേംദ്രീ മേരുതനയാ മംദാരകുസുമാര്ചിതാ । മംജുമംജീരചരണാ മോക്ഷദാ മംജുഭാഷിണീ ॥ 126 ॥
മധുരദ്രാവിണീ മുദ്രാ മലയാ മലയാന്വിതാ । മേധാ മരകതശ്യാമാ മാഗധീ മേനകാത്മജാ ॥ 127 ॥
മഹാമാരീ മഹാവീരാ മഹാശ്യാമാ മനുസ്തുതാ । മാതൃകാ മിഹിരാഭാസാ മുകുംദപദവിക്രമാ ॥ 128 ॥
മൂലാധാരസ്ഥിതാ മുഗ്ധാ മണിപൂരകവാസിനീ । മൃഗാക്ഷീ മഹിഷാരൂഢാ മഹിഷാസുരമര്ദിനീ ॥ 129 ॥
യോഗാസനാ യോഗഗമ്യാ യോഗാ യൌവനകാശ്രയാ । യൌവനീ യുദ്ധമധ്യസ്ഥാ യമുനാ യുഗധാരിണീ ॥ 130 ॥
യക്ഷിണീ യോഗയുക്താ ച യക്ഷരാജപ്രസൂതിനീ । യാത്രാ യാനവിധാനജ്ഞാ യദുവംശസമുദ്ഭവാ ॥ 131 ॥
യകാരാദിഹകാരാംതാ യാജുഷീ യജ്ഞരൂപിണീ । യാമിനീ യോഗനിരതാ യാതുധാനഭയംകരീ ॥ 132 ॥
രുക്മിണീ രമണീ രാമാ രേവതീ രേണുകാ രതിഃ । രൌദ്രീ രൌദ്രപ്രിയാകാരാ രാമമാതാ രതിപ്രിയാ ॥ 133 ॥
രോഹിണീ രാജ്യദാ രേവാ രമാ രാജീവലോചനാ । രാകേശീ രൂപസംപന്നാ രത്നസിംഹാസനസ്ഥിതാ ॥ 134 ॥
രക്തമാല്യാംബരധരാ രക്തഗംധാനുലേപനാ । രാജഹംസസമാരൂഢാ രംഭാ രക്തബലിപ്രിയാ ॥ 135 ॥
രമണീയയുഗാധാരാ രാജിതാഖിലഭൂതലാ । രുരുചര്മപരീധാനാ രഥിനീ രത്നമാലികാ ॥ 136 ॥
രോഗേശീ രോഗശമനീ രാവിണീ രോമഹര്ഷിണീ । രാമചംദ്രപദാക്രാംതാ രാവണച്ഛേദകാരിണീ ॥ 137 ॥
രത്നവസ്ത്രപരിച്ഛന്നാ രഥസ്ഥാ രുക്മഭൂഷണാ । ലജ്ജാധിദേവതാ ലോലാ ലലിതാ ലിംഗധാരിണീ ॥ 138 ॥
ലക്ഷ്മീര്ലോലാ ലുപ്തവിഷാ ലോകിനീ ലോകവിശ്രുതാ । ലജ്ജാ ലംബോദരീ ദേവീ ലലനാ ലോകധാരിണീ ॥ 139 ॥
വരദാ വംദിതാ വിദ്യാ വൈഷ്ണവീ വിമലാകൃതിഃ । വാരാഹീ വിരജാ വര്ഷാ വരലക്ഷ്മീർവിലാസിനീ ॥ 140 ॥
വിനതാ വ്യോമമധ്യസ്ഥാ വാരിജാസനസംസ്ഥിതാ । വാരുണീ വേണുസംഭൂതാ വീതിഹോത്രാ വിരൂപിണീ ॥ 141 ॥
വായുമംഡലമധ്യസ്ഥാ വിഷ്ണുരൂപാ വിധിപ്രിയാ । വിഷ്ണുപത്നീ വിഷ്ണുമതീ വിശാലാക്ഷീ വസുംധരാ ॥ 142 ॥
വാമദേവപ്രിയാ വേലാ വജ്രിണീ വസുദോഹിനീ । വേദാക്ഷരപരീതാംഗീ വാജപേയഫലപ്രദാ ॥ 143 ॥
വാസവീ വാമജനനീ വൈകുംഠനിലയാ വരാ । വ്യാസപ്രിയാ വര്മധരാ വാല്മീകിപരിസേവിതാ ॥ 144 ॥
ശാകംഭരീ ശിവാ ശാംതാ ശാരദാ ശരണാഗതിഃ । ശാതോദരീ ശുഭാചാരാ ശുംഭാസുരവിമര്ദിനീ ॥ 145 ॥
ശോഭാവതീ ശിവാകാരാ ശംകരാര്ധശരീരിണീ । ശോണാ ശുഭാശയാ ശുഭ്രാ ശിരഃസംധാനകാരിണീ ॥ 146 ॥
