கௌ³ரீ த³ஶகம்

லீலாலப்³த⁴ஸ்தா²பிதலுப்தாகி²லலோகாம் லோகாதீதைர்யோகி³பி⁴ரந்தஶ்சிரம்ருக்³யாம் । பா³லாதி³த்யஶ்ரேணிஸமானத்³யுதிபுஞ்ஜாம் கௌ³ரீமம்பா³மம்பு³ருஹாக்ஷீமஹமீடே³ ॥ 1 ॥

ப்ரத்யாஹாரத்⁴யானஸமாதி⁴ஸ்தி²திபா⁴ஜாம் நித்யம் சித்தே நிர்வ்ருதிகாஷ்டா²ம் கலயந்தீம் । ஸத்யஜ்ஞானானந்த³மயீம் தாம் தனுரூபாம் கௌ³ரீமம்பா³மம்பு³ருஹாக்ஷீமஹமீடே³ ॥ 2 ॥

சந்த்³ராபீடா³னந்தி³தமந்த³ஸ்மிதவக்த்ராம் சந்த்³ராபீடா³லங்க்ருதனீலாலகபா⁴ராம் । இந்த்³ரோபேந்த்³ராத்³யர்சிதபாதா³ம்பு³ஜயுக்³மாம் கௌ³ரீமம்பா³மம்பு³ருஹாக்ஷீமஹமீடே³ ॥ 3 ॥

ஆதி³க்ஷாந்தாமக்ஷரமூர்த்யா விலஸந்தீம் பூ⁴தே பூ⁴தே பூ⁴தகத³ம்ப³ப்ரஸவித்ரீம் । ஶப்³த³ப்³ரஹ்மானந்த³மயீம் தாம் தடிதா³பா⁴ம் கௌ³ரீமம்பா³மம்பு³ருஹாக்ஷீமஹமீடே³ ॥ 4 ॥

மூலாதா⁴ராது³த்தி²தவீத்²யா விதி⁴ரந்த்⁴ரம் ஸௌரம் சாந்த்³ரம் வ்யாப்ய விஹாரஜ்வலிதாங்கீ³ம் । யேயம் ஸூக்ஷ்மாத்ஸூக்ஷ்மதனுஸ்தாம் ஸுக²ரூபாம் கௌ³ரீமம்பா³மம்பு³ருஹாக்ஷீமஹமீடே³ ॥ 5 ॥

நித்ய: ஶுத்³தோ⁴ நிஷ்கல ஏகோ ஜக³தீ³ஶ: ஸாக்ஷீ யஸ்யா: ஸர்க³விதௌ⁴ ஸம்ஹரணே ச । விஶ்வத்ராணக்ரீட³னலோலாம் ஶிவபத்னீம் கௌ³ரீமம்பா³மம்பு³ருஹாக்ஷீமஹமீடே³ ॥ 6 ॥

யஸ்யா: குக்ஷௌ லீனமக²ண்ட³ம் ஜக³த³ண்ட³ம் பூ⁴யோ பூ⁴ய: ப்ராது³ரபூ⁴து³த்தி²தமேவ । பத்யா ஸார்த⁴ம் தாம் ரஜதாத்³ரௌ விஹரந்தீம் கௌ³ரீமம்பா³மம்பு³ருஹாக்ஷீமஹமீடே³ ॥ 7 ॥

யஸ்யாமோதம் ப்ரோதமஶேஷம் மணிமாலா- -ஸூத்ரே யத்³வத்காபி சரம் சாப்யசரம் ச । தாமத்⁴யாத்மஜ்ஞானபத³வ்யா க³மனீயாம் கௌ³ரீமம்பா³மம்பு³ருஹாக்ஷீமஹமீடே³ ॥ 8 ॥