श्री गणपति तालम्

विकटोत्कटसुंदरदंतिमुखं भुजगेंद्रसुसर्पगदाभरणम् । गजनीलगजेंद्र गणाधिपतिं प्रणतोऽस्मि विनायक हस्तिमुखम् ॥ 1 ॥

सुर सुर गणपति सुंदरकेशं ऋषि ऋषि गणपति यज्ञसमानम् । भव भव गणपति पद्मशरीरं जय जय गणपति दिव्यनमस्ते ॥ 2 ॥

गजमुखवक्त्रं गिरिजापुत्रं गणगुणमित्रं गणपतिमीशप्रियम् ॥ 3 ॥

करधृतपरशुं कंकणपाणिं कबलितपद्मरुचिम् । सुरपतिवंद्यं सुंदरनृत्तं सुरचितमणिमकुटम् ॥ 4 ॥

प्रणमत देवं प्रकटित तालं षड्गिरि तालमिदम् । तत्तत् षड्गिरि तालमिदं तत्तत् षड्गिरि तालमिदम् ॥ 5 ॥

लंबोदरवर कुंजासुरकृत कुंकुमवर्णधरम् । श्वेतसशृंगं मोदकहस्तं प्रीतिसपनसफलम् ॥ 6 ॥

नयनत्रयवर नागविभूषित नानागणपतिदं तत्तत् नयनत्रयवर नागविभूषित नानागणपतिदं तत्तत् नानागणपति तं तत्तत् नानागणपतिदम् ॥ 7 ॥

धवलित जलधरधवलित चंद्रं फणिमणिकिरणविभूषित खड्गम् । तनुतनुविषहर शूलकपालं हर हर शिव शिव गणपतिमभयम् ॥ 8 ॥

कटतट विगलितमदजल जलधित- गणपतिवाद्यमिदं कटतट विगलितमदजल जलधित- गणपतिवाद्यमिदं तत्तत् गणपतिवाद्यमिदं तत्तत् गणपतिवाद्यमिदम् ॥ 9 ॥