Adi Shankaracharya · Traditional devotional text · Source: vignanam.org (Traditional devotional text (public-domain shlokas))
নিরুপমনিত্যনিরংশকেঽপ্যখংডে – ময়ি চিতি সর্ববিকল্পনাদিশূন্য়ে । ঘটযতি জগদীশজীবভেদং – ত্বঘটিতঘটনাপটীযসী মায়া ॥ 1 ॥
শ্রুতিশতনিগমাংতশোধকান- প্যহহ ধনাদিনিদর্শনেন সদ্য়ঃ । কলুষযতি চতুষ্পদাদ্যভিন্না- নঘটিতঘটনাপটীযসী মায়া ॥ 2 ॥
সুখচিদখংডবিবোধমদ্বিতীয়ং – বিযদনলাদিবিনির্মিতে নিয়োজ্য় । ভ্রমযতি ভবসাগরে নিতাংতং – ত্বঘটিতঘটনাপটীযসী মায়া ॥ 3 ॥
অপগতগুণবর্ণজাতিভেদে – সুখচিতি বিপ্রবিডাদ্যহংকৃতিং চ । স্ফুটযতি সুতদারগেহমোহং – ত্বঘটিতঘটনাপটীযসী মায়া ॥ 4 ॥
বিধিহরিহরবিভেদমপ্যখংডে – বত বিরচয়্য় বুধানপি প্রকামম্ । ভ্রমযতি হরিহরভেদভাবা- নঘটিতঘটনাপটীযসী মায়া ॥ 5 ॥
Browse Related Categories:
Offered for worship and study, not as prediction. Non-commercial.