मूक पंच शति 1 - आर्य शतकम्

tuṅgābhirāmakuchabharaśṛṅgāritamāśrayāmi kāñchigatam । gaṅgādharaparatantraṃ śṛṅgārādvaitatantrasiddhāntam ॥10॥

kāñchīratnavibhūṣāṃ kāmapi kandarpasūtikāpāṅgīm । paramāṃ kalāmupāsē paraśivavāmāṅkapīṭhikāsīnām ॥11॥

kampātīcharāṇāṃ karuṇākōrakitadṛṣṭipātānām । kēlīvanaṃ manō mē kēṣāñchidbhavatu chidvilāsānām ॥12॥

āmratarumūlavasatērādimapuruṣasya nayanapīyūṣam । ārabdhayauvanōtsavamāmnāyarahasyamantaravalambē ॥13॥

adhikāñchi paramayōgibhirādimaparapīṭhasīmni dṛśyēna । anubaddhaṃ mama mānasamaruṇimasarvasvasampradāyēna ॥14॥

aṅkitaśaṅkaradēhāmaṅkuritōrōjakaṅkaṇāślēṣaiḥ । adhikāñchi nityataruṇīmadrākṣaṃ kāñchidadbhutāṃ bālām ॥15॥

madhuradhanuṣā mahīdharajanuṣā nandāmi surabhibāṇajuṣā । chidvapuṣā kāñchipurē kēlijuṣā bandhujīvakāntimuṣā ॥16॥

madhurasmitēna ramatē māṃsalakuchabhāramandagamanēna । madhyēkāñchi manō mē manasijasāmrājyagarvabījēna ॥17॥

dharaṇimayīṃ taraṇimayīṃ pavanamayīṃ gaganadahanahōtṛmayīm । ambumayīmindumayīmambāmanukampamādimāmīkṣē ॥18॥

līnasthiti munihṛdayē dhyānastimitaṃ tapasyadupakampam । pīnastanabharamīḍē mīnadhvajatantraparamatātparyam ॥19॥

śvētā mantharahasitē śātā madhyē cha vāḍbhanō'tītā । śītā lōchanapātē sphītā kuchasīmni śāśvatī mātā ॥20॥

purataḥ kadā na karavai puravairivimardapulakitāṅgalatām । punatīṃ kāñchīdēśaṃ puṣpāyudhavīryasarasaparipāṭīm ॥21॥

puṇyā kā'pi purandhrī puṅkhitakandarpasampadā vapuṣā । pulinacharī kampāyāḥ puramathanaṃ pulakanichulitaṃ kurutē ॥22॥

tanimādvaitavalagnaṃ taruṇāruṇasampradāyatanulēkham । taṭasīmani kampāyāstaruṇimasarvasvamādyamadrākṣam ॥23॥

pauṣṭikakarmavipākaṃ pauṣpaśaraṃ savidhasīmni kampāyāḥ । adrākṣamāttayauvanamabhyudayaṃ kañchidardhaśaśimaulaiḥ ॥24॥

saṃśritakāñchīdēśē sarasijadaurbhāgyajāgraduttaṃsē । saṃvinmayē vilīyē sārasvatapuruṣakārasāmrājyē ॥25॥

mōditamadhukaraviśikhaṃ svādimasamudāyasārakōdaṇḍam । ādṛtakāñchīkhēlanamādimamāruṇyabhēdamākalayē ॥26॥

urarīkṛtakāñchipurīmupaniṣadaravindakuharamadhudhārām । unnamrastanakalaśīmutsavalaharīmupāsmahē śambhōḥ ॥27॥

ēṇaśiśudīrghalōchanamēnaḥparipanthi santataṃ bhajatām । ēkāmranāthajīvitamēvampadadūramēkamavalambē ॥28॥

smayamānamukhaṃ kāñchībhayamānaṃ kamapi dēvatābhēdam । dayamānaṃ vīkṣya muhurvayamānandāmṛtāmbudhau magnāḥ ॥29॥

kutukajuṣi kāñchidēśē kumudatapōrāśipākaśēkharitē । kurutē manōvihāraṃ kulagiriparibṛḍhakulaikamaṇidīpē ॥30॥

vīkṣēmahi kāñchipurē vipulastanakalaśagarimaparavaśitam । vidrumasahacharadēhaṃ vibhramasamavāyasārasannāham ॥31॥

kuruvindagōtragātraṃ kūlacharaṃ kamapi naumi kampāyāḥ । kūlaṅkaṣakuchakumbhaṃ kusumāyudhavīryasārasaṃrambham ॥32॥

kuḍūmalitakuchakiśōraiḥ kurvāṇaiḥ kāñchidēśasauhārdam । kuṅkumaśōṇairnichitaṃ kuśalapathaṃ śambhusukṛtasambhāraiḥ ॥33॥

aṅkitakachēna kēnachidandhaṅkaraṇauṣadhēna kamalānām । antaḥpurēṇa śambhōralaṅkriyā kā'pi kalpyatē kāñchyām ॥34॥

ūrīkarōmi santatamūṣmalaphālēna lalitaṃ puṃsā । upakampamuchitakhēlanamurvīdharavaṃśasampadunmēṣam ॥35॥

aṅkuritastanakōrakamaṅkālaṅkāramēkachūtapatēḥ । ālōkēmahi kōmalamāgamasaṃlāpasārayāthārthyam ॥36॥

puñjitakaruṇamudañchitaśiñjitamaṇikāñchi kimapi kāñchipurē । mañjaritamṛdulahāsaṃ piñjaratanuruchi pinākimūladhanam ॥37॥

lōlahṛdayō'sti śambhōrlōchanayugalēna lēhyamānāyām । lalitaparamaśivāyāṃ lāvaṇyāmṛtataraṅgamālāyām ॥38॥

madhukarasahacharachikurairmadanāgamasamayadīkṣitakaṭākṣaiḥ । maṇḍitakampātīrairmaṅgalakandairmamāstu sārūpyam ॥39॥

vadanāravindavakṣōvāmāṅkataṭīvaśaṃvadībhūtā । pūruṣatritayē trēdhā purandhrirūpā tvamēva kāmākṣi ॥40॥

bādhākarīṃ bhavābdhērādhārādyambujēṣu vicharantīm । ādhārīkṛtakāñchī bōdhāmṛtavīchimēva vimṛśāmaḥ ॥41॥

kalayāmyantaḥ śaśadharakalayā'ṅkitamaulimamalachidvalayām । alayāmāgamapīṭhīnilayāṃ valayāṅkasundarīmambām ॥42॥

śarvādiparamasādhakagurvānītāya kāmapīṭhajuṣē । sarvākṛtayē śōṇimagarvāyāsmai samarpyatē hṛdayam ॥43॥

samayā sāndhyamayūkhaiḥ samayā buddhayā sadaiva śīlitayā । umayā kāñchīratayā na mayā labhyatē kiṃ nu tādātmyam ॥44॥

jantōstava padapūjanasantōṣataraṅgitasya kāmākṣi । vandhō yadi bhavati punaḥ sindhōrambhassu bambhramīti śilā ॥45॥

kuṇḍali kumāri kuṭilē chaṇḍi charācharasavitri chāmuṇḍē । guṇini guhāriṇi guhyē gurumūrtē tvāṃ namāmi kāmākṣi ॥46॥

abhidākṛtirbhidākṛtirachidākṛtirapi chidākṛtirmātaḥ । anahantā tvamahantā bhramayasi kāmākṣi śāśvatī viśvam ॥47॥

śiva śiva paśyanti samaṃ śrīkāmākṣīkaṭākṣitāḥ puruṣāḥ । vipinaṃ bhavanamamitraṃ mitraṃ lōṣṭaṃ cha yuvatibimbōṣṭham ॥48॥

kāmaparipanthikāmini kāmēśvari kāmapīṭhamadhyagatē । kāmadughā bhava kamalē kāmakalē kāmakōṭi kāmākṣi ॥49॥

madhyēhṛdayaṃ madhyēniṭilaṃ madhyēśirō'pi vāstavyām । chaṇḍakaraśakrakārmukachandrasamābhāṃ namāmi kāmākṣīm ॥50॥

adhikāñchi kēlilōlairakhilāgamayantratantramayaiḥ । atiśītaṃ mama mānasamasamaśaradrōhijīvanōpāyaiḥ ॥51॥

nandati mama hṛdi kāchana mandirayantī nirantaraṃ kāñchīm । induravimaṇḍalakuchā binduviyannādapariṇatā taruṇī ॥52॥

śampālatāsavarṇaṃ sampādayituṃ bhavajvarachikitsām । limpāmi manasi kiñchana kampātaṭarōhi siddhabhaiṣajyam ॥53॥

anumitakuchakāṭhinyāmadhivakṣaḥpīṭhamaṅgajanmaripōḥ । ānandadāṃ bhajē tāmānaṅgabrahmatatvabōdhasirām ॥54॥

aikṣiṣi pāśāṅkuśadharahastāntaṃ vismayārhavṛttāntam । adhikāñchi nigamavāchāṃ siddhāntaṃ śūlapāṇiśuddhāntam ॥55॥

āhitavilāsabhaṅgīmābrahmastambaśilpakalpanayā । āśritakāñchīmatulāmādyāṃ visphūrtimādriyē vidyām ॥56॥

mūkō'pi jaṭiladurgatiśōkō'pi smarati yaḥ kṣaṇaṃ bhavatīm । ēkō bhavati sa janturlōkōttarakīrtirēva kāmākṣi ॥57॥

pañchadaśavarṇarūpaṃ kañchana kāñchīvihāradhaurēyam । pañchaśarīyaṃ śambhōrvañchanavaidagdhyamūlamavalambē ॥58॥

pariṇatimatīṃ chaturdhā padavīṃ sudhiyāṃ samētya sauṣumnīm । pañchāśadarṇakalpitamadaśilpāṃ tvāṃ namāmi kāmākṣi ॥59॥

ādikṣanmama gururāḍādikṣāntākṣarātmikāṃ vidyām । svādiṣṭhachāpadaṇḍāṃ nēdiṣṭhāmēva kāmapīṭhagatām ॥60॥

tuṣyāmi harṣitasmaraśāsanayā kāñchipurakṛtāsanayā । svāsanayā sakalajagadbhāsanayā kalitaśambarāsanayā ॥61॥

prēmavatī kampāyāṃ sthēmavatī yatimanassu bhūmavatī । sāmavatī nityagirā sōmavatī śirasi bhāti haimavatī ॥62॥

kautukinā kampāyāṃ kausumachāpēna kīlitēnāntaḥ । kuladaivatēna mahatā kuḍmalamudrāṃ dhunōtu naḥpratibhā ॥63॥

yūnā kēnāpi miladdēhā svāhāsahāyatilakēna । sahakāramūladēśē saṃvidrūpā kuṭumbinī ramatē ॥64॥

kusumaśaragarvasampatkōśagṛhaṃ bhāti kāñchidēśagatam । sthāpitamasminkathamapi gōpitamantarmayā manōratnam ॥65॥

dagdhaṣaḍadhvāraṇyaṃ daradalitakusumbhasambhṛtāruṇyam । kalayē navatāruṇyaṃ kampātaṭasīmni kimapi kāruṇyam ॥66॥

adhikāñchi vardhamānāmatulāṃ karavāṇi pāraṇāmakṣṇōḥ । ānandapākabhēdāmaruṇimapariṇāmagarvapallavitām ॥67॥

bāṇasṛṇipāśakārmukapāṇimamuṃ kamapi kāmapīṭhagatam । ēṇadharakōṇachūḍaṃ śōṇimaparipākabhēdamākalayē ॥68॥

kiṃ vā phalati mamānyaurbimbādharachumbimandahāsamukhī । sambādhakarī tamasāmambā jāgarti manasi kāmākṣī ॥69॥

mañchē sadāśivamayē pariśivamayalalitapauṣpaparyaṅkē । adhichakramadhyamāstē kāmākṣī nāma kimapi mama bhāgyam ॥70॥

rakṣyō'smi kāmapīṭhīlāsikayā ghanakṛpāmburāśikayā । śrutiyuvatikuntalīmaṇimālikayā tuhinaśailabālikayā ॥71॥

līyē puraharajāyē māyē tava taruṇapallavachChāyē । charaṇē chandrābharaṇē kāñchīśaraṇē natārtisaṃharaṇē ॥72॥

mūrtimati muktibījē mūrdhni stabakitachakōrasāmrājyē । mōditakampākūlē muhurmuhurmanasi mumudiṣā'smākam ॥73॥

vēdamayīṃ nādamayīṃ bindumayīṃ parapadōdyadindumayīm । mantramayīṃ tantramayīṃ prakṛtimayīṃ naumi viśvavikṛtimayīm ॥74॥

puramathanapuṇyakōṭī puñjitakavilōkasūktirasadhāṭī । manasi mama kāmakōṭī viharatu karuṇāvipākaparipāṭī ॥75॥

kuṭilaṃ chaṭulaṃ pṛthulaṃ mṛdulaṃ kachanayanajaghanacharaṇēṣu । avalōkitamavalambitamadhikampātaṭamamēyamasmābhiḥ ॥76॥

pratyaṅmukhyā dṛṣṭayā prasādadīpāṅkurēṇa kāmākṣyāḥ । paśyāmi nistulamahō pachēlimaṃ kamapi paraśivōllāsam ॥77॥

vidyē vidhātṛviṣayē kātyāyani kāli kāmakōṭikalē । bhārati bhairavi bhadrē śākini śāmbhavi śivē stuvē bhavatīm ॥78॥

mālini mahēśachālini kāñchīkhēlini vipakṣakālini tē । śūlini vidrumaśālini surajanapālini kapālini namō'stu ॥79॥

dēśika iti kiṃ śaṅkē tattādṛktava nu taruṇimōnmēṣaḥ । kāmākṣi śūlapāṇēḥ kāmāgamasamayadīkṣāyām ॥80॥

vētaṇḍakumbhaḍambaravaitaṇḍikakuchabharārtamadhyāya । kuṅkumaruchē namasyāṃ śaṅkaranayanāmṛtāya rachayāmaḥ ॥81॥

adhikāñchitamaṇikāñchanakāñchīmadhikāñchi kāñchidadrākṣam । avanatajanānukampāmanukampākūlamasmadanukūlām ॥82॥

parichitakampātīraṃ parvatarājanyasukṛtasannāham । paragurukṛpayā vīkṣē paramaśivōtsaṅgamaṅgalābharaṇam ॥83॥

dagdhamadanasya śambhōḥ prathīyasīṃ brahmacharyavaidagdhīm । tava dēvi taruṇimaśrīchaturimapākō na chakṣamē mātaḥ ॥84॥

madajalatamālapatrā vasanitapatrā karādṛtakhānitrā । viharati pulindayōṣā guñjābhūṣā phaṇīndrakṛtavēṣā ॥85॥

aṅkē śukinī gītē kautukinī parisarē cha gāyakinī । jayasi savidhē'mba bhairavamaṇḍalinī śravasi śaṅkhakunḍalinī ॥86॥

praṇatajanatāpavargā kṛtabahusargā sasiṃhasaṃsargā । kāmākṣi muditabhargā hataripuvargā tvamēva sā durgā ॥87॥

śravaṇachaladvētaṇḍā samarōddaṇḍā dhutāsuraśikhaṇḍā । dēvi kalitāntraṣaṇḍā dhṛtanaramuṇḍā tvamēva chāmuṇḍā ॥88॥

urvīdharēndrakanyē darvībharitēna bhaktapūrēṇa । gurvīmakiñchanārti kharvīkuruṣē tvamēva kāmākṣi ॥89॥

tāḍitaripuparipīḍanabhayaharaṇa nipuṇahalamusalā । krōḍapatibhīṣaṇamukhī krīḍasi jagati tvamēva kāmākṣi ॥90॥

smaramathanavaraṇalōlā manmathahēlāvilāsamaṇiśālā । kanakaruchichauryaśīlā tvamamba bālā karābjadhṛtamālā ॥91॥

vimalapaṭī kamalakuṭī pustakarudrākṣaśastahastapuṭī । kāmākṣi pakṣmalākṣī kalitavipañchī vibhāsi vairiñchī ॥92॥

kuṅkumaruchipiṅgamasṛkpaṅkilamuṇḍālimaṇḍitaṃ mātaḥ । śrīkāmākṣi tadīyasaṅgamakalāmandībhavatkautukaḥ jayati tava rūpadhēyaṃ japapaṭapustakavarābhayakarābjam ॥93॥

kanakamaṇikalitabhūṣāṃ kālāyasakalahaśīlakāntikalām । kāmākṣi śīlayē tvāṃ kapālaśūlābhirāmakarakamalām ॥94॥

lōhitimapuñjamadhyē mōhitabhuvanē mudā nirīkṣantē । vadanaṃ tava kuvayugalaṃ kāñchīsīmāṃ cha kē'pi kāmākṣi ॥95॥

jaladhidviguṇitahutabahadiśādinēśvarakalāśvinēyadalaiḥ । nalinairmahēśi gachChasi sarvōttarakarakamaladalamamalam ॥96॥

satkṛtadēśikacharaṇāḥ sabījanirbījayōganiśrēṇyā । apavargasaudhavalabhīmārōhantyamba kē'pi tava kṛpayā ॥97॥

antarapi bahirapi tvaṃ jantutatērantakāntakṛdahantē । chintitasantānavatāṃ santatamapi tantanīṣi mahimānam ॥98॥

kalamañjulavāganumitagalapañjaragataśukagrahautkaṇṭhyāt । amba radanāmbaraṃ tē bimbaphalaṃ śambarāriṇā nyastam ॥99॥

jaya jaya jagadamba śivē jaya jaya kāmākṣi jaya jayādrisutē । jaya jaya mahēśadayitē jaya jaya chidgaganakaumudīdhārē ॥100॥

āryāśatakaṃ bhaktyā paṭhatāmāryākaṭākṣēṇa । nissarati vadanakamalādvāṇī pīyūṣadhōraṇī divyā ॥101॥

॥ iti āryāśatakaṃ sampūrṇam ॥

Browse Related Categories: