Vishnu · Traditional devotional text · Source: vignanam.org (Traditional devotional text (public-domain shlokas))
অথ অষ্টমস্তোত্রম্
বংদিতাশেষবংদ্য়োরুবৃংদারকং চংদনাচর্চিতোদারপীনাংসকম্ । ইংদিরাচংচলাপাংগনীরাজিতং মংদরোদ্ধারিবৃত্তোদ্ভুজাভোগিনম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 1॥
Offered for worship and study, not as prediction. Non-commercial.
More devotional texts
সৃষ্টিসংহারলীলাবিলাসাততং পুষ্টষাড্গুণ্যসদ্বিগ্রহোল্লাসিনম্ । দুষ্টনিঃশেষসংহারকর্মোদ্যতং হৃষ্টপুষ্টাতিশিষ্ট (অনুশিষ্ট) প্রজাসংশ্রযম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 2॥
উন্নতপ্রার্থিতাশেষসংসাধকং সন্নতালৌকিকানংদদশ্রীপদম্ । ভিন্নকর্মাশযপ্রাণিসংপ্রেরকং তন্ন কিং নেতি বিদ্বত্সু মীমাংসিতম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 3॥
বিপ্রমুখ্য়ৈঃ সদা বেদবাদোন্মুখৈঃ সুপ্রতাপৈঃ ক্ষিতীশেশ্বরৈশ্চার্চ্চিতম্ । অপ্রতর্ক্য়োরুসংবিদ্গুণং নির্মলং সপ্রকাশাজরানংদরূপং পরম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 4॥
অত্যয়ো যস্য় (য়েন) কেনাপি ন ক্বাপি হি প্রত্যয়ো যদ্গুণেষূত্তমানাং পরঃ । সত্যসংকল্প একো বরেণ্য়ো বশী মত্যনূনৈঃ সদা বেদবাদোদিতঃ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 5॥
পশ্যতাং দুঃখসংতাননির্মূলনং দৃশ্যতাং দৃশ্যতামিত্যজেশার্চিতম্ । নশ্যতাং দূরগং সর্বদাপ্য়াঽত্মগং বশ্যতাং স্বেচ্ছয়া সজ্জনেষ্বাগতম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 6॥
অগ্রজং যঃ সসর্জাজমগ্র্য়াকৃতিং বিগ্রহো যস্য় সর্বে গুণা এব হি । উগ্র আদ্য়োঽপি যস্য়াত্মজাগ্র্য়াত্মজঃ সদ্গৃহীতঃ সদা যঃ পরং দৈবতম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 7॥
অচ্য়ুতো যো গুণৈর্নিত্যমেবাখিলৈঃ প্রচ্য়ুতোঽশেষদোষৈঃ সদা পূর্তিতঃ । উচ্যতে সর্ববেদোরুবাদৈরজঃ স্বর্চিতো ব্রহ্মরুদ্রেংদ্রপূর্বৈঃ সদা । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 8॥
ধার্যতে যেন বিশ্বং সদাজাদিকং বার্যতেঽশেষদুঃখং নিজধ্য়ায়িনাম্ । পার্যতে সর্বমন্য়ৈর্নযত্পার্যতে কার্যতে চাখিলং সর্বভূতৈঃ সদা । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 9॥
সর্বপাপানিযত্সংস্মৃতেঃ সংক্ষয়ং সর্বদা যাংতি ভক্ত্য়া বিশুদ্ধাত্মনাম্ । শর্বগুর্বাদিগীর্বাণ সংস্থানদঃ কুর্বতে কর্ম যত্প্রীতয়ে সজ্জনাঃ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 10॥
অক্ষয়ং কর্ম যস্মিন্ পরে স্বর্পিতং প্রক্ষয়ং যাংতি দুঃখানি যন্নামতঃ । অক্ষরো যোঽজরঃ সর্বদৈবামৃতঃ কুক্ষিগং যস্য় বিশ্বং সদাঽজাদিকম্ । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 11॥
নংদিতীর্থোরুসন্নামিনো নংদিনঃ সংদধানাঃ সদানংদদেবে মতিম্ । মংদহাসারুণা পাংগদত্তোন্নতিং বংদিতাশেষদেবাদিবৃংদং সদা । প্রীণয়ামো বাসুদেবং দেবতামংডলাখংডমংডনং প্রীণয়ামো বাসুদেবম্ ॥ 12॥
ইতি শ্রীমদানংদতীর্থভগবত্পাদাচার্য় বিরচিতং দ্বাদশস্তোত্রেষু অষ্টমস্তোত্রং সংপূর্ণম্
Browse Related Categories: