Shiva · Traditional devotional text · Source: vignanam.org (Traditional devotional text (public-domain shlokas))
ॐ नमः शिवाय शिवाय नमः ॐ ॐ नमः शिवाय शिवाय नमः ॐ
नागेंद्रहाराय त्रिलोचनाय भस्मांगरागाय महेश्वराय । नित्याय शुद्धाय दिगंबराय तस्मै "न" काराय नमः शिवाय ॥ 1 ॥
मंदाकिनी सलिल चंदन चर्चिताय नंदीश्वर प्रमथनाथ महेश्वराय । मंदार मुख्य बहुपुष्प सुपूजिताय तस्मै "म" काराय नमः शिवाय ॥ 2 ॥
शिवाय गौरी वदनाब्ज बृंद सूर्याय दक्षाध्वर नाशकाय । श्री नीलकंठाय वृषभध्वजाय तस्मै "शि" काराय नमः शिवाय ॥ 3 ॥
वशिष्ठ कुंभोद्भव गौतमार्य मुनींद्र देवार्चित शेखराय । चंद्रार्क वैश्वानर लोचनाय तस्मै "व" काराय नमः शिवाय ॥ 4 ॥
यज्ञ-स्वरूपाय जटाधराय [यक्ष-] पिनाक हस्ताय सनातनाय । दिव्याय देवाय दिगंबराय तस्मै "य" काराय नमः शिवाय ॥ 5 ॥
पंचाक्षरमिदं पुण्यं यः पठेच्छिव सन्निधौ । शिवलोकमवाप्नोति शिवेन सह मोदते ॥
Browse Related Categories:
Offered for worship and study, not as prediction. Non-commercial.