చాణక్య నీతి - నవమోఽధ్యాయః

ముక్తిమిచ్ఛసి చేత్తాత విషయాన్విషవత్త్యజ । క్షమార్జవదయాశౌచం సత్యం పీయూషవత్పిబ ॥ 01 ॥

పరస్పరస్య మర్మాణి యే భాషంతే నరాధమాః । త ఏవ విలయం యాంతి వల్మీకోదరసర్పవత్ ॥ 02 ॥

గంధః సువర్ణే ఫలమిక్షుదండే నాకరి పుష్పం ఖలు చందనస్య । విద్వాంధనాఢ్యశ్చ నృపశ్చిరాయుః ధాతుః పురా కోఽపి న బుద్ధిదోఽభూత్ ॥ 03 ॥

సర్వౌషధీనామమృతా ప్రధానా సర్వేషు సౌఖ్యేష్వశనం ప్రధానమ్ । సర్వేంద్రియాణాం నయనం ప్రధానం సర్వేషు గాత్రేషు శిరః ప్రధానం ॥ 04 ॥

దూతో న సంచరతి ఖే న చలేచ్చ వార్తా పూర్వం న జల్పితమిదం న చ సంగమోఽస్తి । వ్యోమ్ని స్థితం రవిశాశిగ్రహణం ప్రశస్తం జానాతి యో ద్విజవరః స కథం న విద్వాన్ ॥ 05 ॥

విద్యార్థీ సేవకః పాంథః క్షుధార్తో భయకాతరః । భాండారీ ప్రతిహారీ చ సప్త సుప్తాన్ప్రబోధయేత్ ॥ 06 ॥

అహిం నృపం చ శార్దూలం వృద్ధం చ బాలకం తథా । పరశ్వానం చ మూర్ఖం చ సప్త సుప్తాన్న బోధయేత్ ॥ 07 ॥

అర్ధాధీతాశ్చ యైర్వేదాస్తథా శూద్రాన్నభోజనాః । తే ద్విజాః కిం కరిష్యంతి నిర్విషా ఇవ పన్నగాః ॥ 08 ॥