ശ്രീ മഹാന്യാസമ്

തത്വാ॑ യാമി॒ ബ്രഹ്മ॑ണാ॒ വംദ॑മാന॒-സ്തദാശാ᳚സ്തേ॒ യജ॑മാനോ ഹ॒വിര്ഭിഃ॑ । അഹേ॑ഡമാനോ വരുണേ॒ഹ ബോ॒ദ്ധ്യുരു॑ശഗ്​മ്സ॒ മാ ന॒ ആയുഃ॒ പ്രമോ॑ഷീഃ ॥

ഓം ഭൂര്ഭുവ॒സ്സുവ॒രോമ് । അസ്മിന് കുംഭേ വരുണമാവാഹയാമി । വരുണസ്യ ഇദമാസനമ് । വരുണായ നമഃ । സകലാരാധനൈഃ സ്വര്ചിതമ് । രത്നസിംഹാസനം സമര്പയാമി । പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി । മധുപര്ക്കം സമര്പയാമി । സ്നാനം സമര്പയാമി । സ്നാനാനംതരം ആചമനീയം സമര്പയാമി । വസ്ത്രോത്തരീയം സമര്പയാമി । ഉപവീതം സമര്പയാമി । ഗംധാന് ധാരയാമി । അക്ഷതാന് സമര്പയാമി । പുഷ്പാണി സമര്പയാമി । 1. ഓം-വഁരുണായ നമഃ 2. ഓം പ്രചേതസേ നമഃ 3. ഓം സുരൂപിണേ നമഃ 4. ഓം അപാംപതയേ നമഃ 5. ഓം മകരവാഹനായ നമഃ 6. ജലാധിപതയേ നമഃ 7. ഓം പാശഹസ്തായ നമഃ 8. ഓം തീര്ഥരാജായ നമഃ

ഓം-വഁരുണായ നമഃ । നാനാവിധ പരിമള പത്ര പുഷ്പാണി സമര്പയാമി । ധൂപം ആഘ്രാപയാമി । ദീപം ദര്​ശയാമി । ധൂപദീപാനംതരം ആചമനീയം സമര്പയാമി । ഓം ഭൂര്ഭുവസ്സുവഃ । തഥ്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി । ധിയോ॒ യോന॑ പ്രചോ॒ദയാ᳚ത് । ദേവ സവിതഃ പ്രസുവഃ । സത്യം ത്വര്തേന പരിഷിംചാമി । (രാത്രൌ - ഋതം ത്വാ സത്യേന പരിഷിംചാമി) । ഓം-വഁരുണായ നമഃ । അമൃതം ഭവതു । അമൃതോപസ്തരണമസി । ഓം പ്രാണായ സ്വാഹാ । ഓം അപാനായ സ്വാഹാ । ഓം-വ്യാഁനായ സ്വാഹാ । ഓം ഉദാനായ സ്വാഹാ । ഓം സമാനായ സ്വാഹാ । ഓം ബ്രഹ്മണേ സ്വാഹാ । കദളീഫലം നിവേദയാമി । മദ്ധ്യേമദ്ധ്യേ അമൃതപാനീയം സമര്പയാമി । അമൃതാപിധാനമസി । നൈവേദ്യാനംതരം ആചമനീയം സമര്പയാമി । താംബൂലം സമര്പയാമി । കര്പൂര നീരാജനം പ്രദര്​ശയാമി । നീരാജനാനംതരം ആചമനീയം സമര്പയാമി । മംത്ര പുഷ്പം സമര്പയാമി । സുവര്ണ പുഷ്പം സമര്പയാമി । സമസ്തോപചാരാന് സമര്പയാമി ॥

1. പംചാംഗ രുദ്രന്യാസഃ അഥാതഃ പംചാംഗരുദ്രാണാം ന്യാസപൂർവകം ജപ-ഹോമാ-ര്ചനാ-ഭിഷേക-വിധിം-വ്യാഁ᳚ഖ്യാസ്യാമഃ । അഥാതഃ പംചാംഗരുദ്രാണാം ന്യാസപൂർവകം ജപ-ഹോമാ-ര്ചനാഭിഷേകം കരിഷ്യമാണഃ ।

ഹരിഃ ഓം അഥാതഃ പംചാംഗ രുദ്രാണാമ് ॥

ഓംകാരമംത്ര സം​യുഁക്തം നിത്യം ധ്യായംതി യോഗിനഃ । കാമദം മോക്ഷദം തസ്മൈ ഓംകാരായ നമോ നമഃ ॥

നമസ്തേ ദേവ ദേവേശ നമസ്തേ പരമേശ്വര । നമസ്തേ വൃഷഭാരൂഢ നകാരായ നമോ നമഃ ॥

ഓം നമോ ഭഗവതേ॑ രുദ്രാ॒യ ॥ ഓം ഭൂര്ഭുവ॒സ്സുവഃ॑ ॥ ഓം നമ് ॥

നമ॑സ്തേ രുദ്ര മ॒ന്യവ॑ ഉ॒തോത॒ ഇഷ॑വേ॒ നമഃ॑ । നമ॑സ്തേ അസ്തു॒ ധന്വ॑നേ ബാ॒ഹുഭ്യാ॑മു॒ത തേ॒ നമഃ॑ ॥ യാ ത॒ ഇഷുഃ॑ ശി॒വത॑മാ ശി॒വം ബ॒ഭൂവ॑ തേ॒ ധനുഃ॑ । ശി॒വാ ശ॑ര॒വ്യാ॑ യാ തവ॒ തയാ॑ നോ രുദ്ര മൃഡയ । ഓം നമോ ഭഗവതേ॑ രുദ്രാ॒യ ॥ നം ഓമ് । പൂർവാംഗ രുദ്രായ॒ നമഃ ॥ (പ്രാച്യൈ ദിശ, East)

മഹാദേവം മഹാത്മാനം മഹാപാതകനാശനമ് । മഹാപാപഹരം-വംഁദേ മകാരായ നമോ നമഃ ॥

ഓം ഭൂര്ഭുവ॒സ്സുവഃ॒ ॥ ഓം മമ് ॥ ഓം നിധ॑നപതയേ॒ നമഃ । നിധനപതാംതികായ॒ നമഃ । ഊര്ധ്വായ॒ നമഃ । ഊര്ധ്വലിംഗായ॒ നമഃ । ഹിരണ്യായ॒ നമഃ । ഹിരണ്യലിംഗായ॒ നമഃ । സുവര്ണായ॒ നമഃ । സുവര്ണലിംഗായ॒ നമഃ । ദിവ്യായ॒ നമഃ । ദിവ്യലിംഗായ॒ നമഃ । ഭവായഃ॒ നമഃ । ഭവലിംഗായ॒ നമഃ । ശർവായ॒ നമഃ । ശർവലിംഗായ॒ നമഃ । ശിവായ॒ നമഃ । ശിവലിംഗായ॒ നമഃ । ജ്വലായ॒ നമഃ । ജ്വലലിംഗായ॒ നമഃ । ആത്മായ॒ നമഃ । ആത്മലിംഗായ॒ നമഃ । പരമായ॒ നമഃ । പരമലിംഗായ॒ നമഃ । ഏതഥ്സോമസ്യ॑ സൂര്യ॒സ്യ സർവലിംഗഗ്ഗ്॑ സ്ഥാപ॒യ॒തി॒ പാണിമംത്രം പവി॒ത്രമ് ॥ ഓം നമോ ഭഗവതേ॑ രുദ്രാ॒യ ॥ മം ഓമ് ॥ ദക്ഷിണാംഗ രുദ്രായ॒ നമഃ ॥ (ദക്ഷിണ ദിശ, South)

ശിവം ശാംതം ജഗന്നാഥം-ലോഁകാനുഗ്രഹകാരണമ് । ശിവമേകം പരം-വംഁദേ ശികാരായ നമോ നമഃ ॥

ഓം ഭൂര്ഭുവ॒സ്സുവഃ॒ ॥ ഓം ശിമ് ॥ അപൈ॑തുമൃ॒ത്യുരമൃതം॑ ന॒ ആഗ॑ന് വൈവസ്വ॒തോ നോ॒ അ॑ഭയം കൃണോതു । പ॒ര്ണം-വഁന॒സ്പതേരിവാ॒ഭിനശ്ശീയതാഗ്​മ് ര॒യിസ്സച॑താം ന॒ശ്ശചീ॒പതിഃ॑ ॥ ഓം നമോ ഭഗവതേ॑ രുദ്രാ॒യ ॥ ശിം ഓമ് ॥ പശ്ചിമാംഗ രുദ്രായ॒ നമഃ ॥ (പശ്ചിമ ദിശ, West)

വാഹനം-വൃഁഷഭോ യസ്യ വാസുകീ കംഠഭൂഷണമ് । വാമേ ശക്തിധരം-വംഁദേ വകാരായ നമോ നമഃ ॥

ഓം ഭൂര്ഭുവ॒സ്സുവഃ॒ ॥ ഓം-വാഁമ് ॥ പ്രാണാനാം ഗ്രംഥിരസി രുദ്രോ മാ॑ വിശാം॒തകഃ । തേനാന്നേനാ᳚പ്യായ॒സ്വ ॥ ഓം നമോ ഭഗവതേ രുദ്രായ വിഷ്ണവേ മൃത്യു॑ര്മേ പാ॒ഹി ॥ ഓം നമോ ഭഗവതേ॑ രുദ്രാ॒യ ॥ വാം ഓമ് ॥ ഉത്തരാംഗ രുദ്രായ॒ നമഃ ॥ (ഉത്തര ദിശ, North)

യത്ര കുത്ര സ്ഥിതം ദേവം സർവവ്യാപിനമീശ്വരമ് । യല്ലിംഗം പൂജയേന്നിത്യം-യഁകാരായ നമോ നമഃ ॥

ഓം ഭൂര്ഭുവ॒സ്സുവഃ॒ ॥ ഓം-യഁമ് ॥ യോ രു॒ദ്രോ അ॒ഗ്നൌ യോ അ॒പ്സു യ ഓഷ॑ധീഷു॒ യോ രു॒ദ്രോ വിശ്വാ॒ ഭുവ॑നാ വി॒വേശ॒ തസ്മൈ॑ രു॒ദ്രായ॒ നമോ॑ അസ്തു ॥ ഓം നമോ ഭഗവതേ॑ രുദ്രാ॒യ ॥ യം ഓമ് ॥ ഊര്ധ്വാംഗ രുദ്രായ॒ നമഃ ॥ (ഊര്ധ്വ ദിശ, Up)

2. പംചമുഖ ധ്യാനമ്

ഓം നമ് ॥ തത്പുരു॒ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോദയാ᳚ത് ॥

സം​വഁര്താഗ്നി തടിത്പ്രദീപ്ത കനക പ്രസ്പര്ഥി തേജോമയമ് । ഗംഭീരധ്വനി സാമവേദജനകം താമ്രാധരം സുംദരമ് । അര്ധേംദുദ്യുതി ലോലപിംഗള ജടാഭാരപ്രബദ്ധോരഗമ് । വംദേ സിദ്ധ സുരാസുരേംദ്രനമിതം പൂർവം മുഖം ശൂലിനഃ ॥

ഓം നമോ ഭഗവതേ॑ രുദ്രാ॒യ ॥ ഓം നമ് ॥ പൂർവ മുഖായ॒ നമഃ ॥

അ॒ഘോരേ᳚ഭ്യോഽഥഘോ॒രേ᳚ഭ്യോ॒ ഘോര॒ഘോര॑തരേഭ്യഃ ॥ സർവേ᳚ഭ്യസ്സർവ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥

കാലാഭ്രഭ്രമരാംജനദ്യുതിനിഭം-വ്യാഁവൃത്ത പിംഗേക്ഷണമ് കര്ണോദ്ഭാസിത ഭോഗിമസ്തക മണിപ്രോദ്ഗീര്ണ ദംഷ്ട്രാംകുരമ് । സര്പപ്രോത കപാല ശുക്തി ശകല വ്യാകീര്ണ സച്ഛേഖരമ് വംദേ ദക്ഷിണമീശ്വരസ്യ കുടില ഭ്രൂഭംഗ രൌദ്രം മുഖമ് ॥

ഓം നമോ ഭഗവതേ॑ രുദ്രാ॒യ ॥ ഓം മമ് ॥ ദക്ഷിണ മുഖായ॒ നമഃ ॥

സ॒ദ്യോ ജാ॒തം പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ ഭവേ ഭവസ്വ॒ മാമ് । ഭ॒വോദ്-ഭ॑വായ॒ നമഃ॑ ॥

പ്രാലേയാചലമിംദുകുംദ ധവളം ഗോക്ഷീരഫേനപ്രഭമ് ഭസ്മാഭ്യക്തമനംഗ ദേഹ ദഹന ജ്വാലാവളീ ലോചനമ് । ബ്രഹ്മേംദ്രാദി മരുദ്ഗണൈസ്പുതിപദൈ രഭ്യര്ചിതം-യോഁഗിഭിഃ വംദേഽഹം സകലം കളംകരഹിതം സ്ഥാണോര്മുഖം പശ്ചിമമ് ॥

ഓം നമോ ഭഗവതേ॑ രുദ്രാ॒യ ॥ ഓം ശിമ് ॥ പശ്ചിമ മുഖായ॒ നമഃ ॥

വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമഃ॒ സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥

ഗൌരം കുംകുമ പംകിലം സ്തിലകം-വ്യാഁപാംഡു ഗംഡസ്ഥലമ് ഭ്രൂവിക്ഷേപ കടാക്ഷ ലസത്സംസക്ത കര്ണോത്ഫലമ് । സ്നിഗ്ധം ബിംബഫലാധരം പ്രഹസിതം നീലാലകാലം കൃതമ് വംദേ പൂര്ണ ശശാംക മംഡലനിഭം-വഁക്ത്രം ഹരസ്യോത്തരമ് ॥

ഓം നമോ ഭഗവതേ॑ രുദ്രാ॒യ ॥ ഓം-വാഁമ് ॥ ഉത്തര മുഖായ॒ നമഃ ॥

ഈശാനഃ സർവ॑വിദ്യാ॒നാ॒-മീശ്വരഃ സർവ॑ഭൂതാ॒നാം॒ ബ്രഹ്മാധി॑പതി॒-ര്ബ്രഹ്മ॒ണോ ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥ (കനിഷ്ഠികാഭ്യാം നമഃ)

വ്യക്താവ്യക്ത ഗുണേതരം പരതരം ഷട്ത്രിംശതത്ത്വാത്മകമ് തസ്മാദുത്തമ തത്ത്വമക്ഷരമിദം ധ്യേയം സദാ യോഗിഭിഃ । ഓംകാരാദി സമസ്ത മംത്രജനകം സൂക്ഷ്മാദി സൂക്ഷ്മം പരം ശാംതം പംചമമീശ്വരസ്യ വദനം ഖം​വ്യാഁപ്തി തേജോമയമ് ॥

ഓം നമോ ഭഗവതേ॑ രുദ്രാ॒യ ॥ ഓം-വാഁമ് ॥ ഊര്ധ്വ മുഖായ॒ നമഃ ॥

ദിങ്നമസ്കാരഃ പൂർവേ പശുപതിഃ പാതു । ദക്ഷിണേ പാതു ശംകരഃ । പശ്ചിമേ പാതു വിശ്വേശഃ । നീലകംഠസ്തദോത്തരേ ॥

ഈശാന്യാം പാതു മേ ശർവഃ । ആഗ്നേയാം പാർവതീപതിഃ । നൈഋത്യാം പാതു മേ രുദ്രഃ । വായവ്യാം നീലലോഹിതഃ ॥

ഊര്ധ്വേ ത്രിലോചനഃ പാതു । അധരായാം മഹേശ്വരഃ । ഏതാഭ്യോ ദശ ദിഗ്ഭ്യസ്തു । സർവതഃ പാതു ശംകരഃ ॥

(നാ രുദ്രോ രുദ്രമര്ചയേ᳚ത് । ന്യാസപൂർവകം ജപഹോമാര്ചനാഽഭിഷേകവിധി വ്യാഖ്യാസ്യാമഃ ।)

3. അംഗന്യാസഃ യാ തേ॑ രുദ്ര ശി॒വാ ത॒നൂരഘോ॒രാ-ഽപാ॑പകാശിനീ । തയാ॑ ന സ്ത॒നുവാ॒ ശംത॑മയാ॒ ഗിരി॑ശംതാ॒ഭി ചാ॑കശീഹി । ശിഖായൈ നമഃ । 1

അ॒സ്മിന് മ॑ഹ॒ത്യ॑ര്ണ॒വേ᳚-ഽംതരി॑ക്ഷേ ഭ॒വാ അധി॑ । തേഷാഗ്​മ്॑ സഹസ്രയോജ॒നേ-ഽവ॒ധന്വാ॑നി തന്മസി । ശിരസേ നമഃ । 2

സ॒ഹസ്രാ॑ണി സഹസ്ര॒ശോ യേ രു॒ദ്രാ അധി॒ ഭൂമ്യാ᳚മ് । തേഷാഗ്​മ്॑ സഹസ്ര-യോജ॒നേ-ഽവ॒ധന്വാ॑നി തന്മസി । ലലാടായ നമഃ । 3

ഹ॒ഗ്​മ്॒സ-ശ്ശു॑ചി॒ഷ-ദ്വസു॑രംതരിക്ഷ॒സദ്ധോതാ॑ വേദി॒ഷദതി॑ഥി-ര്ദുരോണ॒സത് । നൃ॒ഷദ്വ॑ര॒-സദൃ॑ത॒-സദ്വ്യോ॑മ॒ സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒തം ബൃ॒ഹത് । ഭ്രുവോര്മദ്ധ്യായ നമഃ । 4

ത്ര്യ॑ബംകം-യഁജാമഹേ സുഗം॒ധിം പു॑ഷ്ടി॒വര്ധ॑നമ് । ഉ॒ർവാ॒രു॒കമി॑വ॒ ബംധ॑നാന് മൃ॒ത്യോ-ര്മു॑ക്ഷീയ॒ മാഽമൃതാ᳚ത് । നേത്രാഭ്യാം നമഃ । 5

നമഃ॒ സ്രുത്യാ॑യ ച॒ പഥ്യാ॑യ ച॒ നമഃ॑ കാ॒ട്യാ॑യ ച നീ॒പ്യാ॑യ ച । കര്ണാഭ്യാം നമഃ । 6

മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാനോ॑ രുദ്ര ഭാമി॒തോ വ॑ധീ-ര്​ഹ॒വിഷ്മം॑തോ॒ നമ॑സാ വിധേമ തേ । നാസികാഭ്യാം നമഃ । 7

അ॒വ॒തത്യ॒ ധനു॒സ്ത്വഗ്​മ് സഹ॑സ്രാക്ഷ॒ ശതേ॑ഷുധേ । നി॒ശീര്യ॑ ശ॒ല്യാനാം॒ മുഖാ॑ ശി॒വോ നഃ॑ സു॒മനാ॑ ഭവ । മുഖായ നമഃ । 8

നീല॑ഗ്രീവാ ശ്ശിതി॒കംഠാഃ᳚ ശ॒ർവാ അ॒ധഃ ക്ഷ॑മാച॒രാഃ । തേഷാഗ്​മ്॑ സഹസ്രയോജ॒നേഽ വ॒ധന്വാ॑നി തന്മസി । കംഠായ നമഃ । 9.1

നീല॑ഗ്രീവാ-ശ്ശിതി॒കംഠാ॒ ദിവഗ്​മ്॑ രു॒ദ്രാ ഉപ॑ശ്രിതാഃ । തേഷാഗ്​മ്॑ സഹസ്രയോജ॒നേഽ വ॒ധന്വാ॑നി തന്മസി । ഉപകംഠായ നമഃ । 9.2

നമ॑സ്തേ അ॒സ്ത്വായു॑ധാ॒യാ-നാ॑തതായ ധൃ॒ഷ്ണവേ᳚ । ഉ॒ഭാഭ്യാ॑മു॒ത തേ॒ നമോ॑ ബാ॒ഹുഭ്യാം॒ തവ॒ ധന്വ॑നേ । ബാഹുഭ്യാം നമഃ । 10

യാ തേ॑ ഹേ॒തി-ര്മീ॑ഢുഷ്ടമ॒ ഹസ്തേ॑ ബ॒ഭൂവ॑ തേ॒ ധനുഃ॑ । തയാ॒ഽസ്മാന് വി॒ശ്വത॒സ്ത്വ-മ॑യ॒ക്ഷ്മയാ॒ പരി॑ബ്ഭുജ । ഉപബാഹുഭ്യാം നമഃ । 11

പരി॑ണോ രു॒ദ്രസ്യ॑ ഹേ॒തി-ർവൃ॑ണക്തു॒ പരി॑ത്വേ॒ഷസ്യ॑ ദുര്മ॒തിര॑ഘാ॒യോഃ । അവ॑ സ്ഥി॒രാ മ॒ഘവ॑ദ്ഭ്യഃ തനുഷ്വ॒ മീഢ്വ॑സ്തോ॒കായ॒ തന॑യായ മൃഡയ । മണിബംധാഭ്യാം നമഃ । 12

യേ തീ॒ര്ഥാനി॑ പ്ര॒ചരം॑തി സൃ॒കാവം॑തോ നിഷം॒ഗിണഃ॑ । തേഷാഗ്​മ്॑ സഹസ്രയോജ॒നേഽ വ॒ധന്വാ॑നി തന്മസി । ഹസ്താഭ്യാം നമഃ । 13

സ॒ദ്യോ ജാ॒തം പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ ഭവേ ഭവസ്വ॒ മാമ് । ഭ॒വോദ്-ഭ॑വായ॒ നമഃ॑ ॥ അഗുംഷ്ഠാഭ്യാം നമഃ । 14.1

വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമഃ॒ സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ । തര്ജനീഭ്യാം നമഃ । 14.2

അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യഃ സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്ര രൂ॑പേഭ്യഃ ॥ മദ്ധ്യമാഭ്യാം നമഃ । 14.3

തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ അനാമികാഭ്യാം നമഃ । 14.4

ഈശാനഃ സർവ॑വിദ്യാ॒നാ॒-മീശ്വരഃ സർവ॑ഭൂതാ॒നാം॒ രഹ്മാധി॑പതി॒-ര്ബ്രഹ്മ॒ണോ ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥ കനിഷ്ഠികാഭ്യാം നമഃ । 14.5

നമോ॑ വഃ കിരി॒കേഭ്യോ॑ ദേ॒വാനാ॒ഗ്​മ്॒ ഹൃദ॑യേഭ്യഃ । ഹൃദയായ നമഃ । 15

നമോ॑ ഗ॒ണേഭ്യോ॑ ഗ॒ണപ॑തിഭ്യശ്ച വോ॒ നമഃ॑ । പൃഷ്ഠായ നമഃ । 16

നമോ॒ ഹിര॑ണ്യബാഹവേ സേനാ॒ന്യേ॑ ദി॒ശാംച॒ പത॑യേ॒ നമഃ॑ । പാര്​ശ്വാഭ്യാം നമഃ । 17

വിജ്യം॒ ധനുഃ॑ കപ॒ര്ദിനോ॒ വിശ॑ല്യോ॒ ബാണ॑വാഗ്​മ് ഉ॒ത । അനേ॑ശന്ന॒സ്യേഷ॑വ ആ॒ഭുര॑സ്യ നിഷം॒ഗഥിഃ॑ । ജഠരായ നമഃ । 18

ഹി॒ര॒ണ്യ॒ഗ॒ര്ഭ സ്സമ॑വര്ത॒താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് । സദാ॑ധാര പൃഥി॒വീം ദ്യാമു॒തേമാം കസ്മൈ॑ ദേ॒വായ॑ ഹ॒വിഷാ॑ വിധേമ । നാഭ്യൈ നമഃ । 19

മീഢു॑ഷ്ടമ॒ ശിവ॑തമ ശി॒വോ ന॑സ്സു॒മനാ॑ ഭവ । പ॒ര॒മേ വൃ॒ക്ഷ ആയു॑ധം നി॒ധായ॒ കൃത്തിം॒-വഁസാ॑ന॒ ആച॑ര॒ പിനാ॑കം॒ ബിഭ്ര॒ദാഗ॑ഹി । കഠ്യൈ നമഃ । 20

യേ ഭൂ॒താനാ॒-മധി॑പതയോ വിശി॒ഖാസഃ॑ കപ॒ര്ദി॑നഃ । തേഷാഗ്​മ്॑ സഹസ്രയോജ॒നേ ഽവ॒ധന്വാ॑നി തന്മസി । ഗുഹ്യായ നമഃ । 21

യേ അന്നേ॑ഷു വി॒വിദ്ധ്യം॑തി॒ പാത്രേ॑ഷു॒ പിബ॑തോ॒ ജനാന്॑ । തേഷാഗ്​മ്॑ സഹസ്രയോജ॒നേഽ വ॒ധന്വാ॑നി തന്മസി । അംഡാഭ്യാം നമഃ । 22

സ॒ ശി॒രാ ജാ॒തവേ॑ദാ അ॒ക്ഷരം॑ പര॒മം പ॒ദമ് । വേദാ॑നാ॒ഗ്​മ്॒ ശിര॑സി മാ॒താ॒ ആ॒യു॒ഷ്മംതം॑ കരോതു॒ മാമ് । അപാനായ നമഃ । 23

മാ നോ॑ മ॒ഹാംത॑മു॒ത മാ നോ॑ അര്ഭ॒കം മാ ന॒ ഉക്ഷം॑തമു॒ത മാ ന॑ ഉക്ഷി॒തമ് । മാ നോ॑ വധീഃ പി॒തരം॒ മോത മാ॒തരം॑ പ്രി॒യാ മാ ന॑സ്ത॒നുവോ॑ രുദ്ര രീരിഷഃ । ഊരുഭ്യാം നമഃ । 24

ഏ॒ഷ തേ॑ രുദ്രഭാ॒ഗ-സ്തംജു॑ഷസ്വ॒ തേനാ॑വ॒സേന॑ പ॒രോ മൂജ॑വ॒തോ-ഽതീ॒ഹ്യവ॑തത-ധന്വാ॒ പിനാ॑കഹസ്തഃ॒ കൃത്തി॑വാസാഃ । ജാനുഭ്യാം നമഃ । 25

സ॒ഗ്​മ്॒ സൃ॒ഷ്ട॒ജിഥ്സോ॑മ॒പാ ബാ॑ഹു-ശ॒ര്ധ്യൂ᳚ര്ധ്വ ധ॑ന്വാ॒ പ്രതി॑ഹിതാ-ഭി॒രസ്താ᳚ । ബൃഹ॑സ്പതേ॒ പരി॑ദീയാ॒ രഥേ॑ന രക്ഷോ॒ഹാ-ഽമിത്രാഗ്​മ്॑ അപ॒ബാധ॑മാനഃ । ജംഘാഭ്യാം നമഃ । 26

വിശ്വം॑ ഭൂ॒തം ഭുവ॑നം ചി॒ത്രം ബ॑ഹു॒ധാ ജാ॒തം ജായ॑മാനം ച॒ യത് । സർവോ॒ ഹ്യേ॑ഷ രു॒ദ്ര-സ്തസ്മൈ॑ രു॒ദ്രായ॒ നമോ॑ അസ്തു ॥ ഗുല്ഫാഭ്യാം നമഃ । 27

യേ പ॒ഥാം പ॑ഥി॒രക്ഷ॑യ ഐലബൃ॒ദാ യ॒വ്യുധഃ॑ । തേഷാഗ്​മ്॑ സഹസ്രയോജ॒നേ ഽവ॒ധന്വാ॑നി തന്മസി । പാദാഭ്യാം നമഃ । 28

അദ്ധ്യ॑വോച-ദധിവ॒ക്താ പ്ര॑ഥ॒മോ ദൈവ്യോ॑ ഭി॒ഷക് । അഹീഗ്ഗ്॑ശ്ച॒ സർവാ᳚ന് ജ॒ഭം​യഁ॒ന് ഥ്സർവാ᳚ശ്ച യാതു ധാ॒ന്യഃ॑ । കവചായ ഹുമ് । 29

നമോ॑ ബി॒ല്മിനേ॑ ച കവ॒ചിനേ॑ ച॒ നമഃ॑ ശ്രു॒തായ॑ ച ശ്രുതസേ॒നായ॑ ച । ഉപകവചായ ഹുമ് । 30

നമോ॑ അസ്തു॒ നീല॑ഗ്രീവായ സഹസ്രാ॒ക്ഷായ॑ മീ॒ഢുഷേ᳚ । അഥോ॒ യേ അ॑സ്യ॒ സത്വാ॑നോ॒ഽഹം തേഭ്യോ॑ഽകര॒ന്നമഃ॑ । തൃതീയ നേത്രായ നമഃ । 31

പ്രമും॑ച॒ ധന്വ॑ന॒സ്ത്വ-മു॒ഭയോ॒-രാര്ത്നി॑യോ॒ര്ജ്യാമ് । യാശ്ച॑ തേ॒ ഹസ്ത॒ ഇഷ॑വഃ॒ പരാ॒ താ ഭ॑ഗവോ വപ । അസ്ത്രായ ഫട് । 32

യ ഏ॒താവം॑തശ്ച॒ ഭൂയാഗ്​മ്॑സശ്ച॒ ദിശോ॑ രു॒ദ്രാ വി॑തസ്ഥി॒രേ । തേഷാഗ്​മ്॑॑ സഹസ്രയോജ॒നേ ഽവ॒ധന്വാ॑നി തന്മസി । ഇതി ദിഗ്ബംധഃ । 33

-----------ഇതി പ്രഥമ ന്യാസഃ------------ (ശിഖാദി അസ്ത്രപര്യംതം ഏകത്രിംശദംഗന്യാസഃ ദിഗ്ബംധ സഹിതഃ പ്രഥമഃ)

4. ദശാംഗ ന്യാസഃ ഓം നമോ ഭഗവതേ॑ രുദ്രാ॒യ । ഇതി നമസ്കാരാന് ന്യസേ᳚ത് ॥ ഓം ഓം മൂര്ഥ്നേ നമഃ (മൂര്ധ്നി) । ഓം നം നാസികായൈ നമഃ (നാസികാഗ്രഃ) । ഓം മോം-ലഁലടായ നമഃ (ലലാടഃ) । ഓം ഭം മുഖായ നമഃ (മുഖാമ്) । ഓം ഗം കംഠായ നമഃ (കംഠഃ) । ഓം-വംഁ ഹൃദയായ നമഃ (ഹൃദയഃ) । ഓം തേം ദക്ഷിണ ഹസ്തായ നമഃ (ദക്ഷിണ ഹസ്തഃ) । ഓം രും-വാഁമ ഹസ്തായ നമഃ (വാമ ഹസ്തഃ) । ഓം ദ്രാം നാഭ്യൈ നമഃ (നാഭ്ഹീ) । ഓം-യംഁ പാദാഭ്യാം നമഃ (പാദൌ) ॥ [അപ ഉപസ്പൃശ്യ]

-----------ഇതി ദ്വിതീയ ന്യാസഃ---------- മൂര്ധാദി പാദാംതം ദശാംഗ ന്യാസഃ ദ്വിതീയഃ

5. പംചാംഗ ന്യാസഃ സ॒ദ്യോ ജാ॒തം പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാമ് । ഭ॒വോ-ദ്ഭ॑വായ॒ നമഃ॑ ॥ പാദാഭ്യാം നമഃ । 1 [അപ ഉപസ്പൃശ്യ]

വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒ സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ । ഊരുമധ്യമാഭ്യാം നമഃ । 2

അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യഃ സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ ഹൃദയായ നമഃ । 3

തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ മുഖായ നമഃ । 4

ഈശാനഃ സർവ॑വിദ്യാ॒നാ॒-മീശ്വരസർവ॑ ഭൂതാ॒നാം॒ ബ്രഹ്മാധി॑പതി॒-ര്ബ്രഹ്മ॒ണോഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥ മൂര്ധ്നേ നമഃ । 5

5.1 ഹംസ ഗായത്രീ അസ്യ ശ്രീ ഹംസഗായത്രീ മഹാമംത്രസ്യ, അവ്യക്ത പരബ്രഹ്മ ഋഷിഃ, അനുഷ്ടുപ് ഛംദഃ, പരമഹംസോ ദേവതാ । ഹംസാം ബീജം, ഹംസീം ശക്തിഃ । ഹംസൂം കീലകമ് । പരമഹംസ പ്രസാദ സിദ്ധ്യര്ഥേ ജപേ വിനിയോഗഃ ॥ 1

കരന്യാസഃ - ഹംസാം അഗുംഷ്ഠാഭ്യാം നമഃ । ഹംസീം തര്ജനീഭ്യാം നമഃ । ഹംസൂം - മദ്ധ്യമാഭ്യാം നമഃ । ഹംസൈം - അനാമികാഭ്യാം നമഃ । ഹംസൌം - കനിഷ്ഠികാഭ്യാം നമഃ । ഹംസഃ-കരതല കരപൃഷ്ഠാഭ്യാം നമഃ । 2

ഹൃദയാദി ന്യാസഃ - ഹംസാം - ഹൃദയായ നമഃ । ഹംസീം - ശിരസേ സ്വാഹാ । ഹംസൂം - ശിഖായൈ വഷട് । ഹംസൈം - കവചായ ഹുമ് । ഹംസൌം - നേത്രത്രയായ വൌഷട് । ഹംസഃ - അസ്ത്രായ ഫട് ॥ ഓം ഭൂര്ഭുവ॒സ്സുവ॒രോമിതി ദിഗ്ബംധഃ । 3

ധ്യാനം - ഗമാഗമസ്ഥം ഗമനാദിശൂന്യം ചി-ദ്രൂപദീപം തിമിരാപഹാരമ് । പശ്യാമി തേ സർവജനാംതരസ്ഥം നമാമി ഹംസം പരമാത്മരൂപമ് ॥ 4

ദേഹോ ദേവാലയഃ പ്രോക്തോ ജീവോ ദേവഃ സനാതനഃ । ത്യജേദജ്ഞാനനിര്മാല്യം സോഽഹംഭാവേന പൂജയേത് ॥

ഹം॒സ ഹം॒സായ॑ വി॒ദ്മഹേ॑ പരമഹം॒സായ॑ ധീമഹി । തന്നോ॑ ഹംസഃ പ്രചോ॒ദയാ᳚ത് ॥ 5 (ഇതി ത്രിവാരം ജപിത്വാ)

ഹംസ ഹം॒സേതി യോ ബ്രൂയാ-ധംസോ (ബ്രൂയാദ്ധംസോ) നാമ സദാശിവഃ । ഏവം ന്യാസ വിധിം കൃത്വാ തതഃ സംപുടമാരഭേത് ॥ 6

5.2 ദിക് സംപുടന്യാസഃ (സംപുടീകരണമ്)

ഇംദ്രാദീന് ദിക്ഷുവിന്യസ്യ ।

ഓം ഭൂര്ഭുവ॒സ്സുവഃ॑ । ഓം ഓമ് । ത്രാ॒താര॒മിംദ്ര॑ മവി॒താര॒മിംദ്ര॒ഗ്​മ്॒ ഹവേ॑ ഹവേ സു॒ഹവ॒ഗ്​മ്॒ ശൂര॒മിംദ്ര᳚മ് । ഹു॒വേ നു ശ॒ക്രം പു॑രുഹൂ॒തമിംദ്രഗ്ഗ്॑ സ്വ॒സ്തി നോ॑ മ॒ഘവാ॑ ധാ॒ത്വിംദ്രഃ॑ ॥ ഓം നമോ ഭഗവതേ॑ രുദ്രാ॒യ । ഓം ഓമ് । പൂർവദിഗ്ഭാഗേ ഇംദ്രായ നമഃ ॥ 1 (തൈ.സം.1-6-12-50)

ഓം ഭൂര്ഭുവ॒സ്സുവഃ॑ । ഓം നമ് । ത്വം നോ॑ അഗ്നേ॒ വരു॑ണസ്യ വി॒ദ്വാംദേ॒വസ്യ॒ ഹേഡോഽവ॑ യാസിസീഷ്ഠാഃ । യജി॑ഷ്ഠോ॒ വഹ്നി॑തമഃ॒ ശോശു॑ചാനോ॒ വിശ്വാ॒ ദ്വേഷാഗ്​മ്॑സി॒ പ്രമു॑മുഗ്ധ്യ॒സ്മത് ॥ ഓം നമോ ഭഗവതേ॑ രുദ്രാ॒യ । നം ഓമ് । ആഗ്നേയദിഗ്ഭാഗേ അഗ്നയേ നമഃ ॥ 2 (തൈ.സം.2-5-12-72)

ഓം ഭൂര്ഭുവ॒സ്സുവഃ॑ । ഓം മോമ് । സു॒ഗം നഃ॒ പംഥാ॒മഭ॑യം കൃണോതു । യസ്മി॒ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേനമ॒ഭ്യഷിം॑ചംത ദേ॒വാഃ । തദ॑സ്യ ചി॒ത്രഗ്​മ് ഹ॒വിഷാ॑ യജാമ ॥ ഓം നമോ ഭഗവതേ॑ രുദ്രാ॒യ । മോം ഓമ് । ദക്ഷിണദിഗ്ഭാഗേ യമായ നമഃ ॥ 3 (തൈ.ബ്രാ.3-1-2-11-23)

ഓം ഭൂര്ഭുവ॒സ്സുവഃ॑ । ഓം ഭമ് । അസു॑ന്വംത॒മയ॑ജമാനമിച്ഛ സ്തേ॒നസ്യേ॒ത്യാംതസ്ക॑ര॒സ്യാന്വേ॑ഷി । അ॒ന്യമ॒സ്മദി॑ച്ഛ॒ സാ ത॑ ഇ॒ത്യാ നമോ॑ ദേവി നിര്.ഋതേ॒ തുഭ്യ॑മസ്തു ॥ ഓം നമോ ഭഗവതേ॑ രുദ്രാ॒യ । ഭം ഓമ് । നിര്​ഋതിദിഗ്ഭാഗേ നിര്​ഋതയേ നമഃ ॥ 4 (തൈ.സം.4-2-5-21)

ഓം ഭൂര്ഭുവ॒സ്സുവഃ॑ । ഓം ഗമ് । തത്ത്വാ॑ യാമി॒ ബ്രഹ്മ॑ണാ॒ വംദ॑മാന॒സ്തദാ ശാ᳚സ്തേ॒ യജ॑മാനോ ഹ॒വിര്ഭിഃ॑ । അഹേ॑ഡമാനോ വരുണേ॒ഹ ബോ॒ധ്യുരു॑ശഗ്​മ്സ॒ മാ ന॒ ആയുഃ॒ പ്രമോ॑ഷീഃ ॥ ഓം നമോ ഭഗവതേ॑ രുദ്രാ॒യ । ഗം ഓമ് । പശ്ചിമദിഗ്ഭാഗേ വരുണായ നമഃ ॥ 5 (തൈ.സം.2-1-11-65)

ഓം ഭൂര്ഭുവ॒സ്സുവഃ॑ । ഓം-വഁമ് । ആ നോ॑ നി॒യുദ്ഭിഃ॑ ശ॒തിനീ॑ഭിരധ്വ॒രഗ്മ് । സ॑ഹ॒സ്രിണീ॑ഭി॒രുപ॑ യാഹി യ॒ജ്ഞമ് । വായോ॑ അ॒സ്മിന് ഹ॒വിഷി॑ മാദയസ്വ । യൂ॒യം പാ॑ത സ്വ॒സ്തിഭിഃ॒ സദാ॑ നഃ ॥ ഓം നമോ ഭഗവതേ॑ രുദ്രാ॒യ । വം ഓമ് । വായവ്യദിഗ്ഭാഗേ വായവേ നമഃ ॥ 6 (തൈ.ബ്രാ.2-8-1-2)

ഓം ഭൂര്ഭുവ॒സ്സുവഃ॑ । ഓം തേമ് । വ॒യഗ്​മ് സോ॑മ വ്ര॒തേ തവ॑ । മന॑സ്ത॒നൂഷു॒ ബിഭ്ര॑തഃ । പ്ര॒ജാവം॑തോ അശീമഹി । ഇം॒ദ്രാ॒ണീ ദേ॒വീ സു॒ഭഗാ॑ സു॒പത്നീ᳚ ॥ ഓം നമോ ഭഗവതേ॑ രുദ്രാ॒യ । തേം ഓമ് । ഉത്തരദിഗ്ഭാഗേ കുബേരായ നമഃ ॥ 7 (തൈ.ബ്രാ.2-4-2-7-18)

ഓം ഭൂര്ഭുവ॒സ്സുവഃ॑ । ഓം രുമ് । തമീശാ᳚നം॒ ജഗ॑തസ്ത॒സ്ഥുഷ॒സ്പതിം᳚ ധിയം ജി॒ന്വമവ॑സേ ഹൂമഹേ വ॒യമ് । പൂ॒ഷാ നോ॒ യഥാ॒ വേദ॑സാ॒മസ॑ദ്വൃ॒ധേ ര॑ക്ഷി॒താ പാ॒യുരദ॑ബ്ധഃ സ്വ॒സ്തയേ᳚ ॥ ഓം നമോ ഭഗവതേ॑ രുദ്രാ॒യ । രും ഓമ് । ഈശാന്യദിഗ്ഭാഗേ ഈശാനായ നമഃ ॥ 8

ഓം ഭൂര്ഭുവ॒സ്സുവഃ॑ । ഓം ദ്രാമ് । അ॒സ്മേ രു॒ദ്രാ മേ॒ഹനാ॒ പർവ॑താസോ വൃത്ര॒ഹത്യേ॒ ഭര॑ഹൂതൌ സ॒ജോഷാഃ᳚ । യഃ ശംസ॑തേ സ്തുവ॒തേ ധായി॑ പ॒ജ്ര ഇംദ്ര॑ജ്യേഷ്ഠാ അ॒സ്മാം അ॑വംതു ദേ॒വാഃ ॥ ഓം നമോ ഭഗവതേ॑ രുദ്രാ॒യ । ദ്രാം ഓമ് । ഊര്ധ്വദിഗ്ഭാഗേ ആകാശായ നമഃ ॥ 9

ഓം ഭൂര്ഭുവ॒സ്സുവഃ॑ । ഓം-യഁമ് । സ്യോ॒നാ പൃ॑ഥിവി॒ ഭവാ॑നൃക്ഷ॒രാ നി॒വേശ॑നീ । യച്ഛാ॑ നഃ॒ ശര്മ॑ സ॒പ്രഥാഃ᳚ ॥ ഓം നമോ ഭഗവതേ॑ രുദ്രാ॒യ । യം ഓമ് । അധോദിഗ്ഭാഗേ പൃഥിവ്യൈ നമഃ ॥ 10 [അപ ഉപസ്പൃശ്യ]

5.3 ദശാംഗ രൌദ്രീകരണമ് ഓം ഭൂര്ഭുവ॒സ്സുവഃ॑ । ഓം ഓമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ത്രാ॒താര॒മിംദ്ര॑ മവി॒താര॒മിംദ്ര॒ഗ്​മ്॒ ഹവേ॑ ഹവേ സു॒ഹവ॒ഗ്​മ്॒ ശൂര॒മിംദ്ര᳚മ് । ഹു॒വേ നു ശ॒ക്രം പു॑രുഹൂ॒തമിംദ്രഗ്ഗ്॑ സ്വ॒സ്തി നോ॑ മ॒ഘവാ॑ ധാ॒ത്വിംദ്രഃ॑ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഓം ഓമ് । പൂർവദിഗ്ഭാഗേ ലലാടസ്ഥാനേ ഇംദ്രായ നമഃ ॥ 1 ॥ (തൈ.സം.1-6-12-50)

ഓം ഭൂര്ഭുവ॒സ്സുവഃ॑ । ഓം നമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ത്വം നോ॑ അഗ്നേ॒ വരു॑ണസ്യ വി॒ദ്വാംദേ॒വസ്യ॒ ഹേഡോഽവ॑ യാസിസീഷ്ഠാഃ । യജി॑ഷ്ഠോ॒ വഹ്നി॑തമഃ॒ ശോശു॑ചാനോ॒ വിശ്വാ॒ ദ്വേഷാഗ്​മ്॑സി॒ പ്രമു॑മുഗ്ധ്യ॒സ്മത് ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । നം ഓമ് । ആഗ്നേയദിഗ്ഭാഗേ നേത്രയോസ്ഥാനേ അഗ്നയേ നമഃ ॥ 2 ॥ (തൈ.സം.2-5-12-72)

ഓം ഭൂര്ഭുവ॒സ്സുവഃ॑ । ഓം മോമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സു॒ഗം നഃ॒ പംഥാ॒മഭ॑യം കൃണോതു । യസ്മി॒ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേനമ॒ഭ്യഷിം॑ചംത ദേ॒വാഃ । തദ॑സ്യ ചി॒ത്രഗ്​മ് ഹ॒വിഷാ॑ യജാമ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । മോം ഓമ് । ദക്ഷിണദിഗ്ഭാഗേ കര്ണയോസ്ഥാനേ യമായ നമഃ ॥ 3 ॥ (തൈ.ബ്രാ.3-1-2-11-23)

ഓം ഭൂര്ഭുവ॒സ്സുവഃ॑ । ഓം ഭമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അസു॑ന്വംത॒ മയ॑ജമാനമിച്ഛസ്തേ॒നസ്യേ॒ത്യാംതസ്ക॑ര॒സ്യാന്വേ॑ഷി । അ॒ന്യമ॒സ്മദി॑ച്ഛ॒ സാ ത॑ ഇ॒ത്യാ നമോ॑ ദേവി നിര്.ഋതേ॒ തുഭ്യ॑മസ്തു ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഭം ഓമ് । നിര്.ഋതിദിഗ്ഭാഗേ മുഖസ്ഥാനേ നിര്.ഋതയേ നമഃ ॥ 4 ॥ (തൈ.സം.4-2-5-21)

ഓം ഭൂര്ഭുവ॒സ്സുവഃ॑ । ഓം ഗമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തത്ത്വാ॑യാമി॒ ബ്രഹ്മ॑ണാ॒ വംദ॑മാന॒സ്തദാ ശാ᳚സ്തേ॒ യജ॑മാനോ ഹ॒വിര്ഭിഃ॑ । അഹേ॑ഡമാനോ വരുണേ॒ഹ ബോ॒ധ്യുരു॑ശഗ്​മ്സ॒ മാ ന॒ ആയുഃ॒ പ്രമോ॑ഷീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഗം ഓമ് । പശ്ചിമദിഗ്ഭാഗേ ബാഹ്വോസ്ഥാനേ വരുണായ നമഃ ॥ 5 ॥ (തൈ.സം.2-1-11-65)

ഓം ഭൂര്ഭുവ॒സ്സുവഃ॑ । ഓം-വഁമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ആ നോ॑ നി॒യുദ്ഭിഃ॑ ശ॒തിനീ॑ഭിരധ്വ॒രഗ്മ് । സ॑ഹ॒സ്രിണീ॑ഭി॒രുപ॑ യാഹി യ॒ജ്ഞമ് । വായോ॑ അ॒സ്മിന് ഹ॒വിഷി॑ മാദയസ്വ । യൂ॒യം പാ॑ത സ്വ॒സ്തിഭിഃ॒ സദാ॑ നഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । വം ഓമ് । വായവ്യദിഗ്ഭാഗേ നാസികാസ്ഥാനേ വായവേ നമഃ ॥ 6 ॥ (തൈ.ബ്രാ.2-8-1-2)

ഓം ഭൂര്ഭുവ॒സ്സുവഃ॑ । ഓം തേമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വ॒യഗ്​മ് സോ॑മ വ്ര॒തേ തവ॑ । മന॑സ്ത॒നൂഷു॒ബിഭ്ര॑തഃ । പ്ര॒ജാവം॑തോ അശീമഹി । ഇം॒ദ്രാ॒ണീ ദേ॒വീ സു॒ഭഗാ॑ സു॒പത്നീ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । തേം ഓമ് । ഉത്തരദിഗ്ഭാഗേ ജഠരസ്ഥാനേ കുബേരായ നമഃ ॥ 7 ॥ (തൈ.ബ്രാ.2-4-2-7-18)

ഓം ഭൂര്ഭുവ॒സ്സുവഃ॑ । ഓം രുമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തമീശാ᳚നം॒ ജഗ॑തസ്ത॒സ്ഥുഷ॒സ്പതിം᳚ ധിയം ജി॒ന്വമവ॑സേ ഹൂമഹേ വ॒യമ് । പൂ॒ഷാ നോ॒ യഥാ॒ വേദ॑സാ॒മസ॑ദ്വൃ॒ധേ ര॑ക്ഷി॒താ പാ॒യുരദ॑ബ്ധഃ സ്വ॒സ്തയേ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । രും ഓമ് । ഈശാന്യദിഗ്ഭാഗേ നാഭിസ്ഥാനേ ഈശാനായ നമഃ ॥ 8 ॥

ഓം ഭൂര്ഭുവ॒സ്സുവഃ॑ । ഓം ദ്രാമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒സ്മേ രു॒ദ്രാ മേ॒ഹനാ॒ പർവ॑താസോ വൃത്ര॒ഹത്യേ॒ ഭര॑ഹൂതൌ സ॒ജോഷാഃ᳚ । യഃ ശംസ॑തേ സ്തുവ॒തേ ധായി॑ പ॒ജ്ര ഇംദ്ര॑ജ്യേഷ്ഠാ അ॒സ്മാഁ അ॑വംതു ദേ॒വാഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ദ്രാം ഓമ് । ഊര്ധ്വദിഗ്ഭാഗേ മൂര്ധ്നിസ്ഥാനേ ആകാശായ നമഃ ॥ 9 ॥

ഓം ഭൂര്ഭുവ॒സ്സുവഃ॑ । ഓം-യഁമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സ്യോ॒നാ പൃ॑ഥിവി॒ ഭവാ॑നൃക്ഷ॒രാ നി॒വേശ॑നീ । യച്ഛാ॑ നഃ॒ ശര്മ॑ സ॒പ്രഥാഃ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । യം ഓമ് । അധോദിഗ്ഭാഗേ പാദസ്ഥാനേ പൃഥിവ്യൈ നമഃ ॥ 10 ॥ [അപ ഉപസ്പൃശ്യ]

5.4 ഷോഡശാംഗ രൌദ്രീകരണം ഓം ഭൂര്ഭുവ॒സ്സുവഃ॑ । ഓം അമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വി॒ഭൂര॑സി പ്ര॒വാഹ॑ണോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । അം ഓമ് । ശിഖാസ്ഥാനേ രുദ്രായ നമഃ ॥ 1 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ആമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വഹ്നി॑രസി ഹവ്യ॒വാഹ॑നോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ആം ഓമ് । ശിരസ്ഥാനേ രുദ്രായ നമഃ ॥ 2 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഇമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ശ്വാ॒ത്രോ॑സി॒ പ്രചേ॑താ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഇം ഓമ് । മൂര്ധ്നിസ്ഥാനേ രുദ്രായ നമഃ ॥ 3 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഈമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തു॒ഥോ॑സി വി॒ശ്വവേ॑ദാ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഈം ഓമ് । ലലാടസ്ഥാനേ രുദ്രായ നമഃ ॥ 4 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഉമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഉ॒ശിഗ॑സിക॒വീ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഉം ഓമ് । നേത്രയോസ്ഥാനേ രുദ്രായ നമഃ ॥ 5 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഊമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അംഘാ॑രിരസി॒ ബംഭാ॑രീ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഊം ഓമ് । കര്ണയോസ്ഥാനേ രുദ്രായ നമഃ ॥ 6 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഋമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒വ॒സ്യുര॑സി॒ ദുവ॑സ്വാ॒ന് രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഋം ഓമ് । മുഖസ്ഥാനേ രുദ്രായ നമഃ ॥ 7 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ൠമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ശും॒ധ്യൂര॑സി മാര്ജാ॒ലീയോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ൠം ഓമ് । കംഠസ്ഥാനേ രുദ്രായ നമഃ ॥ 8 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഌമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സ॒മ്രാഡ॑സി കൃ॒ശാനൂ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഌം ഓമ് । ബാഹ്വോസ്ഥാനേ രുദ്രായ നമഃ ॥ 9 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ൡമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ പ॒രി॒ഷദ്യോ॑സി॒ പവ॑മാനോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ൡം ഓമ് । ഹൃദിസ്ഥാനേ രുദ്രായ നമഃ ॥ 10 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഏമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ പ്ര॒തക്വാ॑ഽസി॒ നഭ॑സ്വാ॒ന് രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഏം ഓമ് । നാഭിസ്ഥാനേ രുദ്രായ നമഃ ॥ 11 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഐമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അസം॑മൃഷ്ടോസി ഹവ്യ॒സൂദോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഐം ഓമ് । കടിസ്ഥാനേ രുദ്രായ നമഃ ॥ 12 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഓമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഋ॒തധാ॑മാഽസി॒ സുവ॑ര്ജ്യോതീ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഓം ഓമ് । ഊരുസ്ഥാനേ രുദ്രായ നമഃ ॥ 13 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം ഔമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ബ്രഹ്മ॑ജ്യോതിരസി॒ സുവ॑ര്ധാമാ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । ഔം ഓമ് । ജാനുസ്ഥാനേ രുദ്രായ നമഃ ॥ 14 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം അമ് । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒ജോ᳚ഽസ്യേക॑പാ॒ത് രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । അം ഓമ് । ജംഘാസ്ഥാനേ രുദ്രായ നമഃ ॥ 15 ॥ (തൈ.സം.1-3-3-5)

ഓം ഭൂര്ഭുവ॒സ്സുവഃ॑ । ഓം അഃ । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അഹി॑രസി ബു॒ധ്നിയോ॒ രൌദ്രേ॒ണാനീ॑കേന പാ॒ഹി മാ᳚ഽഗ്നേ പിപൃ॒ഹി മാ॒ മാ മാ॑ ഹിഗ്​മ്സീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശംക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓം നമോ ഭഗവതേ॑ രുദ്രാ॒യ । അഃ ഓമ് । പാദയോഃ സ്ഥാനേ രുദ്രായ നമഃ ॥ 16 ॥ (തൈ.സം.1-3-3-5) [അപ ഉപസ്പൃശ്യ]

ത്വഗസ്ഥിഗതൈഃ സർവപാപൈഃ പ്രമുച്യതേ । സർവഭൂതേഷ്വപരാജിതോ ഭവതി । തതോ ഭൂതപ്രേത പിശാച ബദ്ധ ബ്രഹ്മരാക്ഷസ യക്ഷ യമദൂത ശാകിനീ ഡാകിനീ ഹാകിനീ ശത്രു സര്പ ശ്വാപദ തസ്കര ജ്വരാദ്യുപദ്രവജോപഘാതാഃ സർവേ ജ്വലംതം പശ്യംതു । [കര്തസ്യ വചനമ്] മാം രക്ഷംതു ॥ [പുരോഹിത വചനമ്] യജമാനഗ്​മ് രക്ഷംതു ॥

-----------ഇതി തൃതീയഃ ന്യാസഃ------------ പാദാതി മൂര്ധാംതം പംചാംഗ ന്യാസഃ

6. ആത്മരക്ഷാ

6.1 മനോ ജ്യോതിഃ മനോ॒ ജ്യോതി॑ ര്ജുഷതാ॒-മാജ്യം॒-വിഁച്ഛി॑ന്നം-യഁ॒ജ്ഞഗ്​മ് സമി॒മം ദ॑ധാതു । യാ ഇ॒ഷ്ടാ ഉ॒ഷസോ॑ നി॒മ്രുച॑ശ്ച॒ താസ്സംദ॑ധാമി ഹ॒വിഷാ॑ ഘൃ॒തേന॑ । (ഗുഹ്യായ നമഃ) । 1 (തൈ. സം. 1.5.10.2)

അബോ᳚ദ്ധ്യ॒ഗ്നിഃ സ॒മിധാ॒ ജനാ॑നാം॒ പ്രതി॑ധേ॒നു-മി॑വായ॒തീ മു॒ഷാസ᳚മ് । യ॒ഹ്വാ ഇ॑വ॒ പ്രവ॒യാ-മു॒ജ്ജിഹാ॑നാഃ॒ പ്രഭാ॒നവഃ॑ സിസ്രതേ॒ നാക॒മച്ഛ॑ । (നാഭ്യൈ നമഃ) । 2 (തൈ. സം. 4.4.4.2)

അ॒ഗ്നി ര്മൂ॒ര്ധാ ദി॒വഃ ക॒കുത്പതിഃ॑ പൃഥി॒വ്യാ അ॒യമ് । അ॒പാഗ്​മ് രേതാഗ്​മ്॑സി ജിന്വതി । (ഹൃദയായ നമഃ) । 3 (തൈ. സം. 1.5.5.1)

മൂ॒ര്ധാനം॑ ദി॒വോ അ॑ര॒തിം പൃ॑ഥി॒വ്യാ വൈ᳚ശ്വാന॒ര-മൃ॒തായ॑ ജാ॒തമ॒ഗ്നിമ് । ക॒വിഗ്​മ് സ॒മ്രാജ॒-മതി॑ഥിം॒ ജനാ॑നാ-മാ॒സന്നാ പാത്രം॑ ജനയംത ദേ॒വാഃ । (കംഠായ നമഃ) । 4 (തൈ. സം. 1.4.13.1) മര്മാ॑ണി തേ॒ വര്മ॑ഭിശ്ഛാ-ദയാമി॒ സോമ॑സ്ത്വാ॒ രാജാ॒ഽമൃ॑തേ നാ॒ഭിവ॑സ്താമ് । ഉ॒രോ ർവരീ॑യോ॒ വരി॑വസ്തേ അസ്തു॒ ജ॑യംതം॒ ത്വാ മനു॑മദംതു ദേ॒വാഃ । (മുഖായ നമഃ) । 5 (തൈ. സം. 4.6.4.5)

ജാ॒തവേ॑ദാ॒ യദി॑ വാ പാവ॒കോഽസി॑ । വൈ॒ശ്വാ॒ന॒രോ യദി॑ വാ വൈദ്യു॒തോഽസി॑ । ശം പ്ര॒ജാഭ്യോ॒ യജ॑മാനായ ലോ॒കമ് । ഊര്ജം॒ പുഷ്ടിം॒ ദദ॑ ദ॒ഭ്യാവ॑ വൃഥ്സ്വ ॥ (ശിരസേ നമഃ) ॥ 6 (തൈ. ബ്രാ. 3.10.5.1)

6.2 ആത്മരക്ഷാ (തൈ. ബ്രാ. 2.3.11.1 - തൈ. ബ്രാ. 2.3.11.4) ബ്രഹ്മാ᳚ത്മ॒ന് വദ॑സൃജത । തദ॑കാമയത । സമാ॒ത്മനാ॑ പദ്യേ॒യേതി॑ । ആത്മ॒ന്നാ-ത്മ॒ന്നിത്യാ-മം॑ത്രയത । തസ്മൈ॑ ദശ॒മഗ്​മ് ഹൂ॒തഃ പ്രത്യ॑ശൃണോത് । സ ദശ॑ഹൂതോഽഭവത് । ദശ॑ഹൂതോ ഹ॒വൈ നാമൈ॒ഷഃ । തം-വാഁ ഏ॒തം ദശ॑ഹൂത॒ഗ്​മ്॒ സംത᳚മ് । ദശ॑ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 1

ആത്മ॒ന്നാ-ത്മ॒ന്നിത്യാ-മം॑ത്രയത । തസ്മൈ॑ സപ്ത॒മഗ്​മ് ഹൂ॒തഃ പ്രത്യ॑ശൃണോത് । സ സ॒പ്തഹൂ॑തോഽഭവത് । സ॒പ്തഹൂ॑തോ ഹ॒വൈ നാമൈ॒ഷഃ । തം-വാഁ ഏ॒തഗ്​മ് സ॒പ്തഹൂ॑ത॒ഗ്​മ്॒ സംത᳚മ് । സ॒പ്തഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 2

ആത്മ॒ന്നാ-ത്മ॒ന്നിത്യാ-മം॑ത്രയത । തസ്മൈ॑ ഷ॒ഷ്ഠഗ്​മ് ഹൂ॒തഃ പ്രത്യ॑ശൃണോത് । സ ഷഡ്ഢൂ॑തോഽഭവത് । ഷഡ്ഢൂ॑തോ ഹ॒വൈ നാമൈ॒ഷഃ । തം-വാഁ ഏ॒തഗ്​മ് ഷഡ്ഢൂ॑ത॒ഗ്​മ്॒ സംത᳚മ് । ഷഡ്ഢോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 3

ആത്മ॒ന്നാ-ത്മ॒ന്നിത്യാ-മം॑ത്രയത । തസ്മൈ॑ പംച॒മഗ്​മ് ഹൂ॒തഃ പ്രത്യ॑ശൃണോത് । സ പംച॑ഹൂതോഽഭവത് । പംച॑ഹൂതോ ഹ॒വൈ നാമൈ॒ഷഃ । തം-വാഁ ഏ॒തം പംച॑ഹൂത॒ഗ്​മ്॒ സംത᳚മ് । പംച॑ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 4

ആത്മ॒ന്നാ-ത്മ॒ന്നിത്യാ-മം॑ത്രയത । തസ്മൈ॑ ചതു॒ര്ഥഗ്​മ് ഹൂ॒തഃ പ്രത്യ॑ശൃണോത് । സ ചതു॑ര്​ഹൂതോഽഭവത് । ചതു॑ര്​ഹൂതോ ഹ॒വൈ നാമൈ॒ഷഃ । തം-വാഁ ഏ॒തം ചതു॑ര്​ഹൂത॒ഗ്​മ്॒ സംത᳚മ് । ചതു॑ര്​ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 5

തമ॑ബ്രവീത് । ത്വം-വൈഁ മേ॒ നേദി॑ഷ്ഠഗ്​മ് ഹൂ॒തഃ പ്രത്യ॑ശ്രൌഷീഃ । ത്വയൈ॑ നാനാഖ്യാ॒താര॒ ഇതി॑ । തസ്മാ॒ന്നുഹൈ॑നാ॒ഗ്ഗ്॒-ശ്ച॑തു ര്​ഹോതാര॒ ഇത്യാച॑ക്ഷതേ । തസ്മാ᳚ച്ഛുശ്രൂ॒ഷുഃ പു॒ത്രാണാ॒ഗ്​മ്॒ ഹൃദ്യ॑തമഃ । നേദി॑ഷ്ഠോ॒ ഹൃദ്യ॑തമഃ । നേദി॑ഷ്ഠോ॒ ബ്രഹ്മ॑ണോ ഭവതി । യ ഏ॒വം-വേഁദ॑ ॥ 6 (ആത്മനേ॒ നമഃ॑)

------------ഇതി ചതുര്ഥ ന്യാസഃ------------ ഗുഹ്യാദി മസ്തകാംത ഷഡംഗന്യാസഃ ചതുര്ഥഃ

7. ശിവസംകല്പാഃ (ഋഗ് വേദ ഖില കാംഡം 4.11 9.1)

യേനേ॒ദം ഭൂ॒തം ഭുവ॑നം ഭവി॒ഷ്യത് പരി॑ഗൃഹീത-മ॒മൃതേ॑ന॒ സർവ᳚മ് । യേന॑ യ॒ജ്ഞസ്താ॑യതേ (യ॒ജ്ഞസ്ത്രാ॑യതേ) സ॒പ്തഹോ॑താ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 1

യേന॒ കര്മാ॑ണി പ്ര॒ചരം॑തി॒ ധീരാ॒ യതോ॑ വാ॒ചാ മന॑സാ॒ ചാരു॒യംതി॑ । യഥ് സ॒മ്മിത॒മനു॑ സം॒​യംഁതി॑ പ്രാ॒ണിന॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 2

യേന॒ കര്മാ᳚ണ്യ॒പസോ॑ മനീ॒ഷിണോ॑ യ॒ജ്ഞേ കൃ॑ണ്വംതി വി॒ദഥേ॑ഷു॒ ധീരാഃ᳚ । യദ॑പൂ॒ർവം-യഁ॒ക്ഷ്മമം॒തഃ പ്ര॒ജാനാം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 3

യത്പ്ര॒ജ്ഞാന॑-മു॒ത ചേതോ॒ ധൃതി॑ശ്ച॒ യജ്ജ്യോതി॑ രം॒തര॒മൃതം॑ പ്ര॒ജാസു॑ । യസ്മാ॒ന്ന ഋ॒തേ കിംച॒ന കര്മ॑ ക്രി॒യതേ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 4

സു॒ഷാ॒ര॒ഥി-രശ്വാ॑നിവ॒ യന്മ॑നു॒ഷ്യാ᳚ന്നേ നീ॒യതേ॑-ഽഭീ॒ശു॑ഭി ർവാ॒ജിന॑ ഇവ । ഹൃത്പ്ര॑തിഷ്ഠം॒-യഁദ॑ജിരം॒ ജവി॑ഷ്ഠം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 5

യസ്മി॒ന് ഋച॒സ്സാമ॒-യജൂഗ്​മ്॑ഷി॒ യസ്മി॑ന് പ്രതിഷ്ഠി॒താ ര॑ഥ॒നാഭാ॑ വി॒വാരാഃ᳚ । യസ്മിഗ്ഗ്॑ശ്ചി॒ത്തഗ്​മ് സർവ॒മോതം॑ പ്ര॒ജാനാം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 6

യദത്ര॑ ഷ॒ഷ്ഠം ത്രി॒ശതഗ്​മ്॑ സു॒വീരം॑-യഁ॒ജ്ഞസ്യ॑ ഗു॒ഹ്യം നവ॑ നാവ॒മായ്യ᳚മ് । ദശ॒ പംച॑ ത്രി॒ഗ്​മ്॒ശതം॒-യഁത്പരം॑ ച॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 7

യജ്ജാഗ്ര॑തോ ദൂ॒രമു॒ദൈതി॒ ദൈവം॒ തദു॑ സു॒പ്തസ്യ॒ തഥൈ॒വൈതി॑ । ദൂ॒ര॒ഗം॒മം ജ്യോതി॑ഷാം॒ ജ്യോതി॒രേകം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 8

യേനേ॒ദം-വിഁശ്വം॒ ജഗ॑തോ ബ॒ഭൂവ॒ യേ ദേ॒വാപി॑ മഹ॒തോ ജാ॒തവേ॑ദാഃ । തദേ॒വാഗ്നി-സ്തമ॑സോ॒ ജ്യോതി॒രേകം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 9

യേന॒ ദ്യൌഃ പൃ॑ഥി॒വീ ചാം॒തരി॑ക്ഷം ച॒ യേ പർവ॑താഃ പ്ര॒ദിശോ॒ ദിശ॑ശ്ച । യേനേ॒ദം ജഗ॒-ദ്വ്യാപ്തം॑ പ്ര॒ജാനാം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 10

യേ മ॑നോ॒ ഹൃദ॑യം॒-യേഁ ച॑ ദേ॒വാ യേ ദി॒വ്യാ ആപോ॒ യേ സൂര്യ॑രശ്മിഃ । തേ ശ്രോത്രേ॒ ചക്ഷു॑ഷീ സം॒ചരം॑തം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 11

അചിം॑ത്യം॒ ചാ പ്ര॑മേയം॒ ച വ്യ॒ക്താ-വ്യക്ത॑ പരം॒ ച യ॑ത് । സൂക്ഷ്മാ᳚ത് സൂക്ഷ്മത॑രം ജ്ഞേ॒യം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 12

ഏകാ॑ ച ദ॒ശ ശ॒തം ച॑ സ॒ഹസ്രം॑ ചാ॒യുതം॑ ച നി॒യുതം॑ ച പ്ര॒യുതം॒ ചാര്ബു॑ദം ച॒ ന്യ॑ര്ബുദം ച സമു॒ദ്രശ്ച॒ മദ്ധ്യം॒ ചാംത॑ശ്ച പരാ॒ര്ധശ്ച॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 13

യേ പം॑ച॒ പംച॑ ദശ ശ॒തഗ്​മ് സ॒ഹസ്ര॑-മ॒യുത॒-ന്ന്യ॑ര്ബുദം ച । തേ അ॑ഗ്നി-ചി॒ത്യേഷ്ട॑കാ॒സ്തഗ്​മ് ശരീ॑രം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 14

വേദാ॒ഹമേ॒തം പു॑രുഷം മ॒ഹാംത॑-മാദി॒ത്യ-വ॑ര്ണം॒ തമ॑സഃ॒ പര॑സ്താത് । യസ്യ॒ യോനിം॒ പരി॒പശ്യം॑തി॒ ധീരാ॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 15

യസ്യേ॒ദം ധീരാഃ᳚ പു॒നംതി॑ ക॒വയോ᳚ ബ്ര॒ഹ്മാണ॑മേ॒തം ത്വാ॑ വൃണത॒ ഇംദു᳚മ് । സ്ഥാ॒വ॒രം ജംഗ॑മം॒-ദ്യൌ॑രാകാ॒ശം തന്മേ॒ മനഃ॑ ശി॒വസം॑ക॒ല്പമ॑സ്തു ॥ 16

പരാ᳚ത് പ॒രത॑രം ചൈ॒വ॒ യ॒ത് പരാ᳚ശ്ചൈവ॒ യത്പ॑രമ് । യ॒ത്പരാ᳚ത് പര॑തോ ജ്ഞേ॒യം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 17

പരാ᳚ത് പരത॑രോ ബ്ര॒ഹ്മാ॒ ത॒ത്പരാ᳚ത് പര॒തോ ഹ॑രിഃ । ത॒ത്പരാ᳚ത് പര॑തോ ഽധീ॒ശ॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 18

യാ വേ॑ദാ॒ദിഷു॑ ഗായ॒ത്രീ॒ സ॒ർവ॒വ്യാപി॑ മഹേ॒ശ്വരീ । ഋഗ് യ॑ജു-സ്സാമാ-ഥർവൈ॒ശ്ച॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 19

യോ വൈ॑ ദേ॒വം മ॑ഹാദേ॒വം॒ പ്ര॒ണവം॑ പര॒മേശ്വ॑രമ് । യഃ സർവേ॑ സർവ॑ വേദൈ॒ശ്ച॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 20

പ്രയ॑തഃ॒ പ്രണ॑വോംകാ॒രം॒ പ്ര॒ണവം॑ പുരു॒ഷോത്ത॑മമ് । ഓകാം॑രം॒ പ്രണ॑വാത്മാ॒നം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 21

യോഽസൌ॑ സ॒ർവേഷു॑ വേദേ॒ഷു॒ പ॒ഠ്യതേ᳚ ഹ്യജ॒ ഈശ്വ॑രഃ । അ॒കായോ॑ നിര്ഗു॑ണോ ഹ്യാ॒ത്മാ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 22

ഗോഭി॒ ര്ജുഷ്ടം॒ ധനേ॑ന॒ ഹ്യായു॑ഷാ ച॒ ബലേ॑ന ച । പ്ര॒ജയാ॑ പ॒ശുഭിഃ॑ പുഷ്കരാ॒ക്ഷം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 23

കൈലാ॑സ॒ ശിഖ॑രേ ര॒മ്യേ॒ ശം॒കര॑സ്യ ശി॒വാല॑യേ । ദേ॒വതാ᳚സ്തത്ര॑ മോദം॒തേ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 24

ത്ര്യ॑ബംകം-യഁജാമഹേ സുഗം॒ധിം പു॑ഷ്ടി॒വര്ധ॑നമ് । ഉ॒ർവാ॒രു॒കമി॑വ॒ ബംധ॑നാന് മൃ॒ത്യോ-ര്മു॑ക്ഷീയ॒ മാഽമൃതാ॒ത് തന്മേ॒ മനഃ॑ ശി॒വസം॑ക॒ല്പമ॑സ്തു ॥ 25 വി॒ശ്വത॑-ശ്ചക്ഷുരു॒ത വി॒ശ്വതോ॑ മുഖോ വി॒ശ്വതോ॑ ഹസ്ത ഉ॒ത വി॒ശ്വത॑സ്പാത് ।

സംബാ॒ഹുഭ്യാം॒-നമ॑തി॒ സംപ॑തത്രൈ॒ ര്ദ്യാവാ॑ പൃഥി॒വീ ജ॒നയ॑ന് ദേ॒വ ഏക॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 26

ച॒തുരോ॑ വേ॒ദാന॑ധീയീ॒ത॒ സ॒ർവ ശാ᳚സ്ത്രമ॒യം-വിഁ ॑ദുഃ । ഇ॒തി॒ഹാ॒സ॒ പു॒രാ॒ണാ॒നാം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 27

മാ നോ॑ മ॒ഹാംത॑മു॒ത മാ നോ॑ അര്ഭ॒കം മാ ന॒ ഉക്ഷം॑തമു॒ത മാ ന॑ ഉക്ഷി॒തമ് । മാ നോ॑ വധീഃ പി॒തരം॒ മോത മാ॒തരം॑ പ്രി॒യാ മാ ന॑സ്ത॒നുവോ॑ രുദ്ര രീരിഷ॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 28

മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാനോ॑ രുദ്ര ഭാമി॒തോവ॑ധീ ര്​ഹ॒വിഷ്മം॑തോ॒ നമ॑സാ വിധേമ തേ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 29

ഋ॒തഗ്​മ് സ॒ത്യം പ॑രം ബ്ര॒ഹ്മ॒ പു॒രുഷം॑ കൃഷ്ണ॒പിംഗ॑ലമ് । ഊ॒ര്ധ്വരേ॑തം-വിഁ ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമ॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 30

ക-ദ്രു॒ദ്രായ॒ പ്രചേ॑തസേ മീ॒ഢുഷ്ട॑മായ॒ തവ്യ॑സേ । വോ॒ചേമ॒ ശംത॑മഗ്​മ് ഹൃ॒ദേ । സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 31

ബ്രഹ്മ॑ജജ്ഞാ॒നം പ്ര॑ഥ॒മം പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒-മസ॑തശ്ച॒ വിവ॒സ്തന്മേ॒ മനഃ॑ ശി॒വസം॑ക॒ല്പമ॑സ്തു ॥ 32

യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ । യ ഈശേ॑ അ॒സ്യ ദ്വി॒പദ॒-ശ്ചതു॑ഷ്പദഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 33

യ ആ᳚ത്മ॒ദാ ബ॑ല॒ദാ യസ്യ॒ വിശ്വ॑ ഉ॒പാസ॑തേ പ്ര॒ശിഷം॒-യഁസ്യ॑ ദേ॒വാഃ । യസ്യ॑ ഛാ॒യാഽമൃതം॒-യഁസ്യ॑ മൃ॒ത്യുഃ കസ്മൈ॑ ദേ॒വായ॑ ഹ॒വിഷാ॑ വിധേമ॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 34

യോ രു॒ദ്രോ അ॒ഗ്നൌ യോ അ॒ഫ്സു യ ഓഷ॑ധീഷു॒ യോ രു॒ദ്രോ വിശ്വാ॒ ഭുവ॑നാഽഽവി॒വേശ॒ തസ്മൈ॑ രു॒ദ്രായ॒ നമോ॑ അസ്തു॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 35

ഗം॒ധ॒ദ്വാ॒രാം ദു॑രാധ॒ര്​ഷാം॒ നി॒ത്യപു॑ഷ്ടാം കരീ॒ഷിണീ᳚മ് । ഈ॒ശ്വരീഗ്​മ്॑ സർവ॑ ഭൂതാ॒നാം॒ താമി॒ഹോപ॑ഹ്വയേ॒ ശ്രിയം॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 36 യ ഇദഗ്​മ്॑ ശിവ॑സംക॒ല്പ॒ഗ്​മ്॒ സ॒ദാ ധ്യാ॑യംതി॒ ബ്രാഹ്മ॑ണാഃ । തേ പ॑രം മോക്ഷം॑ ഗമിഷ്യം॒തി॒ തന്മേ॒ മനഃ॑ ശി॒വസം॑ക॒ല്പമ॑സ്തു ॥ 37

ഓം നമോ ഭഗവതേ॑ രുദ്രാ॒യ ॥ ശിവസംകല്പഗ്​മ് ഹൃദയായ നമഃ॑ ॥

7.2 പുരുഷ സൂക്തം (തൈ. അര. 3.12.1 - തൈ. അര. 3.12.7)

സ॒ഹസ്ര॑ശീര്​ഷാ॒ പുരു॑ഷഃ । സ॒ഹ॒സ്രാ॒ക്ഷഃ സ॒ഹസ്ര॑പാത് । സ ഭൂമിം॑-വിഁ॒ശ്വതോ॑ വൃ॒ത്വാ । അത്യ॑തിഷ്ഠ-ദ്ദശാംഗു॒ലമ് । പുരു॑ഷ ഏ॒വേദഗ്​മ് സർവ᳚മ് । യ-ദ്ഭൂ॒തം-യഁച്ച॒ ഭവ്യ᳚മ് । ഉ॒താമൃ॑ത॒ത്വസ്യേശാ॑നഃ । യദന്നേ॑നാ-തി॒രോഹ॑തി । ഏ॒താവാ॑നസ്യ മഹി॒മാ । അതോ॒ ജ്യായാഗ്ഗ്॑ശ്ച॒ പൂരു॑ഷഃ ॥ 1

പാദോ᳚ഽസ്യ॒ വിശ്വാ॑ ഭൂ॒താനി॑ । ത്രി॒പാദ॑സ്യാ॒-മൃതം॑ ദി॒വി । ത്രി॒പാദൂ॒ര്ധ്വ ഉദൈ॒ത് പുരു॑ഷഃ । പാദോ᳚ ഽസ്യേ॒ഹാഽഽഭ॑വാ॒ത് പുനഃ॑ । തതോ॒ വിഷ്വം॒-വ്യഁ ॑ക്രാമത് । സാ॒ശ॒നാ॒ന॒ശ॒നേ അ॒ഭി ॥ തസ്മാ᳚-ദ്വി॒രാഡ॑ജായത । വി॒രാജോ॒ അധി॒ പൂരു॑ഷഃ । സ ജാ॒തോ അത്യ॑രിച്യത । പ॒ശ്ചാ-ദ്ഭൂമി॒മഥോ॑ പു॒രഃ ॥ 2

യത്പുരു॑ഷേണ ഹ॒വിഷാ᳚ । ദേ॒വാ യ॒ജ്ഞമത॑ന്വത । വ॒സം॒തോ അ॑സ്യാസീ॒ദാജ്യ᳚മ് । ഗ്രീ॒ഷ്മ ഇ॒ദ്ധ്മ ശ്ശ॒രദ്ധ॒വിഃ । സ॒പ്താസ്യാ॑സന് പരി॒ധയഃ॑ । ത്രിഃ സ॒പ്ത സ॒മിധഃ॑ കൃ॒താഃ । ദേ॒വായ-ദ്യ॒ജ്ഞം ത॑ന്വാ॒നാഃ । അബ॑ധ്ന॒ന് പുരു॑ഷം പ॒ശുമ് ॥ തം-യഁ॒ജ്ഞം ബ॒ര്​ഹിഷി॒ പ്രൌക്ഷന്ന്॑ । പുരു॑ഷം ജാ॒തമ॑ഗ്ര॒തഃ ॥ 3

തേന॑ ദേ॒വാ അയ॑ജംത । സാ॒ദ്ധ്യാ ഋഷ॑യശ്ച॒ യേ । തസ്മാ᳚-ദ്യ॒ജ്ഞാത് സ॑ർവ॒ഹുതഃ॑ । സംഭൃ॑തം പൃഷദാ॒ജ്യമ് । പ॒ശൂഗ്ഗ്​സ്താഗ്ഗ്​ശ്ച॑ക്രേ വായ॒വ്യാന്॑ । ആ॒ര॒ണ്യാന് ഗ്രാ॒മ്യാശ്ച॒ യേ । തസ്മാ᳚-ദ്യ॒ജ്ഞാത് സ॑ർവ॒ഹുതഃ॑ । ഋചഃ॒ സാമാ॑നി ജജ്ഞിരേ । ഛംദാഗ്​മ്॑സി ജജ്ഞിരേ॒ തസ്മാ᳚ത് । യജു॒സ്തസ്മാ॑-ദജായത ॥ 4

തസ്മാ॒ദശ്വാ॑ അജായംത । യേ കേ ചോ॑ഭ॒യാദ॑തഃ । ഗാവോ॑ ഹ ജജ്ഞിരേ॒ തസ്മാ᳚ത് । തസ്മാ᳚ജ്ജാ॒താ അ॑ജാ॒വയഃ॑ । യത്പുരു॑ഷം॒-വ്യഁ ॑ദധുഃ । ക॒തി॒ധാ വ്യ॑കല്പയന്ന് । മുഖം॒ കിമ॑സ്യ॒ കൌ ബാ॒ഹൂ । കാവൂ॒രൂ പാദാ॑വുച്യേതേ । ബ്രാ॒ഹ്മ॒ണോ᳚ഽസ്യ॒ മുഖ॑മാസീത് । ബാ॒ഹൂ രാ॑ജ॒ന്യഃ॑ കൃ॒തഃ ॥ 5

ഊ॒രൂ തദ॑സ്യ॒ യ-ദ്വൈശ്യഃ॑ । പ॒ദ്ഭ്യാഗ്​മ് ശൂ॒ദ്രോ അ॑ജായത । ചം॒ദ്രമാ॒ മന॑സോ ജാ॒തഃ । ചക്ഷോഃ॒ സൂര്യോ॑ അജായത । മുഖാ॒-ദിംദ്ര॑ശ്ചാ॒ഗ്നിശ്ച॑ । പ്രാ॒ണാ-ദ്വാ॒യുര॑ജായത । നാഭ്യാ॑ ആസീദം॒തരി॑ക്ഷമ് । ശീ॒ര്​ഷ്ണോ ദ്യൌഃ സമ॑വര്തത । പ॒ദ്ഭ്യാം ഭൂമി॒ ര്ദിശഃ॒ ശ്രോത്രാ᳚ത് । തഥാ॑ ലോ॒കാഗ്​മ് അ॑കല്പയന്ന് ॥ 6

വേദാ॒ഹമേ॒തം പുരു॑ഷം മ॒ഹാംത᳚മ് । ആ॒ദി॒ത്യവ॑ര്ണം॒ തമ॑സ॒സ്തു പാ॒രേ । സർവാ॑ണി രൂ॒പാണി॑ വി॒ചിത്യ॒ ധീരഃ॑ । നാമാ॑നി കൃ॒ത്വാഭി॒വദ॒ന് യദാസ്തേ᳚ । ധാ॒താ പു॒രസ്താ॒-ദ്യമു॑ദാജ॒ഹാര॑ । ശ॒ക്രഃ പ്രവി॒ദ്വാന് പ്ര॒ദിശ॒ശ്ചത॑സ്രഃ । തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പംഥാ॒ അയ॑നായ വിദ്യതേ । യ॒ജ്ഞേന॑ യ॒ജ്ഞമ॑യജംത ദേ॒വാഃ । താനി॒ ധര്മാ॑ണി പ്രഥ॒മാന്യാ॑സന്ന് । തേ ഹ॒ നാകം॑ മഹി॒മാന॑-സ്സചംതേ । യത്ര॒ പൂർവേ॑ സാ॒ദ്ധ്യാഃ സംതി॑ ദേ॒വാഃ ॥ 7

ഓം നമോ ഭഗവതേ॑ രുദ്രാ॒യ ॥ പുരുഷസൂക്തഗ്​മ് ശിരസേ സ്വാഹാ ॥

7.3 ഉത്തര നാരായണം (തൈ. അര. 3.13.1 - തൈ. അര. 3.13.2)

അ॒ദ്ഭ്യഃ സംഭൂ॑തഃ പൃഥി॒വ്യൈ രസാ᳚ച്ച । വി॒ശ്വക॑ര്മണഃ॒ സമ॑വര്ത॒താധി॑ । തസ്യ॒ ത്വഷ്ടാ॑ വി॒ദധ॑-ദ്രൂ॒പമേ॑തി । തത്പുരു॑ഷസ്യ॒ വിശ്വ॒മാജാ॑ന॒മഗ്രേ᳚ । വേദാ॒ഹമേ॒തം പുരു॑ഷം മ॒ഹാംത᳚മ് । ആ॒ദി॒ത്യവ॑ര്ണം॒ തമ॑സഃ॒ പര॑സ്താത് । തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പംഥാ॑ വിദ്യ॒തേഽയ॑നായ । പ്ര॒ജാപ॑തിശ്ചരതി॒ ഗര്ഭേ॑ അം॒തഃ । അ॒ജായ॑മാനോ ബഹു॒ധാ വിജാ॑യതേ । തസ്യ॒ ധീരാഃ॒ പരി॑ജാനംതി॒ യോനി᳚മ് । മരീ॑ചീനാം പ॒ദമി॑ച്ഛംതി വേ॒ധസഃ॑ ॥ 1

യോ ദേ॒വേഭ്യ॒ ആത॑പതി । യോ ദേ॒വാനാം᳚ പു॒രോഹി॑തഃ । പൂർവോ॒ യോ ദേ॒വേഭ്യോ॑ ജാ॒തഃ । നമോ॑ രു॒ചായ॒ ബ്രാഹ്മ॑യേ । രുചം॑ ബ്രാ॒ഹ്മം ജ॒നയം॑തഃ । ദേ॒വാ അഗ്രേ॒ തദ॑ബ്രുവന്ന് । യസ്ത്വൈ॒വം ബ്രാ᳚ഹ്മ॒ണോ വി॒ദ്യാത് । തസ്യ॑ ദേ॒വാ അസ॒ന് വശേ᳚ । ഹ്രീശ്ച॑ തേ ല॒ക്ഷ്മീശ്ച॒ പത്ന്യൌ᳚ । അ॒ഹോ॒രാ॒ത്രേ പാ॒ര്​ശ്വേ । നക്ഷ॑ത്രാണി രൂ॒പമ് । അ॒ശ്വിനൌ॒ വ്യാത്ത᳚മ് । ഇ॒ഷ്ടം മ॑നിഷാണ । അ॒മും മ॑നിഷാണ । സർവം॑ മനിഷാണ ॥ 2

ഓം നമോ ഭഗവതേ॑ രുദ്രാ॒യ ॥ ഉത്തര നാരായണഗ്​മ് ശിഖായൈ വഷട് ॥

7.4 അപ്രതിരഥം (തൈ. സം. 4.6.4.1 - തൈ. സം. 4.6.4.5)

ആ॒ശുഃ ശിശാ॑നോ വൃഷ॒ഭോ ന യു॒ധ്മോ ഘ॑നാഘ॒നഃ ക്ഷോഭ॑ണ-ശ്ചര്​ഷണീ॒നാമ് । സം॒॒ക്രംദ॑നോ-ഽനിമി॒ഷ ഏ॑ക വീ॒രശ്ശ॒തഗ്​മ് സേനാ॑ അജയഥ്സാ॒-കമിംദ്രഃ॑ । സം॒ക്രംദ॑നേനാ നിമി॒ഷേണ॑ ജി॒ഷ്ണുനാ॑ യുത്കാ॒രേണ॑ ദുശ്ച്യവ॒നേന॑ ധൃ॒ഷ്ണുനാ᳚ । തദിംദ്രേ॑ണ ജയത॒ തഥ്സ॑ഹധ്വം॒-യുഁധോ॑ നര॒ ഇഷു॑ ഹസ്തേന॒ വൃഷ്ണാ᳚ । സ ഇഷു॑ഹസ്തൈഃ॒ സ നി॑ഷം॒ഗിഭി॑ ർവ॒ശീ സഗ്ഗ്​സ്ര॑ഷ്ടാ॒ സയുധ॒ ഇംദ്രോ॑ ഗ॒ണേന॑ । സ॒ഗ്​മ്॒സൃ॒ഷ്ട॒-ജിഥ്സോ॑മ॒പാ ബാ॑ഹു ശ॒ര്ധ്യൂ᳚ര്ധ്വ-ധ॑ന്വാ॒ പ്രതി॑ഹിതാ-ഭി॒രസ്താ᳚ । ബൃഹ॑സ്പതേ॒ പരി॑ദീയാ॒ രഥേ॑ന രക്ഷോ॒ഹാഽമിത്രാഗ്​മ്॑ അപ॒ ബാധ॑മാനഃ । 1

പ്ര॒ഭം॒ജന് ഥ്സേനാഃ᳚ പ്രമൃ॒ണോ യു॒ധാ ജയ॑ന്ന॒സ്മാക॑-മേദ്ധ്യവി॒താ രഥാ॑നാമ് । ഗോ॒ത്ര॒ഭിദം॑ ഗോ॒വിദം॒-വഁജ്ര॑ബാഹും॒ ജയം॑ത॒മജ്മ॑ പ്രമൃ॒ണംത॒-മോജ॑സാ । ഇ॒മഗ്​മ് സ॑ജാതാ॒ അനു॑വീര-യധ്വ॒മിംദ്രഗ്​മ്॑ സഖാ॒യോഽനു॒ സര॑ഭധ്വമ് । ബ॒ല॒വി॒ജ്ഞാ॒യ-സ്സ്ഥവി॑രഃ॒ പ്രവീ॑ര॒-സ്സഹ॑സ്വാന് വാ॒ജീ സഹ॑മാന ഉ॒ഗ്രഃ । അ॒ഭിവീ॑രോ അ॒ഭിസ॑ത്വാ സഹോ॒ജാ ജൈത്ര॑മിംദ്ര॒ രഥ॒മാതി॑ഷ്ഠ ഗോ॒വിത് । 2

അ॒ഭി ഗോ॒ത്രാണി॒ സഹ॑സാ॒ ഗാഹ॑മാനോ-ഽദാ॒യോ വീ॒ര ശ്ശ॒ത-മ॑ന്യു॒രിംദ്രഃ॑ । ദു॒ശ്ച്യ॒വ॒നഃ പൃ॑തനാ॒ഷാഡ॑ യു॒ദ്ധ്യോ᳚-ഽസ്മാക॒ഗ്​മ്॒ സേനാ॑ അവതു॒ പ്രയു॒ഥ്സു । ഇംദ്ര॑ ആസാം നേ॒താ ബൃഹ॒സ്പതി॒ ര്ദക്ഷി॑ണാ യ॒ജ്ഞഃ പു॒ര ഏ॑തു॒ സോമഃ॑ । ദേ॒വ॒സേ॒നാനാ॑-മഭിഭം ജതീ॒നാം ജയം॑തീനാം മ॒രുതോ॑ യം॒ത്വഗ്രേ᳚ । ഇംദ്ര॑സ്യ॒ വൃഷ്ണോ॒ വരു॑ണസ്യ॒ രാജ്ഞ॑ ആദി॒ത്യാനാം᳚ മ॒രുതാ॒ഗ്​മ്॒ ശര്ധ॑ ഉ॒ഗ്രമ് ।

മ॒ഹാമ॑നസാം ഭുവനച്യ॒വാനാം॒ ഘോഷോ॑ ദേ॒വാനാം॒ ജയ॑താ॒ മുദ॑സ്ഥാത് । അ॒സ്മാക॒-മിംദ്രഃ॒-സമൃ॑തേഷു-ധ്വ॒ജേ-ഷ്വ॒സ്മാകം॒-യാഁ ഇഷ॑വ॒സ്താ ജ॑യംതു । 3

അ॒സ്മാകം॑-വീഁ॒രാ ഉത്ത॑രേ ഭവംത്വ॒സ്മാനു॑ ദേവാ അവതാ॒ ഹവേ॑ഷു । ഉദ്ധ॑ര്​ഷയ മഘവ॒ന്നാ-യു॑ധാ॒-ന്യുഥ്സത്വ॑നാം മാമ॒കാനാം॒ മഹാഗ്​മ്॑സി । ഉദ്വൃ॑ത്രഹന് വാ॒ജിനാം॒-വാഁജി॑നാ॒-ന്യുദ്രഥാ॑നാം॒ ജയ॑താമേതു॒ ഘോഷഃ॑ । ഉപ॒പ്രേത॒ ജയ॑താ നരഃ സ്ഥി॒രാ വഃ॑ സംതു ബാ॒ഹവഃ॑ । ഇംദ്രോ॑ വഃ॒ ശര്മ॑ യച്ഛത്വനാ-ധൃ॒ഷ്യാ യഥാഽസ॑ഥ । അവ॑സൃഷ്ടാ॒ പരാ॑പത॒ ശര॑വ്യേ॒ ബ്രഹ്മ॑ സഗ്​മ്ശിതാ । ഗച്ഛാ॒മിത്രാ॒ന് പ്രവി॑ശ॒ മൈഷാം॒ കംച॒നോച്ഛി॑ഷഃ । മര്മാ॑ണി തേ॒ വര്മ॑ഭിശ്ഛാ-ദയാമി॒ സോമ॑സ്ത്വാ॒ രാജാ॒ഽമൃതേ॑നാ॒-ഭിവ॑സ്താമ് । ഉ॒രോ ർവരീ॑യോ॒ വരി॑വസ്തേ അസ്തു॒ ജയം॑തം॒ ത്വാമനു॑ മദംതു ദേ॒വാഃ । യത്ര॑ ബാ॒ണാഃ സം॒പതം॑തി കുമാ॒രാ വി॑ശി॒ഖാ ഇ॑വ । ഇംദ്രോ॑ ന॒സ്തത്ര॑ വൃത്ര॒ഹാ വി॑ശ്വാ॒ഹാ ശര്മ॑ യച്ഛതു ॥ 4 ॥

ഓം നമോ ഭഗവതേ॑ രുദ്രാ॒യ ॥ ആശുശ്ശിശാനോ-ഽപ്രതിരഥം കവചായ ഹുമ് ।

7.5 പ്രതി പൂരുഷം (തൈ. സം. 1.8.6.1 - തൈ. സം. 1.8.6.2) (തൈ. ബ്രാ. 1.6.10.1 - തൈ. ബ്രാ. 1.6.10.5)

പ്ര॒തി॒പൂ॒രു॒ഷ മേക॑കപാലാ॒ന് നിർവ॑പ॒ത്യേ-ക॒മതി॑രിക്തം॒-യാഁവം॑തോ ഗൃ॒ഹ്യാഃ᳚ സ്മസ്തേഭ്യഃ॒ കമ॑കരം പശൂ॒നാഗ്​മ് ശര്മാ॑സി॒ ശര്മ॒ യജ॑മാനസ്യ॒ ശര്മ॑ മേ യ॒ച്ഛൈക॑ ഏ॒വ രു॒ദ്രോ ന ദ്വി॒തീയാ॑യ തസ്ഥ ആ॒ഖുസ്തേ॑ രുദ്ര പ॒ശുസ്തം ജു॑ഷസ്വൈ॒ഷ തേ॑ രുദ്ര ഭാ॒ഗഃ സ॒ഹ സ്വസ്രാം-ഽബി॑കയാ॒ തംജു॑ഷസ്വ ഭേഷ॒ജം ഗവേഽശ്വാ॑യ॒ പുരു॑ഷായ ഭേഷ॒ജമഥോ॑ അ॒സ്മഭ്യം॑ ഭേഷ॒ജഗ്​മ് സുഭേ॑ഷജം॒-യഁഥാഽസ॑തി । 1

സു॒ഗം മേ॒ഷായ॑ മേ॒ഷ്യാ॑ അവാ᳚ബം രു॒ദ്രമ॑ദി-മ॒ഹ്യവ॑ ദേ॒വം ത്ര്യ॑ബംകമ് । യഥാ॑ നഃ॒ ശ്രേയ॑സഃ॒ കര॒ദ്യഥാ॑ നോ॒ വസ്യ॑ സഃ॒ കര॒ദ്യഥാ॑ നഃ പശു॒മതഃ॒ കര॒ദ്യഥാ॑ നോ വ്യവസാ॒യയാ᳚ത് । ത്ര്യ॑ബംകം-യഁജാമഹേ സുഗം॒ധിം പു॑ഷ്ടി॒വര്ധ॑നമ് । ഉ॒ർവാ॒രു॒കമി॑വ॒ ബംധ॑നാന് മൃ॒ത്യോ ര്മു॑ക്ഷീയ॒ മാഽമൃതാ᳚ത് । ഏ॒ഷതേ॑ രുദ്ര ഭാ॒ഗ സ്തംജു॑ഷസ്വ॒ തേനാ॑വ॒സേന॑ പ॒രോ മൂജ॑വ॒തോ-ഽതീ॒ഹ്യവ॑തത ധന്വാ॒ പിനാ॑കഹസ്തഃ॒ കൃത്തി॑വാസാഃ ॥ 2

പ്ര॒തി॒പൂ॒രു॒ഷ-മേക॑കപാലാ॒ന് നിർവ॑പതി । ജാ॒താ ഏ॒വ പ്ര॒ജാ രു॒ദ്രാന് നി॒രവ॑ദയതേ । ഏക॒മതി॑രിക്തമ് । ജ॒നി॒ഷ്യമാ॑ണാ ഏ॒വ പ്ര॒ജാ രു॒ദ്രാന് നി॒രവ॑ദയതേ । ഏക॑കപാലാ ഭവംതി । ഏ॒ക॒ധൈവ രു॒ദ്രം നി॒രവ॑ദയതേ । നാഭിഘാ॑രയതി । യദ॑ഭിഘാ॒രയേ᳚ത് । അം॒ത॒ര॒വ॒-ചാ॒രിണഗ്​മ്॑ രു॒ദ്രം കു॑ര്യാത് । ഏ॒കോ॒ല്മു॒കേന॑ യംതി । 3

തദ്ധി രു॒ദ്രസ്യ॑ ഭാഗ॒ധേയ᳚മ് । ഇ॒മാം ദിശം॑-യംഁതി । ഏ॒ഷാ വൈ രു॒ദ്രസ്യ॒ ദിക് । സ്വായാ॑ മേ॒വ ദി॒ശി രു॒ദ്രം നി॒രവ॑ദയതേ । രു॒ദ്രോ വാ അ॑പ॒ശുകാ॑യാ॒ ആഹു॑ത്യൈ॒ നാതി॑ഷ്ഠത । അ॒സൌ തേ॑ പ॒ശുരിതി॒ നിര്ദി॑ശേ॒ദ്യം ദ്വി॒ഷ്യാത് । യമേ॒വ ദ്വേഷ്ടി॑ । തമ॑സ്മൈ പ॒ശും നിര്ദി॑ശതി । യദി॒ ന ദ്വി॒ഷ്യാത് । ആ॒ഖുസ്തേ॑ പ॒ശുരിതി॑ ബ്രൂയാത് । 4

ന ഗ്രാ॒മ്യാന് പ॒ശൂന് ഹി॒നസ്തി॑ । നാര॒ണ്യാന് । ച॒തു॒ഷ്പ॒ഥേ ജു॑ഹോതി । ഏ॒ഷ വാ അ॑ഗ്നീ॒നാം പഡ്ബീ॑ശോ॒ നാമ॑ । അ॒ഗ്നി॒വത്യേ॒വ ജു॑ഹോതി । മ॒ദ്ധ്യ॒മേന॑ പ॒ര്ണേന॑ ജുഹോതി । സ്രുഗ്ഘ്യേ॑ഷാ । അഥോ॒ ഖലു॑ । അം॒ത॒മേനൈ॒വ ഹോ॑ത॒വ്യ᳚മ് । അം॒ത॒ത ഏ॒വ രു॒ദ്രം നി॒രവ॑ദയതേ । 5

ഏഷ॒ തേ॑ രുദ്രഭാ॒ഗഃ സ॒ഹസ്വസ്രാം-ഽബി॑ക॒യേത്യാ॑ഹ । ശ॒രദ്വാ അ॒സ്യാംബി॑കാ॒ സ്വസാ᳚ । തയാ॒ വാ ഏ॒ഷ ഹി॑നസ്തി । യഗ്​മ് ഹി॒നസ്തി॑ । തയൈ॒വൈനഗ്​മ്॑ സ॒ഹ ശ॑മയതി । ഭേ॒ഷ॒ജംഗവ॒ ഇത്യാ॑ഹ । യാവം॑ത ഏ॒വ ഗ്രാ॒മ്യാഃ പ॒ശവഃ॑ । തേഭ്യോ॑ ഭേഷ॒ജം ക॑രോതി । അവാ᳚ബം രു॒ദ്രമ॑ദി മ॒ഹീത്യാ॑ഹ । ആ॒ശിഷ॑മേ॒വൈ-താമാ ശാ᳚സ്തേ । 6

ത്ര്യ॑ബംകം-യഁജാമഹ॒ ഇത്യാ॑ഹ । മൃ॒ത്യോ ര്മു॑ക്ഷീയ॒ മാഽമൃതാ॒-ദിതി॒ വാ വൈ തദാ॑ഹ । ഉത്കി॑രംതി । ഭഗ॑സ്യ ലീഫ്സംതേ । മൂതേ॑ കൃ॒ത്വാ സ॑ജംതി । യഥാ॒ ജനം॑-യഁ॒തേ॑ഽവ॒സം ക॒രോതി॑ । താ॒ദൃഗേ॒വ തത് । ഏ॒ഷ തേ॑ രുദ്രഭാ॒ഗ ഇത്യാ॑ഹ നി॒രവ॑ത്യൈ । അപ്ര॑തീക്ഷ॒-മായം॑തി । അ॒പഃ പരി॑ഷിംചതി । രു॒ദ്രസ്യാം॒ത ര്​ഹി॑ത്യൈ । പ്രവാ ഏ॒തേ᳚ഽസ്മാ-ല്ലോ॒കാ-ച്ച്യ॑വംതേ । യേ ത്ര്യ॑ബംകൈ॒-ശ്ചരം॑തി । ആ॒ദി॒ത്യം ച॒രും പുന॒രേത്യ॒ നിർവ॑പതി । ഇ॒യം-വാഁ അദി॑തിഃ । അ॒സ്യാമേ॒വ പ്രതി॑തിഷ്ഠംതി ॥ 7

ഓം നമോ ഭഗവതേ॑ രുദ്രാ॒യ ॥ പ്രതിപൂരുഷം-വിഁഭാഡിതി നേത്രത്രയാ॑യ വൌ॒ഷട് ॥

7.6 ശത രുദ്രീയം (ത്വമഗ്നേ രുദ്രോഽനുവാകഃ) തൈ. ബ്രാ. 3.11.2.1 - തൈ. ബ്രാ. 3.11.2.4

ത്വമ॑ഗ്നേ രു॒ദ്രോ അസു॑രോ മ॒ഹോ ദി॒വഃ । ത്വഗ്​മ് ശര്ധോ॒ മാരു॑തം പൃ॒ക്ഷ ഈ॑ശിഷേ । ത്വം-വാഁതൈ॑രരു॒ണൈ ര്യാ॑സി ശംഗ॒യഃ । ത്വം പൂ॒ഷാ വി॑ധ॒തഃ പാ॑സി॒ നുത്മനാഃ᳚ । ദേവാ॑ ദേ॒വേഷു॑ ശ്രയദ്ധ്വമ് । പ്രഥ॑മാ ദ്വി॒തീയേ॑ഷു ശ്രയദ്ധ്വമ് । ദ്വിതീ॑യാ-സ്തൃ॒തീയേ॑ഷു ശ്രയദ്ധ്വമ് । തൃതീ॑യാ-ശ്ചതു॒ര്ഥേഷു॑ ശ്രയദ്ധ്വമ് । ച॒തു॒ര്ഥാഃ പം॑ച॒മേഷു॑ ശ്രയദ്ധ്വമ് । പം॒ച॒മാഃ ഷ॒ഷ്ഠേഷു॑ ശ്രയദ്ധ്വമ് । 1

ഷ॒ഷ്ഠാഃ സ॑പ്ത॒മേഷു॑ ശ്രയദ്ധ്വമ് । സ॒പ്ത॒മാ അ॑ഷ്ട॒മേഷു॑ ശ്രയദ്ധ്വമ് । അ॒ഷ്ട॒മാ ന॑വ॒മേഷു॑ ശ്രയദ്ധ്വമ് । ന॒വ॒മാ ദ॑ശ॒മേഷു॑ ശ്രയദ്ധ്വമ് । ദ॒ശ॒മാ ഏ॑കാദ॒ശേഷു॑ ശ്രയദ്ധ്വമ് । ഏ॒ക॒ദ॒ശാ ദ്വാ॑ദ॒ശേഷു॑ ശ്രയദ്ധ്വമ് । ദ്വാ॒ദ॒ശാ-സ്ത്ര॑യോദ॒ശേഷു॑ ശ്രയദ്ധ്വമ് । ത്ര॒യോ॒ദ॒ശാ-ശ്ച॑തു ര്ദേ॒ശേഷു॑ ശ്രയദ്ധ്വമ് । ച॒തു॒ര്ദ॒ശാഃ പം॑ചദ॒ശേഷു॑ ശ്രയദ്ധ്വമ് । പം॒ച॒ദ॒ശാഃ ഷോ॑ഡ॒ശേഷു॑ ശ്രയദ്ധ്വമ് । 2

ഷോ॒ഡ॒ശാഃ സ॑പ്തദ॒ശേഷു॑ ശ്രയദ്ധ്വമ് । സ॒പ്ത॒ദ॒ശാ അ॑ഷ്ടാദ॒ശേഷു॑ ശ്രയദ്ധ്വമ് । അ॒ഷ്ടാ॒ദ॒ശാ ഏ॑കാന്നവി॒ഗ്​മ്॒ശേഷു॑ ശ്രയദ്ധ്വമ് । ഏ॒കാ॒ന്ന॒വി॒ഗ്​മ്॒ശാ വി॒ഗ്​മ്॒ശേഷു॑ ശ്രയദ്ധ്വമ് । വി॒ഗ്​മ്॒ശാ ഏ॑കവി॒ഗ്​മ്॒ശേഷു॑ ശ്രയദ്ധ്വമ് । ഏ॒ക॒വി॒ഗ്​മ്॒ശാ ദ്വാ॑വി॒ഗ്​മ്॒ശേഷു॑ ശ്രയദ്ധ്വമ് । ദ്വാ॒വി॒ഗ്​മ്॒ശാ സ്ത്ര॑യോവി॒ഗ്​മ്॒ശേഷു॑ ശ്രയദ്ധ്വമ് । ത്ര॒യോ॒വി॒ഗ്​മ്॒ശാ ശ്ച॑തുർവി॒ഗ്​മ്॒ശേഷു॑ ശ്രയദ്ധ്വമ് । ച॒തു॒ർവി॒ഗ്​മ്॒ശാഃ പം॑ചവി॒ഗ്​മ്॒ശേഷു॑ ശ്രയദ്ധ്വമ് । പം॒ച॒വി॒ഗ്​മ്॒ശാഃ ഷ॑ഡ്വി॒ഗ്​മ്॒ശേഷു॑ ശ്രയദ്ധ്വമ് । 3

ഷ॒ഡ്വി॒ഗ്​മ്॒ശാ സ്സ॑പ്തവി॒ഗ്​മ്॒ശേഷു॑ ശ്രയദ്ധ്വമ് । സ॒പ്ത॒വി॒ഗ്​മ്॒ശാ അ॑ഷ്ടാവി॒ഗ്​മ്॒ശേഷു॑ ശ്രയദ്ധ്വമ് । അ॒ഷ്ടാ॒വി॒ഗ്​മ്॒ശാ ഏ॑കാന്നത്രി॒ഗ്​മ്॒ശേഷു॑ ശ്രയദ്ധ്വമ് । ഏ॒കാ॒ന്ന॒ത്രി॒ഗ്​മ്॒ശാ സ്ത്രി॒ഗ്​മ്॒ശേഷു॑ ശ്രയദ്ധ്വമ് । ത്രി॒ഗ്​മ്॒ശാ ഏ॑കത്രി॒ഗ്​മ്॒ശേഷു॑ ശ്രയദ്ധ്വമ് । ഏ॒ക॒ത്രി॒ഗ്​മ്॒ശാ ദ്വാ᳚ത്രി॒ഗ്​മ്॒ശേഷു॑ ശ്രയദ്ധ്വമ് । ദ്വാ॒ത്രി॒ഗ്​മ്॒ശാ ത്ര॑യസ്ത്രി॒ഗ്​മ്॒ശേഷു॑ ശ്രയദ്ധ്വമ് । ദേവാ᳚സ്ത്രിരേകാദശാ॒ സ്ത്രിസ്ത്ര॑യസ്ത്രിഗ്​മ്ശാഃ । ഉത്ത॑രേ ഭവത । ഉത്ത॑ര വര്ത്മാന॒ ഉത്ത॑ര സത്വാനഃ । യത്കാ॑മ ഇ॒ദം ജു॒ഹോമി॑ । തന്മേ॒ സമൃ॑ദ്ധ്യതാമ് । വ॒യഗ്ഗ്​സ്യാ॑മ॒ പത॑യോ രയീ॒ണാമ് । ഭൂര്ഭുവ॒സ്വ॑സ്സ്വാഹാ᳚ । 4

ഓം നമോ ഭഗവതേ॑ രുദ്രാ॒യ ॥ ത്വമഗ്നേ ത്വമഗ്നേ ശതരുദ്രീയമിത്യസ്ത്രായ ഫട് ॥

7.7 പംചാംഗ ജപഃ അഥ പംചാംഗജപഃ ॥

സ॒ദ്യോജാ॒തം പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാമ് । ഭ॒വോദ്ഭ॑വായ॒ നമഃ॑ ॥ 1

വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമഃ॒ സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥ 2

അ॒ഘോരേ᳚ഭ്യോഽഥ॒ ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യഃ സർവ॒ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ 3

തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ 4

ഈശാനഃ സർവ॑വിദ്യാ॒നാ॒മീശ്വരഃ സർവ॑ഭൂതാ॒നാം॒ ബ്രഹ്മാധി॑പതി॒ര്ബ്രഹ്മ॒ണോഽധി॑പതി॒ര്ബ്രഹ്മാ॑ ശി॒വോ മേ॑ അസ്തു സദാശി॒വോമ് ॥ 5

7.8 അഷ്ടാംഗ പ്രണാമഃ ഹി॒ര॒ണ്യ॒ഗ॒ര്ഭ-സ്സമ॑വര്ത॒-താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് । സദാ॑ധാര പൃഥി॒വീം ദ്യാമു॒തേമാം കസ്മൈ॑ ദേ॒വായ॑ ഹ॒വിഷാ॑ വിധേമ ॥ ഉരസാ നമഃ ॥ 1 (തൈ. സം. 4.1.8.3)

യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ । യ ഈശേ॑ അ॒സ്യ ദ്വി॒പദ॒-ശ്ചതു॑ഷ്പദഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥ ശിരസാ നമഃ ॥ 2 (തൈ. സം. 4.1.8.4)

ബ്രഹ്മ॑ജജ്ഞാ॒നം പ്ര॑ഥ॒മം പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒മ-സ॑തശ്ച॒ വിവഃ॑ । ( ദൃഷ്യാ നമഃ । 3 (തൈ. സം. 4.2.8.2.)

മ॒ഹീ ദ്യൌഃ പൃ॑ഥി॒വീ ച॑ ന ഇ॒മം-യഁ॒ജ്ഞം മി॑മിക്ഷതാമ് । പി॒പൃ॒താന്നോ॒ ഭരീ॑മഭിഃ । മനസാ നമഃ ॥ 4 (തൈ. സം. 3.3.10.2)

ഉപ॑ശ്വാസയ പൃഥി॒വീ-മു॒ത ദ്യാം പു॑രു॒ത്രാ തേ॑ മനുതാം॒-വിഁഷ്ഠി॑തം॒ ജഗ॑ത് । സ ദും॑ദുഭേ സ॒ജൂരിംദ്രേ॑ണ ദേ॒വൈ-ര്ദൂ॒രാദ്ദവീ॑യോ॒ അപ॑സേധ॒ ശത്രൂന്॑ । വചസാ നമഃ ॥ 5 (തൈ. സം. 4.6.6.6)

അഗ്നേ॒ നയ॑ സു॒പഥാ॑ രാ॒യേ അ॒സ്മാന് വിശ്വാ॑നി ദേവ വ॒യുനാ॑നി വി॒ദ്വാന് । യു॒യോ॒ദ്ധ്യ॑സ്മ-ജ്ജു॑ഹുരാ॒ണ-മേനോ॒ ഭൂയി॑ഷ്ഠാംതേ॒ നമ॑ ഉക്തിം-വിഁധേമ ॥ പധ്ഭ്യാം നമഃ ॥ 6 (തൈ. സം. 1.1.14.3)

യാ തേ॑ അഗ്നേ॒ രുദ്രി॑യാ ത॒നൂസ്തയാ॑ നഃ പാഹി॒ തസ്യാ᳚സ്തേ॒ സ്വാഹാ᳚ । യാ തേ॑ അഗ്നേഽയാശ॒യാ ര॑ജാശ॒യാ ഹ॑രാശ॒യാ ത॒നൂർവര്​ഷി॑ഷ്ഠാ ഗഹ്വരേ॒ഷ്ഠോഗ്രം-വഁചോ॒ അപാ॑വധീം ത്വേ॒ഷം-വഁചോ॒ അപാ॑വധീ॒ഗ്​മ്॒ സ്വാഹാ᳚ ॥ കരാഭ്യാം നമഃ ॥ 7 (തൈ. സം. 1.2.11.2)

ഇ॒മം-യഁ ॑മപ്രസ്ത॒രമാഹി സീദാംഗി॑രോഭിഃ പി॒തൃഭിഃ॑ സം​വിഁദാ॒നഃ । ആത്വാ॒ മംത്രാഃ॑ കവിശ॒സ്താ വ॑ഹംത്വേ॒നാ രാ॑ജന് ഹ॒വിഷാ॑ മാദയസ്വ ॥ കര്ണാഭ്യാം നമഃ ॥ 8 (തൈ. സം. 2.6.12.6)

ഉരസാ ശിരസാ ദൃഷ്ട്യാ മന॑സാ വചസാ ത॒ഥാ । പദ്ഭ്യാം കരാഭ്യാം കര്ണാഭ്യാം പ്രണാമോഽഷ്ടാംഗ॑ ഉച്യതേ ॥

ഉമാമഹേശ്വരാഭ്യാം നമഃ ॥

Browse Related Categories: