Vishnu · Traditional devotional text · Source: vignanam.org (Traditional devotional text (public-domain shlokas))
ಕ್ರಮೇಣ ಸರ್ಗೇ ಪರಿವರ್ಧಮಾನೇ ಕದಾಪಿ ದಿವ್ಯಾಃ ಸನಕಾದಯಸ್ತೇ । ಭವದ್ವಿಲೋಕಾಯ ವಿಕುಂಠಲೋಕಂ ಪ್ರಪೇದಿರೇ ಮಾರುತಮಂದಿರೇಶ ॥1॥
ಮನೋಜ್ಞನೈಶ್ರೇಯಸಕಾನನಾದ್ಯೈ- ರನೇಕವಾಪೀಮಣಿಮಂದಿರೈಶ್ಚ । ಅನೋಪಮಂ ತಂ ಭವತೋ ನಿಕೇತಂ ಮುನೀಶ್ವರಾಃ ಪ್ರಾಪುರತೀತಕಕ್ಷ್ಯಾಃ ॥2॥
Offered for worship and study, not as prediction. Non-commercial.
More devotional texts
ಭವದ್ದಿದ್ದೃಕ್ಷೂನ್ಭವನಂ ವಿವಿಕ್ಷೂನ್ ದ್ವಾಃಸ್ಥೌ ಜಯಸ್ತಾನ್ ವಿಜಯೋಽಪ್ಯರುಂಧಾಮ್ । ತೇಷಾಂ ಚ ಚಿತ್ತೇ ಪದಮಾಪ ಕೋಪಃ ಸರ್ವಂ ಭವತ್ಪ್ರೇರಣಯೈವ ಭೂಮನ್ ॥3॥
ವೈಕುಂಠಲೋಕಾನುಚಿತಪ್ರಚೇಷ್ಟೌ ಕಷ್ಟೌ ಯುವಾಂ ದೈತ್ಯಗತಿಂ ಭಜೇತಮ್ । ಇತಿ ಪ್ರಶಪ್ತೌ ಭವದಾಶ್ರಯೌ ತೌ ಹರಿಸ್ಮೃತಿರ್ನೋಽಸ್ತ್ವಿತಿ ನೇಮತುಸ್ತಾನ್ ॥4॥
ತದೇತದಾಜ್ಞಾಯ ಭವಾನವಾಪ್ತಃ ಸಹೈವ ಲಕ್ಷ್ಮ್ಯಾ ಬಹಿರಂಬುಜಾಕ್ಷ । ಖಗೇಶ್ವರಾಂಸಾರ್ಪಿತಚಾರುಬಾಹು- ರಾನಂದಯಂಸ್ತಾನಭಿರಾಮಮೂರ್ತ್ಯಾ ॥5॥
ಪ್ರಸಾದ್ಯ ಗೀರ್ಭಿಃ ಸ್ತುವತೋ ಮುನೀಂದ್ರಾ- ನನನ್ಯನಾಥಾವಥ ಪಾರ್ಷದೌ ತೌ । ಸಂರಂಭಯೋಗೇನ ಭವೈಸ್ತ್ರಿಭಿರ್ಮಾ- ಮುಪೇತಮಿತ್ಯಾತ್ತಕೃಪಂ ನ್ಯಗಾದೀಃ ॥6॥
ತ್ವದೀಯಭೃತ್ಯಾವಥ ಕಾಶ್ಯಪಾತ್ತೌ ಸುರಾರಿವೀರಾವುದಿತೌ ದಿತೌ ದ್ವೌ । ಸಂಧ್ಯಾಸಮುತ್ಪಾದನಕಷ್ಟಚೇಷ್ಟೌ ಯಮೌ ಚ ಲೋಕಸ್ಯ ಯಮಾವಿವಾನ್ಯೌ ॥7॥
ಹಿರಣ್ಯಪೂರ್ವಃ ಕಶಿಪುಃ ಕಿಲೈಕಃ ಪರೋ ಹಿರಣ್ಯಾಕ್ಷ ಇತಿ ಪ್ರತೀತಃ । ಉಭೌ ಭವನ್ನಾಥಮಶೇಷಲೋಕಂ ರುಷಾ ನ್ಯರುಂಧಾಂ ನಿಜವಾಸನಾಂಧೌ ॥8॥
ತಯೋರ್ಹಿರಣ್ಯಾಕ್ಷಮಹಾಸುರೇಂದ್ರೋ ರಣಾಯ ಧಾವನ್ನನವಾಪ್ತವೈರೀ । ಭವತ್ಪ್ರಿಯಾಂ ಕ್ಷ್ಮಾಂ ಸಲಿಲೇ ನಿಮಜ್ಯ ಚಚಾರ ಗರ್ವಾದ್ವಿನದನ್ ಗದಾವಾನ್ ॥9॥
ತತೋ ಜಲೇಶಾತ್ ಸದೃಶಂ ಭವಂತಂ ನಿಶಮ್ಯ ಬಭ್ರಾಮ ಗವೇಷಯಂಸ್ತ್ವಾಮ್ । ಭಕ್ತೈಕದೃಶ್ಯಃ ಸ ಕೃಪಾನಿಧೇ ತ್ವಂ ನಿರುಂಧಿ ರೋಗಾನ್ ಮರುದಾಲಯೇಶ ॥10।
Browse Related Categories: