Devi · Traditional devotional text · Source: vignanam.org (Traditional devotional text (public-domain shlokas))
namastē śāradē dēvi kāśmīrapuravāsini tvāmahaṃ prārthayē nityaṃ vidyādānaṃ cha dēhi mē ॥ 1 ॥
yā śraddhā dhāraṇā mēdhā vāgdēvī vidhivallabhā bhaktajihvāgrasadanā śamādiguṇadāyinī ॥ 2 ॥
namāmi yāminīṃ nāthalēkhālaṅkṛtakuntalām bhavānīṃ bhavasantāpanirvāpaṇasudhānadīm ॥ 3 ॥
bhadrakāḻyai namō nityaṃ sarasvatyai namō namaḥ vēdavēdāṅgavēdāntavidyāsthānēbhya ēva cha ॥ 4 ॥
brahmasvarūpā paramā jyōtirūpā sanātanī sarvavidyādhidēvī yā tasyai vāṇyai namō namaḥ ॥ 5 ॥
yayā vinā jagatsarvaṃ śaśvajjīvanmṛtaṃ bhavēt jñānādhidēvī yā tasyai sarasvatyai namō namaḥ ॥ 6 ॥
yayā vinā jagatsarvaṃ mūkamunmattavatsadā yā dēvī vāgadhiṣṭhātrī tasyai vāṇyai namō namaḥ ॥ 7 ॥
॥ iti śrīmachChaṅkarāchāryavirachitā śāradā prārthana sampūrṇam ॥
Browse Related Categories:
Offered for worship and study, not as prediction. Non-commercial.