Vishnu · Traditional devotional text · Source: vignanam.org (Traditional devotional text (public-domain shlokas))
యత్సేవనేన పితృమాతృసహోదరాణాం చిత్తం న మోహమహిమా మలినం కరోతి । ఇత్థం సమీక్ష్య తవ భక్తజనాన్మురారే మూకోఽస్మి తేఽంఘ్రికమలం తదతీవ ధన్యమ్ ॥ 1 ॥
యే యే విలగ్నమనసః సుఖమాప్తుకామాః తే తే భవంతి జగదుద్భవమోహశూన్యాః । దృష్ట్వా వినష్టధనధాన్యగృహాన్మురారే మూకోఽస్మి తేఽంఘ్రికమలం తదతీవ ధన్యమ్ ॥ 2 ॥
వస్త్రాణి దిగ్వలయమావసతిః శ్మశానే పాత్రం కపాలమపి ముండవిభూషణాని । రుద్రే ప్రసాదమచలం తవ వీక్ష్య శౌరే మూకోఽస్మి తేఽంఘ్రికమలం తదతీవ ధన్యమ్ ॥ 3 ॥
యత్కీర్తిగాయనపరస్య విధాతృసూనోః కౌపీనమైణమజినం విపులాం విభూతిమ్ । స్వస్యార్థ దిగ్భ్రమణమీక్ష్య తు సార్వకాలం మూకోఽస్మి తేఽంఘ్రికమలం తదతీవ ధన్యమ్ ॥ 4 ॥
యద్వీక్షణే ధృతధియామశనం ఫలాది వాసోఽపి నిర్జినవనే గిరికందరాసు । వాసాంసి వల్కలమయాని విలోక్య చైవం మూకోఽస్మి తేఽంఘ్రికమలం తదతీవ ధన్యమ్ ॥ 5 ॥
స్తోత్రం పాదాంబుజస్యైతచ్ఛ్రీశస్య విజితేంద్రియః । పఠిత్వా తత్పదం యాతి శ్లోకార్థజ్ఞస్తు యో నరః ॥ 6 ॥
ఇతి మురారి పంచరత్నమ్ ।
Browse Related Categories:
Offered for worship and study, not as prediction. Non-commercial.
More devotional texts