Ganesha · Traditional devotional text · Source: vignanam.org (Traditional devotional text (public-domain shlokas))
dhyānam । trinētraṃ gajāsyaṃ chaturbāhudhāraṃ paraśvādiśastrairyutaṃ bhālachandram । narākāradēhaṃ sadā yōgaśāntaṃ gaṇēśaṃ bhajē sarvavandyaṃ parēśam ॥ 1 ॥
bindurūpō vakratuṇḍō rakṣatu mē hṛdi sthitaḥ । dēhāṃśchaturvidhāṃstattvāṃstattvādhāraḥ sanātanaḥ ॥ 2 ॥
dēhamōhayutaṃ hyēkadantaḥ sō'haṃ svarūpadhṛk । dēhinaṃ māṃ viśēṣēṇa rakṣatu bhramanāśakaḥ ॥ 3 ॥
mahōdarastathā dēvō nānābōdhān pratāpavān । sadā rakṣatu mē bōdhānandasaṃsthō hyaharniśam ॥ 4 ॥
sāṅkhyān rakṣatu sāṅkhyēśō gajānanaḥ susiddhidaḥ । asatyēṣu sthitaṃ māṃ sa lambōdaraścha rakṣatu ॥ 5 ॥
satsu sthitaṃ sumōhēna vikaṭō māṃ parātparaḥ । rakṣatu bhaktavātsalyāt sadaikāmṛtadhārakaḥ ॥ 6 ॥
ānandēṣu sthitaṃ nityaṃ māṃ rakṣatu samātmakaḥ । vighnarājō mahāvighnairnānākhēlakaraḥ prabhuḥ ॥ 7 ॥
avyaktēṣu sthitaṃ nityaṃ dhūmravarṇaḥ svarūpadhṛk । māṃ rakṣatu sukhākāraḥ sahajaḥ sarvapūjitaḥ ॥ 8 ॥
Offered for worship and study, not as prediction. Non-commercial.
More devotional texts
svasaṃvēdyēṣu saṃsthaṃ māṃ gaṇēśaḥ svasvarūpadhṛk । rakṣatu yōgabhāvēna saṃsthitō bhavanāyakaḥ ॥ 9 ॥
ayōgēṣu sthitaṃ nityaṃ māṃ rakṣatu gaṇēśvaraḥ । nivṛttirūpadhṛk sākṣādasamādhisukhē rataḥ ॥ 10 ॥
yōgaśāntidharō māṃ tu rakṣatu yōgasaṃsthitam । gaṇādhīśaḥ prasannātmā siddhibuddhisamanvitaḥ ॥ 11 ॥
purō māṃ gajakarṇaścha rakṣatu vighnahārakaḥ । vāhnyāṃ yāmyāṃ cha nairṛtyāṃ chintāmaṇirvarapradaḥ ॥ 12 ॥
rakṣatu paśchimē ḍhuṇḍhirhērambō vāyudik sthitam । vināyakaśchōttarē tu pramōdaśchēśadik sthitam ॥ 13 ॥
ūrdhvaṃ siddhipatiḥ pātu buddhīśō'dhaḥ sthitaṃ sadā । sarvāṅgēṣu mayūrēśaḥ pātu māṃ bhaktilālasaḥ ॥ 14 ॥
yatra tatra sthitaṃ māṃ tu sadā rakṣatu yōgapaḥ । puraśupāśasaṃyuktō varadābhayadhārakaḥ ॥ 15 ॥
idaṃ gaṇapatēḥ prōktaṃ vajrapañjarakaṃ param । dhārayasva mahādēva vijayī tvaṃ bhaviṣyasi ॥ 16 ॥
ya idaṃ pañjaraṃ dhṛtvā yatra kutra sthitō bhavēt । na tasya jāyatē kvāpi bhayaṃ nānāsvabhāvajam ॥ 17 ॥
yaḥ paṭhēt pañjaraṃ nityaṃ sa īpsitamavāpnuyāt । vajrasāratanurbhūtvā charētsarvatra mānavaḥ ॥ 18 ॥
trikālaṃ yaḥ paṭhēnnityaṃ sa gaṇēśa ivāparaḥ । nirvighnaḥ sarvakāryēṣu brahmabhūtō bhavēnnaraḥ ॥ 19 ॥
yaḥ śṛṇōti gaṇēśasya pañjaraṃ vajrasañjñakam । ārōgyādisamāyuktō bhavatē gaṇapapriyaḥ ॥ 20 ॥
dhanaṃ dhānyaṃ paśūn vidyāmāyuṣyaṃ putrapautrakam । sarvasampatsamāyuktamaiśvaryaṃ paṭhanāllabhēt ॥ 21 ॥
na bhayaṃ tasya vajrāttu chakrāchChūlādbhavēt kadā । śaṅkarādērmahādēva paṭhanādasya nityaśaḥ ॥ 22 ॥
yaṃ yaṃ chintayatē martyastaṃ taṃ prāpnōti śāśvatam । paṭhanādasya vighnēśa pañjarasya nirantaram ॥ 23 ॥
lakṣāvṛttibhirēvaṃ sa siddhapañjarakō bhavēt । stambhayēdapi sūryaṃ tu brahmāṇḍaṃ vaśamānayēt ॥ 24 ॥
ēvamuktvā gaṇēśānō'ntardadhē munisattama । śivō dēvādibhiryuktō harṣitaḥ sambabhūva ha ॥ 25 ॥
iti śrīmanmudgalē mahāpurāṇē dhūmravarṇacharitē vajrapañjarakathanaṃ nāma trayōviṃśō'dhyāyaḥ ।
Browse Related Categories: