Vishnu · Traditional devotional text · Source: vignanam.org (Traditional devotional text (public-domain shlokas))
ক্বচিদথ তপনোপরাগকালে পুরি নিদধত্ কৃতবর্মকামসূনূ । যদুকুলমহিলাবৃতঃ সুতীর্থং সমুপগতোঽসি সমংতপংচকাখ্যম্ ॥1॥
বহুতরজনতাহিতায় তত্র ত্বমপি পুনন্ বিনিমজ্য় তীর্থতোযম্ । দ্বিজগণপরিমুক্তবিত্তরাশিঃ সমমিলথাঃ কুরুপাংডবাদিমিত্রৈঃ ॥2॥
Offered for worship and study, not as prediction. Non-commercial.
More devotional texts
তব খলু দয়িতাজনৈঃ সমেতা দ্রুপদসুতা ত্বয়ি গাঢভক্তিভারা । তদুদিতভবদাহৃতিপ্রকারৈঃ অতিমুমুদে সমমন্যভামিনীভিঃ ॥3॥
তদনু চ ভগবন্ নিরীক্ষ্য় গোপানতিকুতুকাদুপগম্য় মানয়িত্বা। চিরতরবিরহাতুরাংগরেখাঃ পশুপবধূঃ সরসং ত্বমন্বয়াসীঃ ॥4॥
সপদি চ ভবদীক্ষণোত্সবেন প্রমুষিতমানহৃদাং নিতংবিনীনাম্ । অতিরসপরিমুক্তকংচুলীকে পরিচযহৃদ্যতরে কুচে ন্যলৈষীঃ ॥5॥
রিপুজনকলহৈঃ পুনঃ পুনর্মে সমুপগতৈরিযতী বিলংবনাঽভূত্ । ইতি কৃতপরিরংভণেত্বয়ি দ্রাক্ অতিবিবশা খলু রাধিকা নিলিল্য়ে ॥6॥
অপগতবিরহব্যথাস্তদা তা রহসি বিধায় দদাথ তত্ত্ববোধম্ । পরমসুখচিদাত্মকোঽহমাত্মেত্য়ুদযতু বঃ স্ফুটমেব চেতসীতি ॥7॥
সুখরসপরিমিশ্রিতো বিয়োগঃ কিমপি পুরাঽভবদুদ্ধবোপদেশৈঃ । সমভবদমুতঃ পরং তু তাসাং পরমসুখৈক্যময়ী ভবদ্বিচিংতা ॥8॥
মুনিবরনিবহৈস্তবাথ পিত্রা দুরিতশমায় শুভানি পৃচ্ছ্যমানৈঃ । ত্বয়ি সতি কিমিদং শুভাংতরৈঃ রিত্য়ুরুহসিতৈরপি যাজিতস্তদাঽসৌ ॥9॥
সুমহতি যজনে বিতাযমানে প্রমুদিতমিত্রজনে সহৈব গোপাঃ । যদুজনমহিতাস্ত্রিমাসমাত্রং ভবদনুষংগরসং পুরেব ভেজু ঃ ॥10॥
ব্যপগমসময়ে সমেত্য় রাধাং দৃঢমুপগূহ্য় নিরীক্ষ্য় বীতখেদাম্ । প্রমুদিতহৃদয়ঃ পুরং প্রয়াতঃ পবনপুরেশ্বর পাহি মাং গদেভ্য়ঃ ॥11॥
Browse Related Categories: