Samskritam Songs · Traditional devotional text · Source: vignanam.org (Traditional devotional text (public-domain shlokas))
ധ്യേയപഥികസാധക കാര്യപഥേ സാധയ മൃദു ഹസന് മധുകിരന് മാതരം സദാ സ്മരന് ॥
ജീവനം ന ശാശ്വതം, വൈഭവം ന ഹി സ്ഥിരം സ്വാര്ഥലേപനം വിനാ, യത്കൃതം ഹി തച്ചിരം സരലതാ സ്വജീവനേ ചിംതനേ സദോച്ചതാ സമാജപോഷിതാ വയം സമാജപോഷകാശ്ചിരമ് ॥ 1 ॥
യച്ച മനസി ചിംത്യതേ, യച്ച കീര്ത്യതേ ഗിരാ തച്ച മൂര്തരൂപതാമ്, ഏതി നിത്യജീവനേ ജനന്യനന്യചരണയോഃ സമര്പിതസ്വജീവനാഃ ധ്യേയസാധനവ്രതാ വയം ഭവേമ സംഗതാഃ ॥ 2 ॥
സ്മരത്വിഹാഗ്രജന്മനാം, ത്യാഗബലിസമര്പണം സിംഹകുലസമുദ്ഭവാഃ സിംഹവിക്രമാ വയം സംതു കഷ്ടകോടയോ ഭവതു വിഘ്നവര്ഷണം സകൃത്പ്രതിജ്ഞകാ വയം ഭജേമ നോ പലായനമ് ॥ 3 ॥
രചന: ശ്രീ ജനാര്ദന ഹേഗ്ഡേ
Browse Related Categories:
Offered for worship and study, not as prediction. Non-commercial.
More devotional texts