Surya Bhagavan · Traditional devotional text · Source: vignanam.org (Traditional devotional text (public-domain shlokas))
gāḍhāndhakāraharaṇāya jagaddhitāya jyōtirmayāya paramēśvaralōchanāya । mandēhadaityabhujagarvavibhañjanāya sūryāya tīvrakiraṇāya namō namastē ॥ 1 ॥
Chāyāpriyāya maṇikuṇḍalamaṇḍitāya surōttamāya sarasīruhabāndhavāya । sauvarṇaratnamakuṭāya vikartanāya sūryāya tīvrakiraṇāya namō namastē ॥ 2 ॥
sañjñāvadhūhṛdayapaṅkajaṣaṭpadāya gaurīśapaṅkajabhavāchyutavigrahāya । lōkēkṣaṇāya tapanāya divākarāya sūryāya tīvrakiraṇāya namō namastē ॥ 3 ॥
saptāśvabaddhaśakaṭāya grahādhipāya raktāmbarāya śaraṇāgatavatsalāya । jāmbūnadāmbujakarāya dinēśvarāya sūryāya tīvrakiraṇāya namō namastē ॥ 4 ॥
āmnāyabhārabharaṇāya jalapradāya tōyāpahāya karuṇāmṛtasāgarāya । nārāyaṇāya vividhāmaravanditāya sūryāya tīvrakiraṇāya namō namastē ॥ 5 ॥
iti śrī mārtāṇḍa stōtram ॥
Browse Related Categories:
Offered for worship and study, not as prediction. Non-commercial.
More devotional texts