Vishnu · Traditional devotional text · Source: vignanam.org (Traditional devotional text (public-domain shlokas))
ক্রমেণ সর্গে পরিবর্ধমানে কদাপি দিব্য়াঃ সনকাদযস্তে । ভবদ্বিলোকায় বিকুংঠলোকং প্রপেদিরে মারুতমংদিরেশ ॥1॥
মনোজ্ঞনৈশ্রেযসকাননাদ্য়ৈ- রনেকবাপীমণিমংদিরৈশ্চ । অনোপমং তং ভবতো নিকেতং মুনীশ্বরাঃ প্রাপুরতীতকক্ষ্য়াঃ ॥2॥
Offered for worship and study, not as prediction. Non-commercial.
More devotional texts
ভবদ্দিদ্দৃক্ষূন্ভবনং বিবিক্ষূন্ দ্বাঃস্থৌ জযস্তান্ বিজয়োঽপ্যরুংধাম্ । তেষাং চ চিত্তে পদমাপ কোপঃ সর্বং ভবত্প্রেরণয়ৈব ভূমন্ ॥3॥
বৈকুংঠলোকানুচিতপ্রচেষ্টৌ কষ্টৌ যুবাং দৈত্যগতিং ভজেতম্ । ইতি প্রশপ্তৌ ভবদাশ্রয়ৌ তৌ হরিস্মৃতির্নোঽস্ত্বিতি নেমতুস্তান্ ॥4॥
তদেতদাজ্ঞায় ভবানবাপ্তঃ সহৈব লক্ষ্ম্য়া বহিরংবুজাক্ষ । খগেশ্বরাংসার্পিতচারুবাহু- রানংদয়ংস্তানভিরামমূর্ত্য়া ॥5॥
প্রসাদ্য় গীর্ভিঃ স্তুবতো মুনীংদ্রা- ননন্যনাথাবথ পার্ষদৌ তৌ । সংরংভয়োগেন ভবৈস্ত্রিভির্মা- মুপেতমিত্য়াত্তকৃপং ন্যগাদীঃ ॥6॥
ত্বদীযভৃত্য়াবথ কাশ্যপাত্তৌ সুরারিবীরাবুদিতৌ দিতৌ দ্বৌ । সংধ্য়াসমুত্পাদনকষ্টচেষ্টৌ যমৌ চ লোকস্য় যমাবিবান্য়ৌ ॥7॥
হিরণ্যপূর্বঃ কশিপুঃ কিলৈকঃ পরো হিরণ্য়াক্ষ ইতি প্রতীতঃ । উভৌ ভবন্নাথমশেষলোকং রুষা ন্যরুংধাং নিজবাসনাংধৌ ॥8॥
তয়োর্হিরণ্য়াক্ষমহাসুরেংদ্রো রণায় ধাবন্ননবাপ্তবৈরী । ভবত্প্রিয়াং ক্ষ্মাং সলিলে নিমজ্য় চচার গর্বাদ্বিনদন্ গদাবান্ ॥9॥
ততো জলেশাত্ সদৃশং ভবংতং নিশম্য় বভ্রাম গবেষয়ংস্ত্বাম্ । ভক্তৈকদৃশ্য়ঃ স কৃপানিধে ত্বং নিরুংধি রোগান্ মরুদালয়েশ ॥10।
Browse Related Categories: