Sri Krishna · Traditional devotional text · Source: vignanam.org (Traditional devotional text (public-domain shlokas))
॥ দ্বাদশঃ সর্গঃ ॥ ॥ সুপ্রীতপীতাংবরঃ ॥
গতবতি সখীবৃংদেঽমংদত্রপাভরনির্ভর-স্মরপরবশাকূতস্ফীতস্মিতস্নপিতাধরম্ । সরসমনসং দৃষ্ট্বা রাধাং মুহুর্নবপল্লব-প্রসবশযনে নিক্ষিপ্তাক্ষীমুবাচ হরঃ ॥ 68 ॥
Offered for worship and study, not as prediction. Non-commercial.
More devotional texts
॥ গীতং 23 ॥
কিসলযশযনতলে কুরু কামিনি চরণনলিনবিনিবেশম্ । তব পদপল্লববৈরিপরাভবমিদমনুভবতু সুবেশম্ ॥ ক্ষণমধুনা নারাযণমনুগতমনুসর রাধিকে ॥ 1 ॥
করকমলেন করোমি চরণমহমাগমিতাসি বিদূরম্ । ক্ষণমুপকুরু শযনোপরি মামিব নূপুরমনুগতিশূরম্ ॥ 2 ॥
বদনসুধানিধিগলিতমমৃতমিব রচয় বচনমনুকূলম্ । বিরহমিবাপনয়ামি পয়োধররোধকমুরসি দুকূলম্ ॥ 3 ॥
প্রিযপরিরংভণরভসবলিতমিব পুলকিতমতিদুরবাপম্ । মদুরসি কুচকলশং বিনিবেশয় শোষয় মনসিজতাপম্ ॥ 4 ॥
অধরসুধারসমুপনয় ভাবিনি জীবয় মৃতমিব দাসম্ । ত্বয়ি বিনিহিতমনসং বিরহানলদগ্ধবপুষমবিলাসম্ ॥ 5 ॥
শশিমুখি মুখরয় মণিরশনাগুণমনুগুণকংঠনিদানম্ । শ্রুতিয়ুগলে পিকরুতবিকলে মম শময় চিরাদবসাদম্ ॥ 6 ॥
মামতিবিফলরুষা বিকলীকৃতমবলোকিতমধুনেদম্ । মীলিতলজ্জিতমিব নযনং তব বিরম বিসৃজ রতিখেদম্ ॥ 7 ॥
শ্রীজযদেবভণিতমিদমনুপদনিগদিতমধুরিপুমোদম্ । জনযতু রসিকজনেষু মনোরমতিরসভাববিনোদম্ ॥ 8 ॥
মারংকে রতিকেলিসংকুলরণারংভে তয়া সাহস-প্রায়ং কাংতজয়ায় কিংচিদুপরি প্রারংভি যত্সংভ্রমাত্ । নিষ্পংদা জঘনস্থলী শিথিলতা দোর্বল্লিরুত্কংপিতং বক্ষো মীলিতমক্ষি পৌরুষরসঃ স্ত্রীণাং কুতঃ সিধ্যতি ॥ 69 ॥
অথ কাংতং রতিক্লাংতমপি মংডনবাংছয়া । নিজগাদ নিরাবাধা রাধা স্বাধীনভর্তৃকা ॥ 70 ॥
॥ গীতং 24 ॥
কুরু যদুনংদন চংদনশিশিরতরেণ করেণ পয়োধরে । মৃগমদপত্রকমত্র মনোভবমংগলকলশসহোদরে । নিজগাদ সা যদুনংদনে ক্রীডতি হৃদয়ানংদনে ॥ 1 ॥
অলিকুলগংজনমংজনকং রতিনাযকসাযকমোচনে । ত্বদধরচুংবনলংবিতকজ্জলমুজ্জ্বলয় প্রিয় লোচনে ॥ 2 ॥
নযনকুরংগতরংগবিকাসনিরাসকরে শ্রুতিমংডলে । মনসিজপাশবিলাসধরে শুভবেশ নিবেশয় কুংডলে ॥ 3 ॥
ভ্রমরচয়ং রচহয়ংতমুপরি রুচিরং সুচিরং মম সংমুখে । জিতকমলে বিমলে পরিকর্ময় নর্মজনকমলকং মুখে ॥ 4 ॥
মৃগমদরসবলিতং ললিতং কুরু তিলকমলিকরজনীকরে । বিহিতকলংককলং কমলানন বিশ্রমিতশ্রমশীকরে ॥ 5 ॥
মম রুচিরে চিকুরে কুরু মানদ মানসজধ্বজচামরে । রতিগলিতে ললিতে কুসুমানি শিখংডিশিখংডকডামরে ॥ 6 ॥
সরসঘনে জঘনে মম শংবরদারণবারণকংদরে । মণিরশনাবসনাভরণানি শুভাশয় বাসয় সুংদরে ॥ 7 ॥
শ্রীজযদেববচসি রুচিরে হৃদয়ং সদয়ং কুরু মংডনে । হরিচরণস্মরণামৃতকৃতকলিকলুষভবজ্বরখংডনে ॥ 8 ॥
রচয় কুচয়োঃ পত্রং চিত্রং কুরুষ্ব কপোলয়ো-র্ঘটয় জঘনে কাংচীমংচ স্রজা কবরীভরম্ । কলয় বলযশ্রেণীং পাণৌ পদে কুরু নূপুরা-বিতি নিগতিতঃ প্রীতঃ পীতাংবরোঽপি তথাকরোত্ ॥ 71 ॥
যদ্গাংধ্গর্বকলাসু কৌশলমনুধ্য়ানং চ যদ্বৈষ্ণবং যচ্ছৃংগারবিবেকতত্বমপি যত্কাব্য়েষু লীলায়িতম্ । তত্সর্বং জযদেবপংডিতকবেঃ কৃষ্ণৈকতানাত্মনঃ সানংদাঃ পরিশোধয়ংতু সুধিয়ঃ শ্রীগীতগোবিংদতঃ ॥ 72 ॥
শ্রীভোজদেবপ্রভবস্য় রামাদেবীসুতশ্রীজযদেবকস্য় । পরাশরাদিপ্রিযবর্গকংঠে শ্রীগীতগোবিংদকবিত্বমস্তু ॥ 73 ॥
॥ ইতি শ্রীজযদেবকৃতৌ গীতগোবিংদে সুপ্রীতপীতাংবরো নাম দ্বাদশঃ সর্গঃ ॥ ॥ ইতি গীতগোবিংদং সমাপ্তম্ ॥
Browse Related Categories: