Navagraha · Traditional devotional text · Source: vignanam.org (Traditional devotional text (public-domain shlokas))
ശുക്രഃ ശുചിഃ ശുഭഗുണഃ ശുഭദഃ ശുഭലക്ഷണഃ । ശോഭനാക്ഷഃ ശുഭ്രരൂപഃ ശുദ്ധസ്ഫടികഭാസ്വരഃ ॥ 1 ॥
ദീനാര്തിഹാരകോ ദൈത്യഗുരുഃ ദേവാഭിവംദിതഃ । കാവ്യാസക്തഃ കാമപാലഃ കവിഃ കള്യാണദായകഃ ॥ 2 ॥
ഭദ്രമൂര്തിര്ഭദ്രഗുണോ ഭാര്ഗവോ ഭക്തപാലനഃ । ഭോഗദോ ഭുവനാധ്യക്ഷോ ഭുക്തിമുക്തിഫലപ്രദഃ ॥ 3 ॥
ചാരുശീലശ്ചാരുരൂപശ്ചാരുചംദ്രനിഭാനനഃ । നിധിര്നിഖിലശാസ്ത്രജ്ഞോ നീതിവിദ്യാധുരംധരഃ ॥ 4 ॥
സർവലക്ഷണസംപന്നഃ സർവാവഗുണവര്ജിതഃ । സമാനാധികനിര്മുക്തഃ സകലാഗമപാരഗഃ ॥ 5 ॥
ഭൃഗുര്ഭോഗകരോ ഭൂമിസുരപാലനതത്പരഃ । മനസ്വീ മാനദോ മാന്യോ മായാതീതോ മഹാശയഃ ॥ 6 ॥
ബലിപ്രസന്നോഽഭയദോ ബലീ ബലപരാക്രമഃ । ഭവപാശപരിത്യാഗോ ബലിബംധവിമോചകഃ ॥ 7 ॥
ഘനാശയോ ഘനാധ്യക്ഷോ കംബുഗ്രീവഃ കളാധരഃ । കാരുണ്യരസസംപൂര്ണഃ കള്യാണഗുണവര്ധനഃ ॥ 8 ॥
ശ്വേതാംബരഃ ശ്വേതവപുശ്ചതുര്ഭുജസമന്വിതഃ । അക്ഷമാലാധരോഽചിംത്യോ അക്ഷീണഗുണഭാസുരഃ ॥ 9 ॥
Offered for worship and study, not as prediction. Non-commercial.
More devotional texts
നക്ഷത്രഗണസംചാരോ നയദോ നീതിമാര്ഗദഃ । വര്ഷപ്രദോ ഹൃഷീകേശഃ ക്ലേശനാശകരഃ കവിഃ ॥ 10 ॥
ചിംതിതാര്ഥപ്രദഃ ശാംതമതിഃ ചിത്തസമാധികൃത് । ആധിവ്യാധിഹരോ ഭൂരിവിക്രമഃ പുണ്യദായകഃ ॥ 11 ॥
പുരാണപുരുഷഃ പൂജ്യഃ പുരുഹൂതാദിസന്നുതഃ । അജേയോ വിജിതാരാതിർവിവിധാഭരണോജ്ജ്വലഃ ॥ 12 ॥
കുംദപുഷ്പപ്രതീകാശോ മംദഹാസോ മഹാമതിഃ । മുക്താഫലസമാനാഭോ മുക്തിദോ മുനിസന്നുതഃ ॥ 13 ॥
രത്നസിംഹാസനാരൂഢോ രഥസ്ഥോ രജതപ്രഭഃ । സൂര്യപ്രാഗ്ദേശസംചാരഃ സുരശത്രുസുഹൃത് കവിഃ ॥ 14 ॥
തുലാവൃഷഭരാശീശോ ദുര്ധരോ ധര്മപാലകഃ । ഭാഗ്യദോ ഭവ്യചാരിത്രോ ഭവപാശവിമോചകഃ ॥ 15 ॥
ഗൌഡദേശേശ്വരോ ഗോപ്താ ഗുണീ ഗുണവിഭൂഷണഃ । ജ്യേഷ്ഠാനക്ഷത്രസംഭൂതോ ജ്യേഷ്ഠഃ ശ്രേഷ്ഠഃ ശുചിസ്മിതഃ ॥ 16 ॥
അപവര്ഗപ്രദോഽനംതഃ സംതാനഫലദായകഃ । സർവൈശ്വര്യപ്രദഃ സർവഗീർവാണഗണസന്നുതഃ ॥ 17 ॥
ഏവം ശുക്രഗ്രഹസ്യൈവ ക്രമാദഷ്ടോത്തരം ശതമ് । സർവപാപപ്രശമനം സർവപുണ്യഫലപ്രദമ് । യഃ പഠേച്ഛൃണുയാദ്വാപി സർവാന് കാമാനവാപ്നുയാത് ॥ 18 ॥
ഇതി ശ്രീ ശുക്ര അഷ്ടോത്തരശതനാമ സ്തോത്രമ് ।
Browse Related Categories: