ദാമോദര അഷ്ടകം

നമാമീശ്വരം സച്ചിദാനംദരൂപം ലസത്കുംഡലം ഗോകുലേ ഭ്രാജമാനമ് । യശോദാഭിയോലൂഖലാദ്ധാവമാനം പരാമൃഷ്ടമത്യംതതോ ദ്രുത്യ ഗോപ്യാ ॥ 1 ॥

രുദംതം മുഹുര്നേത്രയുഗ്മം മൃജംതം കരാംഭോജയുഗ്മേന സാതംകനേത്രമ് । മുഹുഃ ശ്വാസകംപത്രിരേഖാംകകംഠ- സ്ഥിതഗ്രൈവ-ദാമോദരം ഭക്തിബദ്ധമ് ॥ 2 ॥

ഇതീദൃക് സ്വലീലാഭിരാനംദകുംഡേ സ്വഘോഷം നിമജ്ജംതമാഖ്യാപയംതമ് । തദീയേഷിതാജ്ഞേഷു ഭക്തൈര്ജിതത്വം പുനഃ പ്രേമതസ്തം ശതാവൃത്തി വംദേ ॥ 3 ॥

വരം ദേവ മോക്ഷം ന മോക്ഷാവധിം വാ ന ചാന്യം വൃണേഽഹം വരേഷാദപീഹ । ഇദം തേ വപുര്നാഥ ഗോപാലബാലം സദാ മേ മനസ്യാവിരാസ്താം കിമന്യൈഃ ॥ 4 ॥

ഇദം തേ മുഖാംഭോജമത്യംതനീലൈര്- വൃതം കുംതലൈഃ സ്നിഗ്ധ-രക്തൈശ്ച ഗോപ്യാ । മുഹുശ്ചുംബിതം ബിംബരക്തധരം മേ മനസ്യാവിരാസ്താം അലം ലക്ഷലാഭൈഃ ॥ 5 ॥

നമോ ദേവ ദാമോദരാനംത വിഷ്ണോ പ്രസീദ പ്രഭോ ദുഃഖജാലാബ്ധിമഗ്നമ് । കൃപാദൃഷ്ടിവൃഷ്ട്യാതിദീനം ബതാനു ഗൃഹാണേശ മാം അജ്ഞമേധ്യക്ഷിദൃശ്യഃ ॥ 6 ॥

കുബേരാത്മജൌ ബദ്ധമൂര്ത്യൈവ യദ്വത് ത്വയാ മോചിതൌ ഭക്തിഭാജൌ കൃതൌ ച । തഥാ പ്രേമഭക്തിം സ്വകം മേ പ്രയച്ഛ ന മോക്ഷേ ഗ്രഹോ മേഽസ്തി ദാമോദരേഹ ॥ 7 ॥

നമസ്തേഽസ്തു ദാമ്നേ സ്ഫുരദ്ദീപ്തിധാമ്നേ ത്വദീയോദരായാഥ വിശ്വസ്യ ധാമ്നേ । നമോ രാധികായൈ ത്വദീയപ്രിയായൈ നമോഽനംതലീലായ ദേവായ തുഭ്യമ് ॥ 8 ॥