Sri Krishna · Traditional devotional text · Source: vignanam.org (Traditional devotional text (public-domain shlokas))
॥ নবমঃ সর্গঃ ॥ ॥ মংদমুকুংদঃ ॥
তামথ মন্মথখিন্নাং রতিরসভিন্নাং বিষাদসংপন্নাম্ । অনুচিংতিতহরিচরিতাং কলহাংতরিতমুবাচ সখী ॥ 51 ॥
Offered for worship and study, not as prediction. Non-commercial.
More devotional texts
॥ গীতং 18 ॥
হরিরভিসরতি বহতি মধুপবনে । কিমপরমধিকসুখং সখি ভুবনে ॥ মাধবে মা কুরু মানিনি মানময়ে ॥ 1 ॥
তালফলাদপি গুরুমতিসরসম্ । কিং বিফলীকুরুষে কুচকলশম্ ॥ 2 ॥
কতি ন কথিতমিদমনুপদমচিরম্ । মা পরিহর হরিমতিশযরুচিরম্ ॥ 3 ॥
কিমিতি বিষীদসি রোদিষি বিকলা । বিহসতি যুবতিসভা তব সকলা ॥ 4 ॥
সজলনলিনীদলশীতলশযনে । হরিমবলোক্য় সফলয়্ নযনে ॥ 5 ॥
জনযসি মনসি কিমিতি গুরুখেদম্ । শৃণু মম বচনমনীহিতভেদম্ ॥ 6 ॥
হরিরুপয়াতু বদতু বহুমধুরম্ । কিমিতি করোষি হৃদযমতিবিধুরম্ ॥ 7 ॥
শ্রীজযদেবভণিতমতিললিতম্ । সুখযতু রসিকজনং হরিচরিতম্ ॥ 8 ॥
স্নিগ্ধে যত্পরুষাসি যত্প্রণমতি স্তব্ধাসি যদ্রাগিণি দ্বেষস্থাসি যদুন্মুখে বিমুখতাং যাতাসি তস্মিন্প্রিয়ে । যুক্তং তদ্বিপরীতকারিণি তব শ্রীখংডচর্চা বিষং শীতাংশুস্তপনো হিমং হুতবহঃ ক্রীডামুদো যাতনাঃ ॥ 52 ॥
॥ ইতি গীতগোবিংদে কলহাংতরিতাবর্ণনে মংদমুকুংদো নাম নবমঃ সর্গঃ ॥
Browse Related Categories: