অষ্টাবক্র গীতা একাদশোঽধ্য়ায়ঃ

অষ্টাবক্র উবাচ

ভাবাভাববিকারশ্চ স্বভাবাদিতি নিশ্চয়ী । নির্বিকারো গতক্লেশঃ সুখেনৈবোপশাম্যতি ॥ 11-1

ঈশ্বরঃ সর্বনির্মাতা নেহান্য় ইতি নিশ্চয়ী । অংতর্গলিতসর্বাশঃ শাংতঃ ক্বাপি ন সজ্জতে ॥ 11-2॥

আপদঃ সংপদঃ কালে দৈবাদেবেতি নিশ্চয়ী । তৃপ্তঃ স্বস্থেংদ্রিয়ো নিত্য়ং ন বাংছতি ন শোচতি ॥ 11-3॥

সুখদুঃখে জন্মমৃত্য়ূ দৈবাদেবেতি নিশ্চয়ী । সাধ্য়াদর্শী নিরায়াসঃ কুর্বন্নপি ন লিপ্যতে ॥ 11-4॥

চিংতয়া জাযতে দুঃখং নান্যথেহেতি নিশ্চয়ী । তয়া হীনঃ সুখী শাংতঃ সর্বত্র গলিতস্পৃহঃ ॥ 11-5॥

নাহং দেহো ন মে দেহো বোধোঽহমিতি নিশ্চয়ী । কৈবল্যমিব সংপ্রাপ্তো ন স্মরত্যকৃতং কৃতম্ ॥ 11-6॥

আব্রহ্মস্তংবপর্য়ংতমহমেবেতি নিশ্চয়ী । নির্বিকল্পঃ শুচিঃ শাংতঃ প্রাপ্তাপ্রাপ্তবিনির্বৃতঃ ॥ 11-7॥

নানাশ্চর্যমিদং বিশ্বং ন কিংচিদিতি নিশ্চয়ী । নির্বাসনঃ স্ফূর্তিমাত্রো ন কিংচিদিব শাম্যতি ॥ 11-8॥