Navagraha · Traditional devotional text · Source: vignanam.org (Traditional devotional text (public-domain shlokas))
śṛṇu nāmāni rāhōścha saiṃhikēyō vidhuntudaḥ । suraśatrustamaśchaiva phaṇī gārgyāyaṇastathā ॥ 1 ॥
surāgurnīlajīmūtasaṅkāśaścha chaturbhujaḥ । khaḍgakhēṭakadhārī cha varadāyakahastakaḥ ॥ 2 ॥
śūlāyudhō mēghavarṇaḥ kṛṣṇadhvajapatākavān । dakṣiṇāśāmukharataḥ tīkṣṇadaṃṣṭradharāya cha ॥ 3 ॥
śūrpākārāsanasthaścha gōmēdābharaṇapriyaḥ । māṣapriyaḥ kaśyaparṣinandanō bhujagēśvaraḥ ॥ 4 ॥
ulkāpātajaniḥ śūlī nidhipaḥ kṛṣṇasarparāṭ । viṣajvalāvṛtāsyō'rdhaśarīrō jādyasampradaḥ ॥ 5 ॥
ravīndubhīkaraśChāyāsvarūpī kaṭhināṅgakaḥ । dviṣachchakrachChēdakō'tha karāḻāsyō bhayaṅkaraḥ ॥ 6 ॥
krūrakarmā tamōrūpaḥ śyāmātmā nīlalōhitaḥ । kirīṭī nīlavasanaḥ śanisāmantavartmagaḥ ॥ 7 ॥
chāṇḍālavarṇō'thāśvyarkṣabhavō mēṣabhavastathā । śanivatphaladaḥ śūrō'pasavyagatirēva cha ॥ 8 ॥
uparāgakaraḥ sūryahimāṃśuchChavihārakaḥ । nīlapuṣpavihāraścha grahaśrēṣṭhō'ṣṭamagrahaḥ ॥ 9 ॥
Offered for worship and study, not as prediction. Non-commercial.
More devotional texts
kabandhamātradēhaścha yātudhānakulōdbhavaḥ । gōvindavarapātraṃ cha dēvajātipraviṣṭakaḥ ॥ 10 ॥
krūrō ghōraḥ śanērmitraṃ śukramitramagōcharaḥ । mānēgaṅgāsnānadātā svagṛhēprabalāḍhyakaḥ ॥ 11 ॥
sadgṛhē'nyabaladhṛchchaturthē mātṛnāśakaḥ । chandrayuktē tu chaṇḍālajanmasūchaka ēva tu ॥ 12 ॥
janmasiṃhē rājyadātā mahākāyastathaiva cha । janmakartā vidhuripu mattakō jñānadaścha saḥ ॥ 13 ॥
janmakanyārājyadātā janmahānida ēva cha । navamē pitṛhantā cha pañchamē śōkadāyakaḥ ॥ 14 ॥
dyūnē kaḻatrahantā cha saptamē kalahapradaḥ । ṣaṣṭhē tu vittadātā cha chaturthē vairadāyakaḥ ॥ 15 ॥
navamē pāpadātā cha daśamē śōkadāyakaḥ । ādau yaśaḥ pradātā cha antē vairapradāyakaḥ ॥ 16 ॥
kālātmā gōcharāchārō dhanē chāsya kakutpradaḥ । pañchamē dhiṣaṇāśṛṅgadaḥ svarbhānurbalī tathā ॥ 17 ॥
mahāsaukhyapradāyī cha chandravairī cha śāśvataḥ । suraśatruḥ pāpagrahaḥ śāmbhavaḥ pūjyakastathā ॥ 18 ॥
pāṭīrapūraṇaśchātha paiṭhīnasakulōdbhavaḥ । dīrghakṛṣṇō'tanurviṣṇunētrārirdēvadānavau ॥ 19 ॥
bhaktarakṣō rāhumūrtiḥ sarvābhīṣṭaphalapradaḥ । ētadrāhugrahasyōktaṃ nāmnāmaṣṭōttaraṃ śatam ॥ 20 ॥
śraddhayā yō japēnnityaṃ muchyatē sarvasaṅkaṭāt । sarvasampatkarastasya rāhuriṣṭapradāyakaḥ ॥ 21 ॥
iti śrī rāhu aṣṭōttaraśatanāma stōtram ।
Browse Related Categories: