ശരഭേശാഷ്ടകമ്

ശ്രീ ശിവ ഉവാച

ശൃണു ദേവി മഹാഗുഹ്യം പരം പുണ്യവിവര്ധനം . ശരഭേശാഷ്ടകം മംത്രം വക്ഷ്യാമി തവ തത്ത്വതഃ ॥

ഋഷിന്യാസാദികം യത്തത്സർവപൂർവവദാചരേത് . ധ്യാനഭേദം വിശേഷേണ വക്ഷ്യാമ്യഹമതഃ ശിവേ ॥

ധ്യാനം

ജ്വലനകുടിലകേശം സൂര്യചംദ്രാഗ്നിനേത്രം നിശിതതരനഖാഗ്രോദ്ധൂതഹേമാഭദേഹമ് । ശരഭമഥ മുനീംദ്രൈഃ സേവ്യമാനം സിതാംഗം പ്രണതഭയവിനാശം ഭാവയേത്പക്ഷിരാജമ് ॥

അഥ സ്തോത്രം

ദേവാദിദേവായ ജഗന്മയായ ശിവായ നാലീകനിഭാനനായ । ശർവായ ഭീമായ ശരാധിപായ നമോഽസ്തു തുഭ്യം ശരഭേശ്വരായ ॥ 1 ॥

ഹരായ ഭീമായ ഹരിപ്രിയായ ഭവായ ശാംതായ പരാത്പരായ । മൃഡായ രുദ്രായ വിലോചനായ നമോഽസ്തു തുഭ്യം ശരഭേശ്വരായ ॥ 2 ॥

ശീതാംശുചൂഡായ ദിഗംബരായ സൃഷ്ടിസ്ഥിതിധ്വംസനകാരണായ । ജടാകലാപായ ജിതേംദ്രിയായ നമോഽസ്തു തുഭ്യം ശരഭേശ്വരായ ॥ 3 ॥