വേദാംത ഡിംഡിമഃ

dhyēyā'dhvēyē padārthau dvau dvau dhīsamādhyasamādhidau । dhyātavyaṃ brahma naivā'nya diti vēdāntaḍiṇḍimaḥ॥ 10

yōginō bhōginō vā'pi tyāginō rāgiṇō'pi cha । jñānānmōkṣō na sandēha iti vēdāntaḍiṇḍimaḥ ॥ 11

na varṇāśrama saṅkētaiḥ na kōpāsanādibhiḥ। brahmajñānaṃ vinā mōkṣaḥ iti vēdāntaḍiṇḍimaḥ ॥ 12

asatyassarvasaṃsārō rasāmāsādidūṣitaḥ । upēkṣyō brahma vijñēya miti vēdāntaḍiṇḍimaḥ ॥ 13

vṛthā kriyāṃ vṛthā'lāpān vṛthāvādān manōrathān । tyatvaikaṃ brahma vijñēya miti vēdāntaḍiṇḍimaḥ ॥ 14

sthitō brahmātmanā jīvō brahma jīvātmanā sthitam । iti sampaśyatāṃ mukti riti vēdāntaḍiṇḍimaḥ॥ 15

jīvō brahmātmanā jñēyō jñēyaṃ jīvātmanā param । muktista daikyavijñāna miti vēdāntaḍiṇḍimaḥ ॥ 16 sarvātmanā paraṃ brahma śrōturātmatayā sthitam । nā''yāsa stava vijñaptau iti vēdāntaḍiṇḍimaḥ ॥ 17

aihikaṃ chā''mudhmikaṃ cha tāpāntaṃ karmasañchayam । tyatvā brahmaiva vijñēya miti vēdāntaḍiṇḍimaḥ ॥ 18

advaitadvaitavādau dvau sūkṣmasthūladaśāṃ gatau । advaitavādānmōkṣassyā diti vēdāntaḍiṇḍimaḥ ॥19

karmiṇō vinivartantē nivartanta upāsakāḥ। jñāninō na nivartantē iti vēdāntaḍiṇḍimaḥ ॥ 20

parōkṣā'satphalaṃ karmajñānaṃ pratyakṣasatphalam । jñānamēvā'bhyasēttasmāt iti vēdāntaḍiṇḍimaḥ ॥21

vṛthā śramō'yaṃ viduṣā vṛthā'yaṃ-karmiṇāṃ śramaḥ । yadi na brahmavijñānaṃ iti ॥ vēdāntaḍiṇḍimaḥ ॥ 22

alaṃ yāgairalaṃ yōgairalaṃ bhōgai ralaṃ dhanaiḥ । parasminbrahmaṇi jñāta iti vēdāntaḍiṇḍimaḥ ॥23

alaṃ vēdairalaṃ śāstrairalamaṃ smṛtipurāṇakaiḥ । paramātmani vijñātē iti vēdāntaḍiṇḍimaḥ ॥ 24

narchā na yajuṣō'rthō'sti na sānnarthō'ti kaśchana । jātē brahmātmavijñānē iti vēdāntaḍiṇḍimaḥ ॥ 25

karmāṇi chittaśuddhyarthaṃ maikāgryārtha mupāsanam । mōkṣārthaṃ brahmavijñāna miti vēdāntaḍiṇḍimaḥ ॥ 26

sañchitāgāmikarmāṇi dahyantē jñānakarmaṇā । prārabdhānubhavānmōkṣa iti vēdāntaḍiṇḍimaḥ॥ 27

na puṇyakarmaṇā vṛddhiḥ na hāniḥ pāpakarmaṇā । nityāsaṅgātmaniṣṭhānāmiti vēdāntaḍiṇḍimaḥ॥ 28

dṛgdṛśyau dvau padārthau tau parasparavilakṣaṇau । dṛgbrahma dṛśyaṃ māyā syāditi vēdāntaḍiṇḍimaḥ ॥ 29

avidyōpādhikō jīvō māyōpādhika īśvaraḥ । māyā'vidyāguṇātītaḥ iti vēdāntaḍiṇḍimaḥ ॥ 30

