অষ্টাবক্র গীতা একাদশোঽধ্য়ায়ঃ

അഷ്ടാവക്ര ഉവാച

ഭാവാഭാവവികാരശ്ച സ്വഭാവാദിതി നിശ്ചയീ । നിർവികാരോ ഗതക്ലേശഃ സുഖേനൈവോപശാമ്യതി ॥ 11-1

ഈശ്വരഃ സർവനിര്മാതാ നേഹാന്യ ഇതി നിശ്ചയീ । അംതര്ഗലിതസർവാശഃ ശാംതഃ ക്വാപി ന സജ്ജതേ ॥ 11-2॥

ആപദഃ സംപദഃ കാലേ ദൈവാദേവേതി നിശ്ചയീ । തൃപ്തഃ സ്വസ്ഥേംദ്രിയോ നിത്യം ന വാംഛതി ന ശോചതി ॥ 11-3॥

സുഖദുഃഖേ ജന്മമൃത്യൂ ദൈവാദേവേതി നിശ്ചയീ । സാധ്യാദര്ശീ നിരായാസഃ കുർവന്നപി ന ലിപ്യതേ ॥ 11-4॥

ചിംതയാ ജായതേ ദുഃഖം നാന്യഥേഹേതി നിശ്ചയീ । തയാ ഹീനഃ സുഖീ ശാംതഃ സർവത്ര ഗലിതസ്പൃഹഃ ॥ 11-5॥

നാഹം ദേഹോ ന മേ ദേഹോ ബോധോഽഹമിതി നിശ്ചയീ । കൈവല്യമിവ സംപ്രാപ്തോ ന സ്മരത്യകൃതം കൃതമ് ॥ 11-6॥

ആബ്രഹ്മസ്തംബപര്യംതമഹമേവേതി നിശ്ചയീ । നിർവികല്പഃ ശുചിഃ ശാംതഃ പ്രാപ്താപ്രാപ്തവിനിർവൃതഃ ॥ 11-7॥

നാനാശ്ചര്യമിദം വിശ്വം ന കിംചിദിതി നിശ്ചയീ । നിർവാസനഃ സ്ഫൂര്തിമാത്രോ ന കിംചിദിവ ശാമ്യതി ॥ 11-8॥