ஶாரதா³ பு⁴ஜங்க³ ப்ரயாத அஷ்டகம்

സുവക്ഷോജകുംഭാം സുധാപൂര്ണകുംഭാം പ്രസാദാവലംബാം പ്രപുണ്യാവലംബാമ് । സദാസ്യേംദുബിംബാം സദാനോഷ്ഠബിംബാം ഭജേ ശാരദാംബാമജസ്രം മദംബാമ് ॥ 1 ॥

കടാക്ഷേ ദയാര്ദ്രാം കരേ ജ്ഞാനമുദ്രാം കലാഭിർവിനിദ്രാം കലാപൈഃ സുഭദ്രാമ് । പുരസ്ത്രീം വിനിദ്രാം പുരസ്തുംഗഭദ്രാം ഭജേ ശാരദാംബാമജസ്രം മദംബാമ് ॥ 2 ॥

ലലാമാംകഫാലാം ലസദ്ഗാനലോലാം സ്വഭക്തൈകപാലാം യശഃശ്രീകപോലാമ് । കരേ ത്വക്ഷമാലാം കനത്പത്രലോലാം ഭജേ ശാരദാംബാമജസ്രം മദംബാമ് ॥ 3 ॥

സുസീമംതവേണീം ദൃശാ നിര്ജിതൈണീം രമത്കീരവാണീം നമദ്വജ്രപാണീമ് । സുധാമംഥരാസ്യാം മുദാ ചിംത്യവേണീം ഭജേ ശാരദാംബാമജസ്രം മദംബാമ് ॥ 4 ॥

സുശാംതാം സുദേഹാം ദൃഗംതേ കചാംതാം ലസത്സല്ലതാംഗീമനംതാമചിംത്യാമ് । സ്മരേത്താപസൈഃ സര്ഗപൂർവസ്ഥിതാം താം ഭജേ ശാരദാംബാമജസ്രം മദംബാമ് ॥ 5 ॥

കുരംഗേ തുരംഗേ മൃഗേംദ്രേ ഖഗേംദ്രേ മരാലേ മദേഭേ മഹോക്ഷേഽധിരൂഢാമ് । മഹത്യാം നവമ്യാം സദാ സാമരൂപാം ഭജേ ശാരദാംബാമജസ്രം മദംബാമ് ॥ 6 ॥

ജ്വലത്കാംതിവഹ്നിം ജഗന്മോഹനാംഗീം ഭജേ മാനസാംഭോജ സുഭ്രാംതഭൃംഗീമ് । നിജസ്തോത്രസംഗീതനൃത്യപ്രഭാംഗീം ഭജേ ശാരദാംബാമജസ്രം മദംബാമ് ॥ 7 ॥

ഭവാംഭോജനേത്രാജസംപൂജ്യമാനാം ലസന്മംദഹാസപ്രഭാവക്ത്രചിഹ്നാമ് । ചലച്ചംചലാചാരുതാടംകകര്ണാം ഭജേ ശാരദാംബാമജസ്രം മദംബാമ് ॥ 8 ॥