buddhipūrvā'buddhipūrvakṛtānāṃ pāpakarmaṇām । prāyaśchittamahōjñāna miti vēdāntaḍiṇḍimaḥ ॥ 31

sākāraṃ cha nirākāraṃ nirguṇaṃ cha guṇātmakam । tattvaṃ tatparamaṃ brahma iti vēdāntaḍiṇḍimaḥ ॥ 32

dvijatvaṃ vidhyanuṣṭhānāt vipratvaṃ vēdapāṭhataḥ । brāhmaṇyaṃ brahmavijñānāt iti vēdāntaḍiṇḍimaḥ ॥ 33

sarvātmanā sthitaṃ brahma sarvaṃ brahmātmanā sthitam । na kāryaṃ kāraṇādbhinna miti vēdāntaḍiṇḍimaḥ ॥ 34

sattāsphuraṇasaukhyāni bhāsantē sarvavastuṣu । tasmādbrahmamayaṃ sarva miti vēdāntaḍiṇḍimaḥ ॥ 35

avasthātritayaṃ yasya krīḍābhūmitayā sthitam । tadēva brahma jānīyāt iti vēdāntaḍiṇḍimaḥ॥ 36

yannā''dau yaścha nā'styantē tanmadhyē bhātamapyasat । atō mithyā jagatsarvamiti vēdāntaḍiṇḍimaḥ ॥ 37

yadastyādau yadastyantē yanmadhyē bhāti tatsvayam । praukamidaṃ satya miti vēdāntaḍiṇḍimaḥ ॥ 38

puruṣārthatrayāviṣṭāḥ puruṣāḥ paśavō dhṛvam । mōkṣārthī puruṣaḥ śrēṣṭhaḥ iti vēdāntaḍiṇḍimaḥ ॥ 39

ghaṭakuḍyādikaṃ sarvaṃ mṛttikāmātramēva cha । tathā brahma jagatsarva miti vēdāntaḍiṇḍimaḥ ॥ 40

ṣaṇṇihatya trayaṃ hitvā dvayaṃ bhisvā'khilāgatim । ēkaṃ buddhā''śrutē mōkṣa miti vēdāntaḍiṇḍimaḥ ॥ 41

bhitvā ṣaṭ pañcha bhittvā'tha bhiśvā'tha chaturakhikam । dvayaṃ hitvā śrayēdēka miti vēdāntaḍiṇḍimaḥ ॥ 42

dēhō nāha mahaṃ dēhī dēhasākṣīti niśchayāt । janmamṛtyupahīṇō'sau iti vēdāntaḍiṇḍimaḥ ॥ 43

prāṇōnāhamahaṃ dēvaḥ prāṇassākṣīti niśchayāt । kṣutpipāsōpaśānti ssyāt iti vēdāntaḍiṇḍimaḥ ॥ 44

manō nā'ha mahaṃ dēvō manassākṣīti niśchayāt । śōkamōhāpahānirasyāt vēdāntaḍiṇḍimaḥ ॥ 45

buddhirnā'hamahaṃ dēvō buddhisākṣīti niśchayāt । kartṛbhāvanirvṛttissyāt iti vēdāntaḍiṇḍimaḥ ॥ 46

nājñānaṃ syāmahaṃ dēvō'jñānasākṣīti niśchayāt । sarvānarthanivṛttisyāt iti vēdāntaḍiṇḍimaḥ ॥ 47

ahaṃ sākṣīti yō vidyāt vivichyaivaṃ puna: punaḥ । sa ēva muktō'sau vidvān iti vēdāntaḍiṇḍimaḥ ॥ 48

nāhaṃ māyā na tatkāryaṃ na sākṣī paramō'smyaham । iti nissaṃśayajñānāt muktirvē vēdāntaḍiṇḍimaḥ ॥ 49

nā'haṃ sarva mahaṃ sarvaṃ mayi sarvamiti sphuṭam । jñātē tatvē kutō duḥkha miti vēdāntaḍiṇḍimaḥ ॥ 50

dēhādipañchakōśasthā yā sattā pratibhāsatē । sā sattāsstmā na sandēha iti vēdāntaḍiṇḍimaḥ ॥ 51

dēhādipañchakōśasthā yā sphūrti ranubhūyatē । sā sphūrtirātmā naivā'nya diti vēdāntaḍiṇḍimaḥ ॥ 52

dēhādipañchakōśasthā yā prītiranubhūyatē । sā prītirātmā kūṭasthaḥ iti vēdāntaḍiṇḍimaḥ ॥ 53

vyōmādipañchabhūtasthā yāsattā bhāsatē nṛṇām । sā sattā paramaṃ brahma iti vēdāntaḍiṇḍimaḥ ॥ 54

vyōmādipañchabhūtasthā yā chidēkā'nubhūyatē । sā chidēva paraṃ brahma iti vēdāntaḍiṇḍimaḥ ॥ 55

vyōmādipañchabhūtasthā yā prītiranubhūyatē । sāprītirēva brahma syāt iti vēdāntaḍiṇḍimaḥ ॥ 56

dēhādikōśagā sattā yā sā vyōmādibhūtagā । mānō'bhāvānna tadbhēdaḥ iti vēdāntaḍiṇḍimaḥ ॥ 57

dēhāvikōśagā sphūrtiryā sā vyōmādibhūtagā । mānō'bhāvā na tadbhēda iti vēdāntaḍiṇḍimaḥ ॥ 58

dēhādikōśagā prītiryā sā vyōmādibhūtagā । mānā'bhāvā nna tadbhēda iti vēdāntaḍiṇḍimaḥ॥ 59

sachchidānandarūpatvāt brahmaivā'tmā na saṃśayaḥ। pramāṇakōṭisaṅghānāt iti vēdāntaḍiṇḍimaḥ॥60

na jīvabrahmaṇōrbhēdaḥ sattārūpēṇa vidyatē। sattābhēdē na mānaṃ syāt iti vēdāntaḍiṇḍimaḥ॥61

na jīvabrahmaṇōrbhēdaḥ sphūrtirūpēṇa vidyatē । sphūrtibhēdē na mānaṃ syāt iti vēdāntaḍiṇḍimaḥ ॥62

na jīvabrahmaṇōrbhēdaḥ priyarūpēṇa vidyatē । priyabhēdē na mānaṃ syāt iti vēdāntaḍiṇḍimaḥ ॥ 63

na jīvabrahmaṇōrbhēdō nānā rūpēṇa vidyatē । nāmnō rūpasya mithyātvāt iti vēdāntaḍiṇḍimaḥ ॥ 64

na jīvabrahmaṇōrbhēdaḥ piṇḍabrahmāṇḍabhēdataḥ । vyaṣṭēssamaṣṭērēkatvāt iti vēdāntaḍiṇḍimaḥ ॥ 65

brahma satyaṃ jaganmithyā jīvō brahmaiva nā¶ḥ । jīvanmuktastu tadvidvān iti vēdāntaḍiṇḍimaḥ ॥ 66

na nāmarūpē niyatē sarvatra vyabhichārataḥ । anāmarūpaṃ sarvaṃ syāt iti vēdāntaḍiṇḍimaḥ ॥ 67

anāmarūpaṃ sakalaṃ sanmayaṃ chinmayaṃ param । kutō bhēdaḥ kutō bandhaḥ iti vēdāntaḍiṇḍimaḥ ॥ 68

na tattvātkathyatē lōkō nāmādyairvyabhichārataḥ। vaṭurjaraṭha ityādyai riti vēdāntaḍiṇḍimaḥ ॥ 69

nāmarūpātmakaṃ viśvamindrajālaṃ vidurbudhāḥ । anāmatvādayuktatvāt iti vēdāntaḍiṇḍimaḥ ॥ 70

abhēdadarśanaṃ mōkṣaḥ saṃsāyē bhēdadarśanam । sarvavēdāntasiddhāntaḥ iti vēdāntaḍiṇḍimaḥ ॥ 71

na matābhinivēśitvāt na bhāṣāvēśamātrataḥ । mukti rvinā''tmavijñānāt iti vēdāntaḍiṇḍimaḥ ॥ 72

na kāsyapratiṣiddhābhiḥ kriyābhi mōkṣavāsanā । īśvarānugrahātsā syāt iti vēdāntaḍiṇḍimaḥ ॥ 73

