నారాయణీయం దశక 40 - పూతనామోక్షం

tadanu nandamamandaśubhāspadaṃ nṛpapurīṃ karadānakṛtē gatam। samavalōkya jagāda bhavatpitā viditakaṃsasahāyajanōdyamaḥ ॥1॥

ayi sakhē tava bālakajanma māṃ sukhayatē'dya nijātmajajanmavat । iti bhavatpitṛtāṃ vrajanāyakē samadhirōpya śaśaṃsa tamādarāt ॥2॥

iha cha santyanimittaśatāni tē kaṭakasīmni tatō laghu gamyatām । iti cha tadvachasā vrajanāyakō bhavadapāyabhiyā drutamāyayau ॥3॥

avasarē khalu tatra cha kāchana vrajapadē madhurākṛtiraṅganā । taralaṣaṭpadalālitakuntalā kapaṭapōtaka tē nikaṭaṃ gatā ॥4॥

sapadi sā hṛtabālakachētanā niśicharānvayajā kila pūtanā । vrajavadhūṣviha kēyamiti kṣaṇaṃ vimṛśatīṣu bhavantamupādadē ॥5॥

lalitabhāvavilāsahṛtātmabhiryuvatibhiḥ pratirōddhumapāritā । stanamasau bhavanāntaniṣēduṣī pradaduṣī bhavatē kapaṭātmanē ॥5॥

samadhiruhya tadaṅkamaśaṅkitastvamatha bālakalōpanarōṣitaḥ । mahadivāmraphalaṃ kuchamaṇḍalaṃ pratichuchūṣitha durviṣadūṣitam ॥7॥

asubhirēva samaṃ dhayati tvayi stanamasau stanitōpamanisvanā । nirapatadbhayadāyi nijaṃ vapuḥ pratigatā pravisārya bhujāvubhau ॥8॥