Sri Krishna · Traditional devotional text · Source: vignanam.org (Traditional devotional text (public-domain shlokas))
ওং শ্রী পরমাত্মনে নমঃ অথ অষ্টমোঽধ্য়ায়ঃ । অক্ষরপরব্রহ্ময়োগঃ
অর্জুন উবাচ
কিং তদ্ব্রহ্ম কিমধ্য়াত্মং কিং কর্ম পুরুষোত্তম । অধিভূতং চ কিং প্রোক্তমধিদৈবং কিমুচ্যতে ॥ 1
অধিযজ্ঞঃ কথং কোঽত্র দেহেঽস্মিন্মধুসূদন । প্রয়াণকালে চ কথং জ্ঞেয়োঽসি নিযতাত্মভিঃ ॥ 2 ॥
শ্রীভগবানুবাচ
অক্ষরং ব্রহ্ম পরমং স্বভাবোঽধ্য়াত্মমুচ্যতে । ভূতভাবোদ্ভবকরো বিসর্গঃ কর্মসংজ্ঞিতঃ ॥ 3
অধিভূতং ক্ষরো ভাবঃ পুরুষশ্চাধিদৈবতম্ । অধিযজ্ঞোঽহমেবাত্র দেহে দেহভৃতাং বর ॥ 4 ॥
অংতকালে চ মামেব স্মরন্মুক্ত্বা কলেবরম্ । যঃ প্রয়াতি স মদ্ভাবং যাতি নাস্ত্যত্র সংশয়ঃ ॥ 5 ॥
যং যং বাপি স্মরন্ভাবং ত্যজত্য়ংতে কলেবরম্ । তং তমেবৈতি কৌংতেয় সদা তদ্ভাবভাবিতঃ ॥ 6 ॥
তস্মাত্সর্বেষু কালেষু মামনুস্মর যুধ্য় চ । ময়্যর্পিতমনোবুদ্ধির্মামেবৈষ্যস্যসংশযম্ ॥ 7 ॥
Offered for worship and study, not as prediction. Non-commercial.
More devotional texts
অভ্য়াসয়োগয়ুক্তেন চেতসা নান্যগামিনা । পরমং পুরুষং দিব্য়ং যাতি পার্থানুচিংতযন্ ॥ 8 ॥
কবিং পুরাণমনুশাসিতারমণোরণীয়ংসমনুস্মরেদ্য়ঃ। সর্বস্য় ধাতারমচিংত্যরূপমাদিত্যবর্ণং তমসঃ পরস্তাত্ ॥ 9 ॥
প্রয়াণকালে মনসাচলেন ভক্ত্য়া যুক্তো যোগবলেন চৈব। ভ্রুবোর্মধ্য়ে প্রাণমাবেশ্য় সম্যক্স তং পরং পুরুষমুপৈতি দিব্যম্ ॥ 10 ॥
যদক্ষরং বেদবিদো বদংতি বিশংতি যদ্যতয়ো বীতরাগাঃ। যদিচ্ছংতো ব্রহ্মচর্য়ং চরংতি তত্তে পদং সংগ্রহেণ প্রবক্ষ্য়ে ॥ 11 ॥
সর্বদ্বারাণি সংযম্য় মনো হৃদি নিরুধ্য় চ । মূর্ধ্ন্য়াধায়াত্মনঃ প্রাণমাস্থিতো যোগধারণাম্ ॥ 12 ॥
ওমিত্য়েকাক্ষরং ব্রহ্ম ব্য়াহরন্মামনুস্মরন্ । যঃ প্রয়াতি ত্যজংদেহং স যাতি পরমাং গতিম্ ॥ 13 ॥
অনন্যচেতাঃ সততং যো মাং স্মরতি নিত্যশঃ । তস্য়াহং সুলভঃ পার্থ নিত্যয়ুক্তস্য় যোগিনঃ ॥ 14 ॥
মামুপেত্য় পুনর্জন্ম দুঃখালযমশাশ্বতম্ । নাপ্নুবংতি মহাত্মানঃ সংসিদ্ধিং পরমাং গতাঃ ॥ 15 ॥
আব্রহ্মভুবনাল্লোকাঃ পুনরাবর্তিনোঽর্জুন । মামুপেত্য় তু কৌংতেয় পুনর্জন্ম ন বিদ্যতে ॥ 16 ॥
সহস্রয়ুগপর্য়ংতমহর্যদ্ব্রহ্মণো বিদুঃ । রাত্রিং যুগসহস্রাংতাং তেঽহোরাত্রবিদো জনাঃ ॥ 17 ॥
অব্যক্তাদ্ব্যক্তয়ঃ সর্বাঃ প্রভবংত্যহরাগমে । রাত্র্য়াগমে প্রলীয়ংতে তত্রৈবাব্যক্তসংজ্ঞকে ॥ 18 ॥
ভূতগ্রামঃ স এবায়ং ভূত্বা ভূত্বা প্রলীযতে । রাত্র্য়াগমেঽবশঃ পার্থ প্রভবত্যহরাগমে ॥ 19 ॥
পরস্তস্মাত্তু ভাবোঽন্য়োঽব্যক্তোঽব্যক্তাত্সনাতনঃ । যঃ স সর্বেষু ভূতেষু নশ্যত্সু ন বিনশ্যতি ॥ 20 ॥
অব্যক্তোঽক্ষর ইত্য়ুক্তস্তমাহুঃ পরমাং গতিম্ । যং প্রাপ্য় ন নিবর্তংতে তদ্ধাম পরমং মম ॥ 21 ॥
পুরুষঃ স পরঃ পার্থ ভক্ত্য়া লভ্যস্ত্বনন্যয়া । যস্য়াংতঃস্থানি ভূতানি যেন সর্বমিদং ততম্ ॥ 22 ॥
যত্র কালে ত্বনাবৃত্তিমাবৃত্তিং চৈব যোগিনঃ । প্রয়াতা যাংতি তং কালং বক্ষ্য়ামি ভরতর্ষভ ॥ 23 ॥
অগ্নির্জোতিরহঃ শুক্লঃ ষণ্মাসা উত্তরাযণম্ । তত্র প্রয়াতা গচ্ছংতি ব্রহ্ম ব্রহ্মবিদো জনাঃ ॥ 24 ॥
ধূমো রাত্রিস্তথা কৃষ্ণঃ ষণ্মাসা দক্ষিণাযনম্ । তত্র চাংদ্রমসং জ্য়োতির্য়োগী প্রাপ্য় নিবর্ততে ॥ 25 ॥
শুক্লকৃষ্ণে গতী হ্য়েতে জগতঃ শাশ্বতে মতে । একয়া যাত্যনাবৃত্তিমন্যয়াবর্ততে পুনঃ ॥ 26 ॥
নৈতে সৃতী পার্থ জানন্য়োগী মুহ্যতি কশ্চন । তস্মাত্সর্বেষু কালেষু যোগয়ুক্তো ভবার্জুন ॥ 27 ॥
বেদেষু যজ্ঞেষু তপঃসু চৈব দানেষু যত্পুণ্যফলং প্রদিষ্টম্। অত্য়েতি তত্সর্বমিদং বিদিত্বায়োগী পরং স্থানমুপৈতি চাদ্যম্ ॥ 28 ॥
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে অক্ষরব্রহ্ময়োগো নামাষ্টমোঽধ্য়ায়ঃ ॥8 ॥
Browse Related Categories: