നവഗ്രഹ പീഡാഹര സ്തോത്രമ്

ഗ്രഹാണാമാദിരാദിത്യോ ലോകരക്ഷണകാരകഃ । വിഷമസ്ഥാനസംഭൂതാം പീഡാം ഹരതു മേ രവിഃ ॥ 1 ॥

രോഹിണീശഃ സുധാമൂര്തിഃ സുധാഗാത്രഃ സുധാശനഃ । വിഷമസ്ഥാനസംഭൂതാം പീഡാം ഹരതു മേ വിധുഃ ॥ 2 ॥

ഭൂമിപുത്രോ മഹാതേജാ ജഗതാം ഭയകൃത് സദാ । വൃഷ്ടികൃദ്വൃഷ്ടിഹര്താ ച പീഡാം ഹരതു മേ കുജഃ ॥ 3 ॥

ഉത്പാതരൂപോ ജഗതാം ചംദ്രപുത്രോ മഹാദ്യുതിഃ । സൂര്യപ്രിയകരോ വിദ്വാന് പീഡാം ഹരതു മേ ബുധഃ ॥ 4 ॥

ദേവമംത്രീ വിശാലാക്ഷഃ സദാ ലോകഹിതേ രതഃ । അനേകശിഷ്യസംപൂര്ണഃ പീഡാം ഹരതു മേ ഗുരുഃ ॥ 5 ॥

ദൈത്യമംത്രീ ഗുരുസ്തേഷാം പ്രാണദശ്ച മഹാമതിഃ । പ്രഭുസ്താരാഗ്രഹാണാം ച പീഡാം ഹരതു മേ ഭൃഗുഃ ॥ 6 ॥

സൂര്യപുത്രോ ദീര്ഘദേഹോ വിശാലാക്ഷഃ ശിവപ്രിയഃ । മംദചാരഃ പ്രസന്നാത്മാ പീഡാം ഹരതു മേ ശനിഃ ॥ 7 ॥

മഹാശിരാ മഹാവക്ത്രോ ദീര്ഘദംഷ്ട്രോ മഹാബലഃ । അതനുശ്ചോര്ധ്വകേശശ്ച പീഡാം ഹരതു മേ ശിഖീ ॥ 8 ॥

അനേകരൂപവര്ണൈശ്ച ശതശോഽഥ സഹസ്രശഃ । ഉത്പാതരൂപോ ജഗതാം പീഡാം ഹരതു മേ തമഃ ॥ 9 ॥