ശരാവതീ ശരാനംദാ ശരജ്ജ്യോത്സ്നാ ശുഭാനനാ । ശരഭാ ശൂലിനീ ശുദ്ധാ ശബരീ ശുകവാഹനാ ॥ 147 ॥
ശ്രീമതീ ശ്രീധരാനംദാ ശ്രവണാനംദദായിനീ । ശർവാണീ ശർവരീവംദ്യാ ഷഡ്ഭാഷാ ഷഡൃതുപ്രിയാ ॥ 148 ॥
ഷഡാധാരസ്ഥിതാ ദേവീ ഷണ്മുഖപ്രിയകാരിണീ । ഷഡംഗരൂപസുമതീ സുരാസുരനമസ്കൃതാ ॥ 149 ॥
സരസ്വതീ സദാധാരാ സർവമംഗലകാരിണീ । സാമഗാനപ്രിയാ സൂക്ഷ്മാ സാവിത്രീ സാമസംഭവാ ॥ 150 ॥
സർവാവാസാ സദാനംദാ സുസ്തനീ സാഗരാംബരാ । സർവൈശ്വര്യപ്രിയാ സിദ്ധിഃ സാധുബംധുപരാക്രമാ ॥ 151 ॥
സപ്തര്ഷിമംഡലഗതാ സോമമംഡലവാസിനീ । സർവജ്ഞാ സാംദ്രകരുണാ സമാനാധികവര്ജിതാ ॥ 152 ॥
സർവോത്തുംഗാ സംഗഹീനാ സദ്ഗുണാ സകലേഷ്ടദാ । സരധാ സൂര്യതനയാ സുകേശീ സോമസംഹതിഃ ॥ 153 ॥
ഹിരണ്യവര്ണാ ഹരിണീ ഹ്രീംകാരീ ഹംസവാഹിനീ । ക്ഷൌമവസ്ത്രപരീതാംഗീ ക്ഷീരാബ്ധിതനയാ ക്ഷമാ ॥ 154 ॥
ഗായത്രീ ചൈവ സാവിത്രീ പാർവതീ ച സരസ്വതീ । വേദഗര്ഭാ വരാരോഹാ ശ്രീഗായത്രീ പരാംബികാ ॥ 155 ॥
ഇതി സാഹസ്രകം നാമ്നാം ഗായത്ര്യാശ്ചൈവ നാരദ । പുണ്യദം സർവപാപഘ്നം മഹാസംപത്തിദായകമ് ॥ 156 ॥
ഏവം നാമാനി ഗായത്ര്യാസ്തോഷോത്പത്തികരാണി ഹി । അഷ്ടമ്യാം ച വിശേഷേണ പഠിതവ്യം ദ്വിജൈഃ സഹ ॥ 157 ॥
ജപം കൃത്വാ ഹോമ പൂജാ ധ്യാനം കൃത്വാ വിശേഷതഃ । യസ്മൈ കസ്മൈ ന ദാതവ്യം ഗായത്ര്യാസ്തു വിശേഷതഃ ॥ 158 ॥
സുഭക്തായ സുശിഷ്യായ വക്തവ്യം ഭൂസുരായ വൈ । ഭ്രഷ്ടേഭ്യഃ സാധകേഭ്യശ്ച ബാംധവേഭ്യോ ന ദര്ശയേത് ॥ 159 ॥
യദ്ഗൃഹേ ലിഖിതം ശാസ്ത്രം ഭയം തസ്യ ന കസ്യചിത് । ചംചലാപിസ്ഥിരാ ഭൂത്വാ കമലാ തത്ര തിഷ്ഠതി ॥ 160 ॥
ഇദം രഹസ്യം പരമം ഗുഹ്യാദ്ഗുഹ്യതരം മഹത് । പുണ്യപ്രദം മനുഷ്യാണാം ദരിദ്രാണാം നിധിപ്രദമ് ॥ 161 ॥
മോക്ഷപ്രദം മുമുക്ഷൂണാം കാമിനാം സർവകാമദമ് । രോഗാദ്വൈ മുച്യതേ രോഗീ ബദ്ധോ മുച്യേത ബംധനാത് ॥ 162 ॥
ബ്രഹ്മഹത്യാ സുരാപാനം സുവര്ണസ്തേയിനോ നരാഃ । ഗുരുതല്പഗതോ വാപി പാതകാന്മുച്യതേ സകൃത് ॥ 163 ॥
അസത്പ്രതിഗ്രഹാച്ചൈവാഽഭക്ഷ്യഭക്ഷാദ്വിശേഷതഃ । പാഖംഡാനൃതമുഖ്യേഭ്യഃ പഠനാദേവ മുച്യതേ ॥ 164 ॥
ഇദം രഹസ്യമമലം മയോക്തം പദ്മജോദ്ഭവ । ബ്രഹ്മസായുജ്യദം നൄണാം സത്യം സത്യം ന സംശയഃ ॥ 165 ॥
ഇതി ശ്രീദേവീഭാഗവതേ മഹാപുരാണേ ദ്വാദശസ്കംധേ ഗായത്രീസഹസ്രനാമ സ്തോത്ര കഥനം നാമ ഷഷ്ഠോഽധ്യായഃ ॥
Browse Related Categories: