Surya Bhagavan · Traditional devotional text · Source: vignanam.org (Traditional devotional text (public-domain shlokas))
ಆದಿತ್ಯಃ ಪ್ರಥಮಂ ನಾಮಂ ದ್ವಿತೀಯಂ ತು ದಿವಾಕರಃ । ತೃತೀಯಂ ಭಾಸ್ಕರಃ ಪ್ರೋಕ್ತಂ ಚತುರ್ಥಂ ತು ಪ್ರಭಾಕರಃ ॥ 1 ॥
ಪಂಚಮಂ ತು ಸಹಸ್ರಾಂಶುಃ ಷಷ್ಠಂ ಚೈವ ತ್ರಿಲೋಚನಃ । ಸಪ್ತಮಂ ಹರಿದಶ್ವಶ್ಚ ಅಷ್ಟಮಂ ತು ವಿಭಾವಸುಃ ॥ 2 ॥
Offered for worship and study, not as prediction. Non-commercial.
ನವಮಂ ದಿನಕೃತ್ ಪ್ರೋಕ್ತಂ ದಶಮಂ ದ್ವಾದಶಾತ್ಮಕಃ । ಏಕಾದಶಂ ತ್ರಯೀಮೂರ್ತಿರ್ದ್ವಾದಶಂ ಸೂರ್ಯ ಏವ ಚ ॥ 3 ॥
ದ್ವಾದಶಾದಿತ್ಯನಾಮಾನಿ ಪ್ರಾತಃ ಕಾಲೇ ಪಠೇನ್ನರಃ । ದುಃಸ್ವಪ್ನೋ ನಶ್ಯತೇ ತಸ್ಯ ಸರ್ವದುಃಖಂ ಚ ನಶ್ಯತಿ ॥ 4 ॥
ದದ್ರುಕುಷ್ಠಹರಂ ಚೈವ ದಾರಿದ್ರ್ಯಂ ಹರತೇ ಧ್ರುವಮ್ । ಸರ್ವತೀರ್ಥಕರಂ ಚೈವ ಸರ್ವಕಾಮಫಲಪ್ರದಮ್ ॥ 5 ॥
ಯಃ ಪಠೇತ್ ಪ್ರಾತರುತ್ಥಾಯ ಭಕ್ತ್ಯಾ ಸ್ತೋತ್ರಮಿದಂ ನರಃ । ಸೌಖ್ಯಮಾಯುಸ್ತಥಾರೋಗ್ಯಂ ಲಭತೇ ಮೋಕ್ಷಮೇವ ಚ ॥ 6 ॥
ಇತಿ ಶ್ರೀ ಆದಿತ್ಯ ದ್ವಾದಶನಾಮ ಸ್ತೋತ್ರಮ್ ।
Browse Related Categories: