Chanakya Neethi · Traditional devotional text · Source: vignanam.org (Traditional devotional text (public-domain shlokas))
pustakapratyayādhītaṃ nādhītaṃ gurusannidhau । sabhāmadhyē na śōbhantē jāragarbhā iva striyaḥ ॥ 01 ॥
kṛtē pratikṛtiṃ kuryāddhiṃsanē pratihiṃsanam । tatra dōṣō na patati duṣṭē duṣṭaṃ samācharēt ॥ 02 ॥
yaddūraṃ yaddurārādhyaṃ yachcha dūrē vyavasthitam । tatsarvaṃ tapasā sādhyaṃ tapō hi duratikramam ॥ 03 ॥
lōbhaśchēdaguṇēna kiṃ piśunatā yadyasti kiṃ pātakaiḥ satyaṃ chēttapasā cha kiṃ śuchi manō yadyasti tīrthēna kim । saujanyaṃ yadi kiṃ guṇaiḥ sumahimā yadyasti kiṃ maṇḍanaiḥ sadvidyā yadi kiṃ dhanairapayaśō yadyasti kiṃ mṛtyunā ॥ 04 ॥
pitā ratnākarō yasya lakṣmīryasya sahōdarā । śaṅkhō bhikṣāṭanaṃ kuryānna dattamupatiṣṭhatē ॥ 05 ॥
aśaktastu bhavētsādhu-rbrahmachārī vā nirdhanaḥ । vyādhitō dēvabhaktaścha vṛddhā nārī pativratā ॥ 06 ॥
nā'nnōdakasamaṃ dānaṃ na tithirdvādaśī samā । na gāyatryāḥ parō mantrō na māturdaivataṃ param ॥ 07 ॥
takṣakasya viṣaṃ dantē makṣikāyāstu mastakē । vṛśchikasya viṣaṃ puchChē sarvāṅgē durjanē viṣam ॥ 08 ॥
Offered for worship and study, not as prediction. Non-commercial.
More devotional texts
patyurājñāṃ vinā nārī hyupōṣya vratachāriṇī । āyuṣyaṃ haratē bhartuḥ sā nārī narakaṃ vrajēt ॥ 09 ॥
na dānaiḥ śudhyatē nārī nōpavāsaśatairapi । na tīrthasēvayā tadvadbhartuḥ padōdakairyathā ॥ 10 ॥
pādaśēṣaṃ pītaśēṣaṃ sandhyāśēṣaṃ tathaiva cha । śvānamūtrasamaṃ tōyaṃ pītvā chāndrāyaṇaṃ charēt ॥ 11 ॥
dānēna pāṇirna tu kaṅkaṇēna snānēna śuddhirna tu chandanēna । mānēna tṛptirna tu bhōjanēna jñānēna muktirna tu muṇḍanēna ॥ 12 ॥
nāpitasya gṛhē kṣauraṃ pāṣāṇē gandhalēpanam । ātmarūpaṃ jalē paśyan śakrasyāpi śriyaṃ harēt ॥ 13 ॥
sadyaḥ prajñāharā tuṇḍī sadyaḥ prajñākarī vachā । sadyaḥ śaktiharā nārī sadyaḥ śaktikaraṃ payaḥ ॥ 14 ॥
parōpakaraṇaṃ yēṣāṃ jāgarti hṛdayē satām । naśyanti vipadastēṣāṃ sampadaḥ syuḥ padē padē ॥ 15 ॥
yadi rāmā yadi cha ramā yadi tanayō vinayaguṇōpētaḥ । tanayē tanayōtpattiḥ suravaranagarē kimādhikyam ॥ 16 ॥
āhāranidrābhayamaithunāni samāni chaitāni nṛṇāṃ paśūnām । jñānaṃ narāṇāmadhikō viśēṣō jñānēna hīnāḥ paśubhiḥ samānāḥ ॥ 17 ॥
dānārthinō madhukarā yadi karṇatālairdūrīkṛtāḥ dūrīkṛtāḥ karivarēṇa madāndhabuddhyā । tasyaiva gaṇḍayugmamaṇḍanahānirēṣā bhṛṅgāḥ punarvikachapadmavanē vasanti ॥ 18 ॥
rājā vēśyā yamaśchāgnistaskarō bālayāchakau । paraduḥkhaṃ na jānanti aṣṭamō grāmakaṇṭakaḥ ॥ 19 ॥
adhaḥ paśyasi kiṃ bālē patitaṃ tava kiṃ bhuvi । rē rē mūrkha na jānāsi gataṃ tāruṇyamauktikam ॥ 20 ॥
vyālāśrayāpi vikalāpi sakaṇṭakāpi vakrāpi paṅkilabhavāpi durāsadāpi । gandhēna bandhurasi kētaki sarvajantā rēkō guṇaḥ khalu nihanti samastadōṣān ॥ 21 ॥
Browse Related Categories: