അഷ്ടാവക്ര ഗീതാ ദശമോഽധ്യായഃ

aṣṭāvakra uvācha

vihāya vairiṇaṃ kāmamarthaṃ chānarthasaṅkulam । dharmamapyētayōrhētuṃ sarvatrānādaraṃ kuru ॥ 10-1

svapnēndrajālavat paśya dināni trīṇi pañcha vā । mitrakṣētradhanāgāradāradāyādisampadaḥ ॥ 10-2॥

yatra yatra bhavēttṛṣṇā saṃsāraṃ viddhi tatra vai । prauḍhavairāgyamāśritya vītatṛṣṇaḥ sukhī bhava ॥ 10-3॥

tṛṣṇāmātrātmakō bandhastannāśō mōkṣa uchyatē । bhavāsaṃsaktimātrēṇa prāptituṣṭirmuhurmuhuḥ ॥ 10-4॥

tvamēkaśchētanaḥ śuddhō jaḍaṃ viśvamasattathā । avidyāpi na kiñchitsā kā bubhutsā tathāpi tē ॥ 10-5॥

rājyaṃ sutāḥ kalatrāṇi śarīrāṇi sukhāni cha । saṃsaktasyāpi naṣṭāni tava janmani janmani ॥ 10-6॥

alamarthēna kāmēna sukṛtēnāpi karmaṇā । ēbhyaḥ saṃsārakāntārē na viśrāntamabhūn manaḥ ॥ 10-7॥

kṛtaṃ na kati janmāni kāyēna manasā girā । duḥkhamāyāsadaṃ karma tadadyāpyuparamyatām ॥ 10-8॥