Shiva · Traditional devotional text · Source: vignanam.org (Traditional devotional text (public-domain shlokas))
മനോ നിവൃത്തിഃ പരമോപശാംതിഃ സാ തീര്ഥവര്യാ മണികര്ണികാ ച ജ്ഞാനപ്രവാഹാ വിമലാദിഗംഗാ സാ കാശികാഹം നിജബോധരൂപാ ॥ 1 ॥
യസ്യാമിദം കല്പിതമിംദ്രജാലം ചരാചരം ഭാതി മനോവിലാസം സച്ചിത്സുഖൈകാ പരമാത്മരൂപാ സാ കാശികാഹം നിജബോധരൂപാ ॥ 2 ॥
കോശേഷു പംചസ്വധിരാജമാനാ ബുദ്ധിര്ഭവാനീ പ്രതിദേഹഗേഹം സാക്ഷീ ശിവഃ സർവഗതോഽംതരാത്മാ സാ കാശികാഹം നിജബോധരൂപാ ॥ 3 ॥
കാശ്യാ ഹി കാശത കാശീ കാശീ സർവപ്രകാശികാ സാ കാശീ വിദിതാ യേന തേന പ്രാപ്താ ഹി കാശികാ ॥ 4 ॥
കാശീക്ഷേത്രം ശരീരം ത്രിഭുവനജനനീ വ്യാപിനീ ജ്ഞാനഗംഗാ ഭക്തി ശ്രദ്ധാ ഗയേയം നിജഗുരുചരണധ്യാനയോഗഃ പ്രയാഗഃ വിശ്വേശോഽയം തുരീയഃ സകലജനമനഃ സാക്ഷിഭൂതോഽംതരാത്മാ ദേഹേ സർവം മദീയേ യദി വസതി പുനസ്തീര്ഥമന്യത്കിമസ്തി ॥ 5 ॥
॥ ഇതി ശ്രീമച്ഛംകരാചാര്യവിരചിതാ കാശീ പംചകം പ്രയാതാഷ്ടകമ് ॥
Browse Related Categories:
Offered for worship and study, not as prediction. Non-commercial.