Chanakya Neethi · Traditional devotional text · Source: vignanam.org (Traditional devotional text (public-domain shlokas))
sānandaṃ sadanaṃ sutāstu sudhiyaḥ kāntā priyālāpinī ichChāpūrtidhanaṃ svayōṣiti ratiḥ svājñāparāḥ sēvakāḥ । ātithyaṃ śivapūjanaṃ pratidinaṃ miṣṭānnapānaṃ gṛhē sādhōḥ saṅgamupāsatē cha satataṃ dhanyō gṛhasthāśramaḥ ॥ 01 ॥
ārtēṣu viprēṣu dayānvitaścha yachChraddhayā svalpamupaiti dānam । anantapāramupaiti rājan yaddīyatē tanna labhēddvijēbhyaḥ ॥ 02 ॥
dākṣiṇyaṃ svajanē dayā parajanē śāṭhyaṃ sadā durjanē prītiḥ sādhujanē smayaḥ khalajanē vidvajjanē chārjavam । śauryaṃ śatrujanē kṣamā gurujanē nārījanē dhūrtatā itthaṃ yē puruṣā kalāsu kuśalāstēṣvēva lōkasthitiḥ ॥ 03 ॥
hastau dānavivarjitau śrutipuṭau sārasvatadrōhiṇau nētrē sādhuvilōkanēna rahitē pādau na tīrthaṃ gatau । anyāyārjitavittapūrṇamudaraṃ garvēṇa tuṅgaṃ śirō rē rē jambuka muñcha muñcha sahasā nīchaṃ sunindyaṃ vapuḥ ॥ 04 ॥
yēṣāṃ śrīmadyaśōdāsutapadakamalē nāsti bhaktirnarāṇāṃ yēṣāmābhīrakanyāpriyaguṇakathanē nānuraktā rasajñā । yēṣāṃ śrīkṛṣṇalīlālalitarasakathāsādarau naiva karṇau dhik tān dhik tān dhigētān kathayati satataṃ kīrtanasthō mṛdaṅgaḥ ॥ 05 ॥
patraṃ naiva yadā karīlaviṭapē dōṣō vasantasya kiṃ nōlūkō'pyavalōkatē yadi divā sūryasya kiṃ dūṣaṇam । varṣā naiva patanti chātakamukhē mēghasya kiṃ dūṣaṇaṃ yatpūrvaṃ vidhinā lalāṭalikhitaṃ tanmārjituṃ kaḥ kṣamaḥ ॥ 06 ॥
satsaṅgādbhavati hi sādhunā khalānāṃ sādhūnāṃ na hi khalasaṅgataḥ khalatvam । āmōdaṃ kusumabhavaṃ mṛdēva dhattē mṛdgandhaṃ nahi kusumāni dhārayanti ॥ 07 ॥
Offered for worship and study, not as prediction. Non-commercial.
More devotional texts
sādhūnāṃ darśanaṃ puṇyaṃ tīrthabhūtā hi sādhavaḥ । kālēna phalatē tīrthaṃ sadyaḥ sādhusamāgamaḥ ॥ 08 ॥
viprāsminnagarē mahānkathaya kastāladrumāṇāṃ gaṇaḥ kō dātā rajakō dadāti vasanaṃ prātargṛhītvā niśi । kō dakṣaḥ paravittadāraharaṇē sarvō'pi dakṣō janaḥ kasmājjīvasi hē sakhē viṣakṛminyāyēna jīvāmyaham ॥ 09 ॥
na viprapādōdakakardamāṇi na vēdaśāstradhvanigarjitāni । svāhāsvadhākāravivarjitāni śmaśānatulyāni gṛhāṇi tāni ॥ 10 ॥
satyaṃ mātā pitā jñānaṃ dharmō bhrātā dayā sakhā । śāntiḥ patnī kṣamā putraḥ ṣaḍētē mama bāndhavāḥ ॥ 11 ॥
anityāni śarīrāṇi vibhavō naiva śāśvataḥ । nityaṃ sannihitō mṛtyuḥ kartavyō dharmasaṅgrahaḥ ॥ 12 ॥
nimantrōtsavā viprā gāvō navatṛṇōtsavāḥ । patyutsāhayutā bhāryā ahaṃ kṛṣṇacharaṇōtsavaḥ ॥ 13 ॥
mātṛvatparadārēṣu paradravyēṣu lōṣṭravat । ātmavatsarvabhūtēṣu yaḥ paśyati sa paṇḍitaḥ ॥ 14 ॥
dharmē tatparatā mukhē madhuratā dānē samutsāhatā mitrē'vañchakatā gurau vinayatā chittē'timabhīratā । āchārē śuchitā guṇē rasikatā śāstrēṣu vijñānatā rūpē sundaratā śivē bhajanatā tvayyasti bhō rāghava ॥ 15 ॥
kāṣṭhaṃ kalpataruḥ sumēruchalaśchintāmaṇiḥ prastaraḥ sūryāstīvrakaraḥ śaśī kṣayakaraḥ kṣārō hi vārāṃ nidhiḥ । kāmō naṣṭatanurvalirditisutō nityaṃ paśuḥ kāmagau- rnaitāṃstē tulayāmi bhō raghupatē kasyōpamā dīyatē ॥ 16 ॥
vidyā mitraṃ pravāsē cha bhāryā mitraṃ gṛhēṣu cha । vyādhitasyauṣadhaṃ mitraṃ dharmō mitraṃ mṛtasya cha ॥ 17 ॥
vinayaṃ rājaputrēbhyaḥ paṇḍitēbhyaḥ subhāṣitam । anṛtaṃ dyūtakārēbhyaḥ strībhyaḥ śikṣēta kaitavam ॥ 18 ॥
anālōkya vyayaṃ kartā anāthaḥ kalahapriyaḥ । āturaḥ sarvakṣētrēṣu naraḥ śīghraṃ vinaśyati ॥ 19 ॥
nāhāraṃ chintayētprājñō dharmamēkaṃ hi chintayēt । āhārō hi manuṣyāṇāṃ janmanā saha jāyatē ॥ 20 ॥
dhanadhānyaprayōgēṣu vidyāsaṅgrahaṇē tathā । āhārē vyavahārē cha tyaktalajjaḥ sukhī bhavēt ॥ 21 ॥
jalabindunipātēna kramaśaḥ pūryatē ghaṭaḥ । sa hētuḥ sarvavidyānāṃ dharmasya cha dhanasya cha ॥ 22 ॥
vayasaḥ pariṇāmē'pi yaḥ khalaḥ khala ēva saḥ । sampakvamapi mādhuryaṃ nōpayātīndravāruṇam ॥ 23 ॥
Browse Related Categories: