Devi · Traditional devotional text · Source: vignanam.org (Traditional devotional text (public-domain shlokas))
ഉദ്യദ്ഭാനുസഹസ്രകോടിസദൃശാം കേയൂരഹാരോജ്ജ്വലാം ബിംബോഷ്ഠീം സ്മിതദംതപംക്തിരുചിരാം പീതാംബരാലംകൃതാമ് । വിഷ്ണുബ്രഹ്മസുരേംദ്രസേവിതപദാം തത്ത്വസ്വരൂപാം ശിവാം മീനാക്ഷീം പ്രണതോഽസ്മി സംതതമഹം കാരുണ്യവാരാംനിധിമ് ॥ 1 ॥
മുക്താഹാരലസത്കിരീടരുചിരാം പൂര്ണേംദുവക്ത്രപ്രഭാം ശിംജന്നൂപുരകിംകിണീമണിധരാം പദ്മപ്രഭാഭാസുരാമ് । സർവാഭീഷ്ടഫലപ്രദാം ഗിരിസുതാം വാണീരമാസേവിതാം മീനാക്ഷീം പ്രണതോഽസ്മി സംതതമഹം കാരുണ്യവാരാംനിധിമ് ॥ 2 ॥
ശ്രീവിദ്യാം ശിവവാമഭാഗനിലയാം ഹ്രീംകാരമംത്രോജ്ജ്വലാം ശ്രീചക്രാംകിതബിംദുമധ്യവസതിം ശ്രീമത്സഭാനായകീമ് । ശ്രീമത്ഷണ്മുഖവിഘ്നരാജജനനീം ശ്രീമജ്ജഗന്മോഹിനീം മീനാക്ഷീം പ്രണതോഽസ്മി സംതതമഹം കാരുണ്യവാരാംനിധിമ് ॥ 3 ॥
ശ്രീമത്സുംദരനായികാം ഭയഹരാം ജ്ഞാനപ്രദാം നിര്മലാം ശ്യാമാഭാം കമലാസനാര്ചിതപദാം നാരായണസ്യാനുജാമ് । വീണാവേണുമൃദംഗവാദ്യരസികാം നാനാവിധാമംബികാം മീനാക്ഷീം പ്രണതോഽസ്മി സംതതമഹം കാരുണ്യവാരാംനിധിമ് ॥ 4 ॥
നാനായോഗിമുനീംദ്രഹൃത്സുവസതീം നാനാര്ഥസിദ്ധിപ്രദാം നാനാപുഷ്പവിരാജിതാംഘ്രിയുഗളാം നാരായണേനാര്ചിതാമ് । നാദബ്രഹ്മമയീം പരാത്പരതരാം നാനാര്ഥതത്വാത്മികാം മീനാക്ഷീം പ്രണതോഽസ്മി സംതതമഹം കാരുണ്യവാരാംനിധിമ് ॥ 5 ॥
Browse Related Categories:
Offered for worship and study, not as prediction. Non-commercial.