avijñātē janma naṣṭaṃ vijñātē janma sārthakam । jñāturātmā na dūrē syāt iti vēdāntaḍiṇḍimaḥ ॥ 74

daśamasya parijñānēnā''yāsō'sti yathāḥ tathā । svastha brahmātmavijñānē iti vēdāntaḍiṇḍimaḥ ॥ 75

upēkṣyōpādhikān dōṣān gṛhyantē viṣamā yathā । upēkṣya dṛśyaṃ ya dbrahma iti vēdāntaḍiṇḍimaḥ ॥ 76

sukhamalpaṃ bahuḥ klēśōviṣayamāhiṇāṃ nṛṇām । anantaṃ brahmaniṣṭhānāṃ iti vēdāntaḍiṇḍimaḥ ॥ 77

dhanairvā dhanadaiḥ putraiḥ dārāgārasahōdaraiḥ । dhṛvaṃ prāṇaharairduḥkhaṃ iti vēdāntaḍiṇḍimaḥ॥ 78

suptē rutthāya suptyantyaṃ brahmaikaṃ pravichintyatām । nātidūrē nṛṇāṃ mṛtyuḥ iti vēdāntaḍiṇḍimaḥ ॥ 79

pañchānāmapikōśānāṃ māyā'narthāvyayōchitā । tatsākṣi brahma vijñāna miti vēdāntaḍiṇḍimaḥ ॥ 80

daśamatvaparijñānē nanajñasya yathā sukham । tathā jīvasya satprāptau iti vēdāntaḍiṇḍimaḥ॥ 81

navabhyō'sti paraṃ pratyaknasa vēda paraṃ param । tadvijñānādbhavētturyā mukti rvēdāntaḍiṇḍimaḥ ॥ 82

navā''bhāsānavajñatvāt navōpādhīnnavātmanā । mithyā jñātvā'vaśiṣṭē tu maunaṃ vēdāntaḍiṇḍimaḥ॥ 83

paramē brahmaṇi svasmin pravilāpyā'khilaṃ jagat । gāyanadvatamānandaṃ āstē vēdāntaḍiṇḍimaḥ ॥ 84

pratilōmānulōmābhyāṃ viśvārōpāpavādayōḥ । chintanē śiṣyatē tatvaṃ iti vēdāntaḍiṇḍimaḥ ॥ 85

nāmarūpābhimānasthāt saṃsārasarvadēhinām । sachchidānandadṛṣṭistyāt muktirvēdāntaḍiṇḍimaḥ ॥ 86

sachidānandasatyatvē mithyātvē nāmarūpayōḥ। vijñātē kimidaṃ jñēyaṃ iti vēdāntaḍiṇḍimaḥ ॥ 86

sālambanaṃ nirālambaṃ sarvālambāvalambitam । ālambēnā'khilālamba miti vēdāntaḍiṇḍimaḥ॥ 88

na kuryā nna vijānīyāt sarvaṃ brahmētyanusmaran । yathā sukhaṃ tathā tiṣṭhēt iti vēdāntaḍiṇḍimaḥ॥ 89

svakarmapāśavaśagaḥ prājñō'nyō vā janō dhruvam । prājñassukhaṃ nayētkāla miti vēdāntaḍiṇḍimaḥ॥ 90

na vidvān santapē chittaṃ karaṇākaraṇē dhruvam । sarvamātmēti vijñānāt iti vēdāntaḍiṇḍimaḥ. ॥ 91

naivāssbhāsaṃ spṛśētkarmamithyōpādhimapi svayam । kutō'dhiṣṭhānamatyachChamiti vēdāntaḍiṇḍimaḥ॥ 92

ahō'smāka malaṃ mōhairātmā brahmēti nirbhayam । śrutibhērīravō'dyā'pi śrūyatē śrutirañjanaḥ ॥ 93

vēdāntabhērījhavāraḥ prativādibhayaṅkaraḥ । śrūyatāṃ brāhmaṇaiḥ śrīmaddakṣiṇāmūrtyanugrahāt ॥ 94

iti śrīmatparamahaṃsa parivrājakāchārya śrīmachChaṅkara- bhagavatpūjyapādakṛtiṣu vēdāntaḍiṇḍimaḥ॥

Browse Related Categories: