Vishnu · Traditional devotional text · Source: vignanam.org (Traditional devotional text (public-domain shlokas))
క్రమేణ సర్గే పరివర్ధమానే కదాపి దివ్యాః సనకాదయస్తే । భవద్విలోకాయ వికుంఠలోకం ప్రపేదిరే మారుతమందిరేశ ॥1॥
మనోజ్ఞనైశ్రేయసకాననాద్యై- రనేకవాపీమణిమందిరైశ్చ । అనోపమం తం భవతో నికేతం మునీశ్వరాః ప్రాపురతీతకక్ష్యాః ॥2॥
Offered for worship and study, not as prediction. Non-commercial.
More devotional texts
భవద్దిద్దృక్షూన్భవనం వివిక్షూన్ ద్వాఃస్థౌ జయస్తాన్ విజయోఽప్యరుంధామ్ । తేషాం చ చిత్తే పదమాప కోపః సర్వం భవత్ప్రేరణయైవ భూమన్ ॥3॥
వైకుంఠలోకానుచితప్రచేష్టౌ కష్టౌ యువాం దైత్యగతిం భజేతమ్ । ఇతి ప్రశప్తౌ భవదాశ్రయౌ తౌ హరిస్మృతిర్నోఽస్త్వితి నేమతుస్తాన్ ॥4॥
తదేతదాజ్ఞాయ భవానవాప్తః సహైవ లక్ష్మ్యా బహిరంబుజాక్ష । ఖగేశ్వరాంసార్పితచారుబాహు- రానందయంస్తానభిరామమూర్త్యా ॥5॥
ప్రసాద్య గీర్భిః స్తువతో మునీంద్రా- ననన్యనాథావథ పార్షదౌ తౌ । సంరంభయోగేన భవైస్త్రిభిర్మా- ముపేతమిత్యాత్తకృపం న్యగాదీః ॥6॥
త్వదీయభృత్యావథ కాశ్యపాత్తౌ సురారివీరావుదితౌ దితౌ ద్వౌ । సంధ్యాసముత్పాదనకష్టచేష్టౌ యమౌ చ లోకస్య యమావివాన్యౌ ॥7॥
హిరణ్యపూర్వః కశిపుః కిలైకః పరో హిరణ్యాక్ష ఇతి ప్రతీతః । ఉభౌ భవన్నాథమశేషలోకం రుషా న్యరుంధాం నిజవాసనాంధౌ ॥8॥
తయోర్హిరణ్యాక్షమహాసురేంద్రో రణాయ ధావన్ననవాప్తవైరీ । భవత్ప్రియాం క్ష్మాం సలిలే నిమజ్య చచార గర్వాద్వినదన్ గదావాన్ ॥9॥
తతో జలేశాత్ సదృశం భవంతం నిశమ్య బభ్రామ గవేషయంస్త్వామ్ । భక్తైకదృశ్యః స కృపానిధే త్వం నిరుంధి రోగాన్ మరుదాలయేశ ॥10।
Browse Related Categories: