Sri Krishna · Traditional devotional text · Source: vignanam.org (Traditional devotional text (public-domain shlokas))
॥ navamaḥ sargaḥ ॥ ॥ mandamukundaḥ ॥
tāmatha manmathakhinnāṃ ratirasabhinnāṃ viṣādasampannām । anuchintitaharicharitāṃ kalahāntaritamuvācha sakhī ॥ 51 ॥
Offered for worship and study, not as prediction. Non-commercial.
More devotional texts
॥ gītaṃ 18 ॥
harirabhisarati vahati madhupavanē । kimaparamadhikasukhaṃ sakhi bhuvanē ॥ mādhavē mā kuru mānini mānamayē ॥ 1 ॥
tālaphalādapi gurumatisarasam । kiṃ viphalīkuruṣē kuchakalaśam ॥ 2 ॥
kati na kathitamidamanupadamachiram । mā parihara harimatiśayaruchiram ॥ 3 ॥
kimiti viṣīdasi rōdiṣi vikalā । vihasati yuvatisabhā tava sakalā ॥ 4 ॥
sajalanalinīdalaśītalaśayanē । harimavalōkya saphalay nayanē ॥ 5 ॥
janayasi manasi kimiti gurukhēdam । śṛṇu mama vachanamanīhitabhēdam ॥ 6 ॥
harirupayātu vadatu bahumadhuram । kimiti karōṣi hṛdayamatividhuram ॥ 7 ॥
śrījayadēvabhaṇitamatilalitam । sukhayatu rasikajanaṃ haricharitam ॥ 8 ॥
snigdhē yatparuṣāsi yatpraṇamati stabdhāsi yadrāgiṇi dvēṣasthāsi yadunmukhē vimukhatāṃ yātāsi tasminpriyē । yuktaṃ tadviparītakāriṇi tava śrīkhaṇḍacharchā viṣaṃ śītāṃśustapanō himaṃ hutavahaḥ krīḍāmudō yātanāḥ ॥ 52 ॥
॥ iti gītagōvindē kalahāntaritāvarṇanē mandamukundō nāma navamaḥ sargaḥ ॥
Browse Related Categories: