शिवानंद लहरि

গভীরে কাসারে বিশতি বিজনে ঘোরবিপিনে বিশালে শৈলে চ ভ্রমতি কুসুমার্থং জডমতিঃ । সমর্প্য়ৈকং চেতঃ সরসিজমু-মানাথ ভবতে সুখে-নাবস্থাতুং জন ইহ ন জানাতি কিমহো ॥ 9 ॥

নরত্বং দেবত্বং নগবন-মৃগত্বং মশকতা পশুত্বং কীটত্বং ভবতু বিহগত্বাদি জননম্ । সদা ত্বত্পাদাব্জ-স্মরণ-পরমানংদলহরী- -বিহারাসক্তং চেদ্ধৃদযমিহ কিং তেন বপুষা ॥ 10 ॥

বটুর্বা গেহী বা যতিরপি জটী বা তদিতরো নরো বা যঃ কশ্চিদ্ভবতু ভব কিং তেন ভবতি । যদীয়ং হৃত্পদ্মং যদি ভবদধীনং পশুপতে তদীযস্ত্বং শংভো ভবসি ভবভারং চ বহসি ॥ 11 ॥

গুহায়াং গেহে বা বহিরপি বনে বাঽদ্রিশিখরে জলে বা বহ্নৌ বা বসতু বসতেঃ কিং বদ ফলম্ । সদা যস্য়ৈবাংতঃ-করণমপি শংভো তব পদে স্থিতং চেদ্য়োগোঽসৌ স চ পরময়োগী স চ সুখী ॥ 12 ॥

অসারে সংসারে নিজ-ভজনদূরে জডধিয়া ভ্রমংতং মামংধং পরমকৃপয়া পাতুমুচিতম্ । মদন্য়ঃ কো দীনস্তব কৃপণ-রক্ষাতিনিপুণ- [রক্ষাতিনিপুণঃ ত্বদন্য়ঃ] -স্ত্বদন্য়ঃ কো বা মে ত্রিজগতি শরণ্য়ঃ পশুপতে ॥ 13 ॥

প্রভুস্ত্বং দীনানাং খলু পরমবংধুঃ পশুপতে প্রমুখ্য়োঽহং তেষামপি কিমুত বংধুত্বমনয়োঃ । ত্বয়ৈব ক্ষংতব্য়াঃ শিব মদপরাধাশ্চ সকলাঃ প্রযত্না-ত্কর্তব্য়ং মদবনমিয়ং বংধুসরণিঃ ॥ 14 ॥

উপেক্ষা নো চেত্কিং ন হরসি ভবদ্ধ্য়ান-বিমুখাং দুরাশা-ভূয়িষ্ঠাং বিধিলিপি-মশক্তো যদি ভবান্ । শিরস্তদ্বৈধাত্রং ননখলু সুবৃত্তং পশুপতে কথং বা নির্যত্নং করনখ-মুখেনৈব লুলিতম্ ॥ 15 ॥

বিরিংচি-র্দীর্ঘায়ু-র্ভবতু ভবতা তত্পরশির- [তত্পরশিরঃ চতুষ্কং] -শ্চতুষ্কং সংরক্ষ্য়ং স খলু ভুবি দৈন্য়ং লিখিতবান্ । বিচারঃ কো বা মাং বিশদ কৃপয়া পাতি শিব তে কটাক্ষব্য়াপারঃ স্বযমপি চ দীনাবনপরঃ ॥ 16 ॥

ফলাদ্বা পুণ্য়ানাং ময়ি করুণয়া বা ত্বয়ি বিভো প্রসন্নেঽপি স্বামিন্ ভবদমল-পাদাব্জ-য়ুগলম্ । কথং পশ্য়েয়ং মাং স্থগযতি নমঃ সংভ্রমজুষাং নিলিংপানাং শ্রেণি-র্নিজ-কনক-মাণিক্য়-মকুটৈঃ ॥ 17 ॥

ত্বমেকো লোকানাং পরমফলদো দিব্যপদবীং বহংতস্ত্বন্মূলাং পুনরপি ভজংতে হরিমুখাঃ । কিযদ্বা দাক্ষিণ্য়ং তব শিব মদাশা চ কিযতী কদা বা মদ্রক্ষাং বহসি করুণা-পূরিতদৃশা ॥ 18 ॥

দুরাশা-ভূয়িষ্ঠে দুরধিপ-গৃহদ্বার-ঘটকে দুরংতে সংসারে দুরিতনিলয়ে দুঃখজনকে । মদায়াসং কিং ন ব্যপনযসি কস্য়োপ-কৃতয়ে বদেয়ং প্রীতিশ্চেত্তব শিব কৃতার্থাঃ খলু বযম্ ॥ 19 ॥

সদা মোহাটব্য়াং চরতি যুবতীনাং কুচগিরৌ নটত্য়াশা-শাখা-স্বটতি ঝটিতি স্বৈরমভিতঃ । কপালিন্ ভিক্ষো মে হৃদয়-কপিমত্য়ংত-চপলং দৃঢং ভক্ত্য়া বদ্ধ্বা শিব ভবদধীনং কুরু বিভো ॥ 20 ॥

ধৃতি-স্তংভাধারাং দৃঢ-গুণ-নিবদ্ধাং সগমনাং বিচিত্রাং পদ্মাঢ্য়াং প্রতিদিবস-সন্মার্গ-ঘটিতাম্ । স্মরারে মচ্চেতঃ-স্ফুট-পটকুটীং প্রাপ্য় বিশদাং জয় স্বামিন্ শক্ত্য়া সহ শিব গণৈঃ সেবিত বিভো ॥ 21 ॥

প্রলোভাদ্য়ৈরর্থাহরণ-পরতংত্রো ধনিগৃহে [প্রলোভাদ্য়ৈঃ অর্থাহরণ-পরতংত্রো] প্রবেশোদ্য়ুক্তঃ সন্ ভ্রমতি বহুধা তস্করপতে । ইমং চেতশ্চোরং কথমিহ সহে শংকর বিভো তবাধীনং কৃত্বা ময়ি নিরপরাধে কুরু কৃপাম্ ॥ 22 ॥

করোমি ত্বত্পূজাং সপদি সুখদো মে ভব বিভো বিধিত্বং বিষ্ণুত্বং দিশসি খলু তস্য়াঃ ফলমিতি । পুনশ্চ ত্বাং দ্রষ্টুং দিবি ভুবি বহন্পক্ষি-মৃগতা- -মদৃষ্ট্বা তত্খেদং কথমিহ সহে শংকর বিভো ॥ 23 ॥

কদা বা কৈলাসে কনকমণিসৌধে সহ গণৈ- [সহ গণৈঃ বসন্] -র্বসন্ শংভোরগ্রে স্ফুট-ঘটিত-মূর্ধাংজলিপুটঃ । বিভো সাংব স্বামি-ন্পরমশিব পাহীতি নিগদ- -ন্বিধাতৄণাং কল্পান্ ক্ষণমিব বিনেষ্য়ামি সুখতঃ ॥ 24 ॥

স্তবৈ-র্ব্রহ্মাদীনাং জযজয়-বচোভির্নিযমিনাং গণানাং কেলীভির্মদকলমহোক্ষস্য় ককুদি । [কেলীভিঃ মদকল-মহোক্ষস্য়] স্থিতং নীলগ্রীবং ত্রিনযন-মুমাশ্লিষ্ট-বপুষং কদা ত্বাং পশ্য়েয়ং করধৃত-মৃগং খংড-পরশুম্ ॥ 25 ॥

কদা বা ত্বাং দৃষ্ট্বা গিরিশ তব ভব্য়াংঘ্রি যুগলং গৃহীত্বা হস্তাভ্য়াং শিরসি নযনে বক্ষসি বহন্ । সমা শ্লিষ্য়া ঘ্রায় স্ফুট জলজ গংধান্ পরিমলা- -নলাভ্য়াং ব্রহ্মাদ্য়ৈর্মুদমনুভবিষ্য়ামি হৃদয়ে ॥ 26 ॥ [ব্রহ্মাদ্য়ৈঃ মুদ-মনুভবিষ্য়ামি]

করস্থে হেমাদ্রৌ গিরিশ নিকটস্থে ধনপতৌ গৃহস্থে স্বর্ভূজা মর সুরভি চিংতামণিগণে । শিরঃস্থে শীতাংশৌ চরণয়ুগলস্থেঽখিলশুভে কমর্থং দাস্য়েঽহং ভবতু ভবদর্থং মম মনঃ ॥ 27 ॥

সারূপ্য়ং তব পূজনে শিব মহাদেবেতি সংকীর্তনে সামীপ্য়ং শিবভক্তি-ধুর্যজনতা-সাংগত্য়-সংভাষণে ॥ সালোক্য়ং চ চরাচরাত্মকতনুধ্য়ানে ভবানীপতে সায়ুজ্য়ং মম সিদ্ধমত্র ভবতি স্বামিন্ কৃতার্থোঽস্ম্যহম্ ॥ 28 ॥

ত্বত্পাদাংবুজমর্চয়ামি পরমং ত্বাং চিংতয়াম্যন্বহং ত্বামীশং শরণং ব্রজামি বচসা ত্বামেব যাচে বিভো । বীক্ষাং মে দিশ চাক্ষুষীং সকরুণাং দিব্য়ৈশ্চিরং প্রার্থিতাং শংভো লোকগুরো মদীযমনসঃ সৌখ্য়োপদেশং কুরু ॥ 29 ॥

বস্ত্রোদ্ধূতবিধৌ সহস্রকরতা পুষ্পার্চনে বিষ্ণুতা গংধে গংধবহাত্মতাঽন্নপচনে বর্হির্মুখাধ্যক্ষতা । পাত্রে কাংচনগর্ভতাস্তি ময়ি চেদ্বালেংদুচূডামণে শুশ্রূষাং করবাণি তে পশুপতে স্বামিংস্ত্রিলোকীগুরো ॥ 30 ॥

