Devi · Traditional devotional text · Source: vignanam.org (Traditional devotional text (public-domain shlokas))
হারনূপুরকিরীটকুংডলবিভূষিতাবযবশোভিনীং কারণেশবরমৌলিকোটিপরিকল্প্যমানপদপীঠিকাম্ । কালকালফণিপাশবাণধনুরংকুশামরুণমেখলাং ফালভূতিলকলোচনাং মনসি ভাবয়ামি পরদেবতাম্ ॥ 1 ॥
গংধসারঘনসারচারুনবনাগবল্লিরসবাসিনীং সাংধ্যরাগমধুরাধরাভরণসুংদরাননশুচিস্মিতাম্ । মংধরাযতবিলোচনামমলবালচংদ্রকৃতশেখরীং ইংদিরারমণসোদরীং মনসি ভাবয়ামি পরদেবতাম্ ॥ 2 ॥
স্মেরচারুমুখমংডলাং বিমলগংডলংবিমণিমংডলাং হারদামপরিশোভমানকুচভারভীরুতনুমধ্যমাম্ । বীরগর্বহরনূপুরাং বিবিধকারণেশবরপীঠিকাং মারবৈরিসহচারিণীং মনসি ভাবয়ামি পরদেবতাম্ ॥ 3 ॥
ভূরিভারধরকুংডলীংদ্রমণিবদ্ধভূবলযপীঠিকাং বারিরাশিমণিমেখলাবলযবহ্নিমংডলশরীরিণীম্ । বারিসারবহকুংডলাং গগনশেখরীং চ পরমাত্মিকাং চারুচংদ্রবিলোচনাং মনসি ভাবয়ামি পরদেবতাম্ ॥ 4 ॥
কুংডলত্রিবিধকোণমংডলবিহারষড্দলসমুল্লস- ত্পুংডরীকমুখভেদিনীং চ প্রচংডভানুভাসমুজ্জ্বলাম্ । মংডলেংদুপরিবাহিতামৃততরংগিণীমরুণরূপিণীং মংডলাংতমণিদীপিকাং মনসি ভাবয়ামি পরদেবতাম্ ॥ 5 ॥
বারণাননময়ূরবাহমুখদাহবারণপয়োধরাং চারণাদিসুরসুংদরীচিকুরশেকরীকৃতপদাংবুজাম্ । কারণাধিপতিপংচকপ্রকৃতিকারণপ্রথমমাতৃকাং বারণাংতমুখপারণাং মনসি ভাবয়ামি পরদেবতাম্ ॥ 6 ॥
পদ্মকাংতিপদপাণিপল্লবপয়োধরাননসরোরুহাং পদ্মরাগমণিমেখলাবলযনীবিশোভিতনিতংবিনীম্ । পদ্মসংভবসদাশিবাংতমযপংচরত্নপদপীঠিকাং পদ্মিনীং প্রণবরূপিণীং মনসি ভাবয়ামি পরদেবতাম্ ॥ 7 ॥
Offered for worship and study, not as prediction. Non-commercial.
আগমপ্রণবপীঠিকামমলবর্ণমংগলশরীরিণীং আগমাবযবশোভিনীমখিলবেদসারকৃতশেখরীম্ । মূলমংত্রমুখমংডলাং মুদিতনাদবিংদুনবয়ৌবনাং মাতৃকাং ত্রিপুরসুংদরীং মনসি ভাবয়ামি পরদেবতাম্ ॥ 8 ॥
কালিকাতিমিরকুংতলাংতঘনভৃংগমংগলবিরাজিনীং চূলিকাশিখরমালিকাবলযমল্লিকাসুরভিসৌরভাম্ । বালিকামধুরগংডমংডলমনোহরাননসরোরুহাং কালিকামখিলনায়িকাং মনসি ভাবয়ামি পরদেবতাম্ ॥ 9 ॥
নিত্যমেব নিযমেন জল্পতাং – ভুক্তিমুক্তিফলদামভীষ্টদাম্ । শংকরেণ রচিতাং সদা জপেন্নামরত্ননবরত্নমালিকাম্ ॥ 10 ॥
Browse Related Categories: