Vishnu · Traditional devotional text · Source: vignanam.org (Traditional devotional text (public-domain shlokas))
അവിനയമപനയ വിഷ്ണോ ദമയ മനഃ ശമയ വിഷയമൃഗതൃഷ്ണാമ് । ഭൂതദയാം വിസ്താരയ താരയ സംസാരസാഗരതഃ ॥ 1 ॥
ദിവ്യധുനീമകരംദേ പരിമളപരിഭോഗസച്ചിദാനംദേ । ശ്രീപതിപദാരവിംദേ ഭവഭയഖേദച്ഛിദേ വംദേ ॥ 2 ॥
സത്യപി ഭേദാപഗമേ നാഥ തവാഽഹം ന മാമകീനസ്ത്വമ് । സാമുദ്രോ ഹി തരംഗഃ ക്വചന സമുദ്രോ ന താരംഗഃ ॥ 3 ॥
ഉദ്ധൃതനഗ നഗഭിദനുജ ദനുജകുലാമിത്ര മിത്രശശിദൃഷ്ടേ । ദൃഷ്ടേ ഭവതി പ്രഭവതി ന ഭവതി കിം ഭവതിരസ്കാരഃ ॥ 4 ॥
മത്സ്യാദിഭിരവതാരൈരവതാരവതാഽവതാ സദാ വസുധാമ് । പരമേശ്വര പരിപാല്യോ ഭവതാ ഭവതാപഭീതോഽഹമ് ॥ 5 ॥
ദാമോദര ഗുണമംദിര സുംദരവദനാരവിംദ ഗോവിംദ । ഭവജലധിമഥനമംദര പരമം ദരമപനയ ത്വം മേ ॥ 6 ॥
നാരായണ കരുണാമയ ശരണം കരവാണി താവകൌ ചരണൌ । ഇതി ഷട്പദീ മദീയേ വദനസരോജേ സദാ വസതു ॥
ഇതി ശ്രീമച്ചംകരാചാര്യ വിരചിതം ശ്രീ വിഷ്ണു ഷട്പദീ സ്തോത്രം സംപൂര്ണമ്
Browse Related Categories:
Offered for worship and study, not as prediction. Non-commercial.
More devotional texts