ശ്രീ പംചായുധ സ്തോത്രമ്

സ്ഫുരത്സഹസ്രാരശിഖാതിതീവ്രം സുദര്ശനം ഭാസ്കരകോടിതുല്യമ് । സുരദ്വിഷാം പ്രാണവിനാശി വിഷ്ണോഃ ചക്രം സദാഽഹം ശരണം പ്രപദ്യേ ॥ 1 ॥

വിഷ്ണോര്മുഖോത്ഥാനിലപൂരിതസ്യ യസ്യ ധ്വനിര്ദാനവദര്പഹംതാ । തം പാംചജന്യം ശശികോടിശുഭ്രം ശംഖം സദാഽഹം ശരണം പ്രപദ്യേ ॥ 2 ॥

ഹിരണ്മയീം മേരുസമാനസാരാം കൌമോദകീം ദൈത്യകുലൈകഹംത്രീമ് । വൈകുംഠവാമാഗ്രകരാഗ്രമൃഷ്ടാം ഗദാം സദാഽഹം ശരണം പ്രപദ്യേ ॥ 3 ॥

യജ്ജ്യാനിനാദശ്രവണാത്സുരാണാം ചേതാംസി നിര്മുക്തഭയാനി സദ്യഃ । ഭവംതി ദൈത്യാശനിബാണവര്ഷൈഃ ശാര്ങ്ഗം സദാഽഹം ശരണം പ്രപദ്യേ ॥ 4 ॥

രക്ഷോഽസുരാണാം കഠിനോഗ്രകംഠ- -ച്ഛേദക്ഷരത്‍ക്ഷോണിത ദിഗ്ധസാരമ് । തം നംദകം നാമ ഹരേഃ പ്രദീപ്തം ഖഡ്ഗം സദാഽഹം ശരണം പ്രപദ്യേ ॥ 5 ॥

ഇമം ഹരേഃ പംചമഹായുധാനാം സ്തവം പഠേദ്യോഽനുദിനം പ്രഭാതേ । സമസ്ത ദുഃഖാനി ഭയാനി സദ്യഃ പാപാനി നശ്യംതി സുഖാനി സംതി ॥ 6 ॥

വനേ രണേ ശത്രു ജലാഗ്നിമധ്യേ യദൃച്ഛയാപത്സു മഹാഭയേഷു । പഠേത്വിദം സ്തോത്രമനാകുലാത്മാ സുഖീഭവേത്തത്കൃത സർവരക്ഷഃ ॥ 7 ॥

സചക്രശംഖം സഗദാസിശാര്ങ്ഗം [യച്ചക്രശംഖം ഗദഖഡ്ഗശാരംഗിണം] പീതാംബരം കൌസ്തുഭ-വത്സ-ചിഹ്നമ് । [കൌസ്തുഭ-വത്സ-ലാംഛിതമ്] ശ്രിയാ സമേതോജ്ജ്വല ശോഭിതാംഗം വിഷ്ണും സദാഽഹം ശരണം പ്രപദ്യേ ॥