Subrahmanya Swamy · Traditional devotional text · Source: vignanam.org (Traditional devotional text (public-domain shlokas))
हे स्वामिनाथ करुणाकर दीनबंधो, श्रीपार्वतीशमुखपंकज पद्मबंधो । श्रीशादिदेवगणपूजितपादपद्म, वल्लीसनाथ मम देहि करावलंबम् ॥ 1 ॥
देवादिदेवनुत देवगणाधिनाथ, देवेंद्रवंद्य मृदुपंकजमंजुपाद । देवर्षिनारदमुनींद्रसुगीतकीर्ते, वल्लीसनाथ मम देहि करावलंबम् ॥ 2 ॥
Offered for worship and study, not as prediction. Non-commercial.
More devotional texts
नित्यान्नदान निरताखिल रोगहारिन्, तस्मात्प्रदान परिपूरितभक्तकाम । शृत्यागमप्रणववाच्यनिजस्वरूप, वल्लीसनाथ मम देहि करावलंबम् ॥ 3 ॥
क्रौंचासुरेंद्र परिखंडन शक्तिशूल, पाशादिशस्त्रपरिमंडितदिव्यपाणे । श्रीकुंडलीश धृततुंड शिखींद्रवाह, वल्लीसनाथ मम देहि करावलंबम् ॥ 4 ॥
देवादिदेव रथमंडल मध्य वेद्य, देवेंद्र पीठनगरं दृढचापहस्तम् । शूरं निहत्य सुरकोटिभिरीड्यमान, वल्लीसनाथ मम देहि करावलंबम् ॥ 5 ॥
हारादिरत्नमणियुक्तकिरीटहार, केयूरकुंडललसत्कवचाभिराम । हे वीर तारक जयाऽमरबृंदवंद्य, वल्लीसनाथ मम देहि करावलंबम् ॥ 6 ॥
पंचाक्षरादिमनुमंत्रित गांगतोयैः, पंचामृतैः प्रमुदितेंद्रमुखैर्मुनींद्रैः । पट्टाभिषिक्त हरियुक्त परासनाथ, वल्लीसनाथ मम देहि करावलंबम् ॥ 7 ॥
श्रीकार्तिकेय करुणामृतपूर्णदृष्ट्या, कामादिरोगकलुषीकृतदुष्टचित्तम् । भक्त्वा तु मामवकलाधर कांतिकांत्या, वल्लीसनाथ मम देहि करावलंबम् ॥ 8 ॥
सुब्रह्मण्य करावलंबं पुण्यं ये पठंति द्विजोत्तमाः । ते सर्वे मुक्ति मायांति सुब्रह्मण्य प्रसादतः । सुब्रह्मण्य करावलंबमिदं प्रातरुत्थाय यः पठेत् । कोटिजन्मकृतं पापं तत्क्षणादेव नश्यति ॥
Browse Related Categories: