ചാണക്യ നീതി - നവമോഽധ്യായഃ

മുക്തിമിച്ഛസി ചേത്താത വിഷയാന്വിഷവത്ത്യജ । ക്ഷമാര്ജവദയാശൌചം സത്യം പീയൂഷവത്പിബ ॥ 01 ॥

പരസ്പരസ്യ മര്മാണി യേ ഭാഷംതേ നരാധമാഃ । ത ഏവ വിലയം യാംതി വല്മീകോദരസര്പവത് ॥ 02 ॥

ഗംധഃ സുവര്ണേ ഫലമിക്ഷുദംഡേ നാകരി പുഷ്പം ഖലു ചംദനസ്യ । വിദ്വാംധനാഢ്യശ്ച നൃപശ്ചിരായുഃ ധാതുഃ പുരാ കോഽപി ന ബുദ്ധിദോഽഭൂത് ॥ 03 ॥

സർവൌഷധീനാമമൃതാ പ്രധാനാ സർവേഷു സൌഖ്യേഷ്വശനം പ്രധാനമ് । സർവേംദ്രിയാണാം നയനം പ്രധാനം സർവേഷു ഗാത്രേഷു ശിരഃ പ്രധാനമ് ॥ 04 ॥

ദൂതോ ന സംചരതി ഖേ ന ചലേച്ച വാര്താ പൂർവം ന ജല്പിതമിദം ന ച സംഗമോഽസ്തി । വ്യോമ്നി സ്ഥിതം രവിശാശിഗ്രഹണം പ്രശസ്തം ജാനാതി യോ ദ്വിജവരഃ സ കഥം ന വിദ്വാന് ॥ 05 ॥

വിദ്യാര്ഥീ സേവകഃ പാംഥഃ ക്ഷുധാര്തോ ഭയകാതരഃ । ഭാംഡാരീ പ്രതിഹാരീ ച സപ്ത സുപ്താന്പ്രബോധയേത് ॥ 06 ॥

അഹിം നൃപം ച ശാര്ദൂലം വൃദ്ധം ച ബാലകം തഥാ । പരശ്വാനം ച മൂര്ഖം ച സപ്ത സുപ്താന്ന ബോധയേത് ॥ 07 ॥

അര്ധാധീതാശ്ച യൈർവേദാസ്തഥാ ശൂദ്രാന്നഭോജനാഃ । തേ ദ്വിജാഃ കിം കരിഷ്യംതി നിർവിഷാ ഇവ പന്നഗാഃ ॥ 08 ॥