নালং বা পরমোপকারকমিদং ত্বেকং পশূনাং পতে পশ্যন্ কুক্ষিগতাংশ্চরাচরগণান্ বাহ্যস্থিতান্ রক্ষিতুম্ । সর্বামর্ত্যপলাযনৌষধমতিজ্বালাকরং ভীকরং নিক্ষিপ্তং গরলং গলে ন গিলিতং নোদ্গীর্ণমেব ত্বয়া ॥ 31 ॥

জ্বালোগ্রঃ সকলামরাতিভযদঃ ক্ষ্বেলঃ কথং বা ত্বয়া দৃষ্টঃ কিং চ করে ধৃতঃ করতলে কিং পক্বজংবূফলম্ । জিহ্বায়াং নিহিতশ্চ সিদ্ধঘুটিকা বা কংঠদেশে ভৃতঃ কিং তে নীলমণির্বিভূষণময়ং শংভো মহাত্মন্ বদ ॥ 32 ॥

নালং বা সকৃদেব দেব ভবতঃ সেবা নতির্বা নুতিঃ পূজা বা স্মরণং কথাশ্রবণমপ্য়ালোকনং মাদৃশাম্ । স্বামিন্নস্থিরদেবতানুসরণায়াসেন কিং লভ্যতে কা বা মুক্তিরিতঃ কুতো ভবতি চেত্কিং প্রার্থনীয়ং তদা ॥ 33 ॥

কিং ব্রূমস্তব সাহসং পশুপতে কস্য়াস্তি শংভো ভব- -দ্ধৈর্য়ং চেদৃশমাত্মনঃ স্থিতিরিয়ং চান্য়ৈঃ কথং লভ্যতে । ভ্রশ্যদ্দেবগণং ত্রসন্মুনিগণং নশ্যত্প্রপংচং লয়ং পশ্যন্নির্ভয় এক এব বিহরত্য়ানংদসাংদ্রো ভবান্ ॥ 34 ॥

যোগক্ষেমধুরংধরস্য় সকলশ্রেয়ঃপ্রদোদ্য়োগিনো দৃষ্টাদৃষ্টমতোপদেশকৃতিনো বাহ্য়াংতরব্য়াপিনঃ । সর্বজ্ঞস্য় দয়াকরস্য় ভবতঃ কিং বেদিতব্য়ং ময়া শংভো ত্বং পরমাংতরংগ ইতি মে চিত্তে স্মরাম্যন্বহম্ ॥ 35 ॥

ভক্তো ভক্তিগুণাবৃতে মুদমৃতাপূর্ণে প্রসন্নে মনঃ কুংভে সাংব তবাংঘ্রিপল্লবয়ুগং সংস্থাপ্য় সংবিত্ফলম্ । সত্বং মংত্রমুদীরযন্নিজশরীরাগারশুদ্ধিং বহন্ পুণ্য়াহং প্রকটীকরোমি রুচিরং কল্য়াণমাপাদযন্ ॥ 36 ॥

আম্নায়াংবুধিমাদরেণ সুমনঃসংঘাঃ সমুদ্যন্মনো [সমুদ্যন্মনঃ] মংথানং দৃঢভক্তিরজ্জুসহিতং কৃত্বা মথিত্বা ততঃ । সোমং কল্পতরুং সুপর্বসুরভিং চিংতামণিং ধীমতাং নিত্য়ানংদসুধাং নিরংতররমাসৌভাগ্যমাতন্বতে ॥ 37 ॥

প্রাক্পুণ্য়াচলমার্গদর্শিতসুধামূর্তিঃ প্রসন্নঃ শিবঃ সোমঃ সদ্গণসেবিতো মৃগধরঃ পূর্ণস্তমোমোচকঃ । চেতঃ পুষ্করলক্ষিতো ভবতি চেদানংদপাথোনিধিঃ প্রাগল্ভ্য়েন বিজৃংভতে সুমনসাং বৃত্তিস্তদা জাযতে ॥ 38 ॥

ধর্মো মে চতুরংঘ্রিকঃ সুচরিতঃ পাপং বিনাশং গতং কামক্রোধমদাদয়ো বিগলিতাঃ কালাঃ সুখাবিষ্কৃতাঃ । জ্ঞানানংদমহৌষধিঃ সুফলিতা কৈবল্যনাথে সদা মান্য়ে মানসপুংডরীকনগরে রাজাবতংসে স্থিতে ॥ 39 ॥

ধীয়ংত্রেণ বচোঘটেন কবিতাকুল্য়োপকুল্য়াক্রমৈ- [কবিতাকুল্য়োপকুল্য়াক্রমৈঃ] -রানীতৈশ্চ সদাশিবস্য় চরিতাংভোরাশিদিব্য়ামৃতৈঃ । হৃত্কেদারয়ুতাশ্চ ভক্তিকলমাঃ সাফল্যমাতন্বতে দুর্ভিক্ষান্মম সেবকস্য় ভগবন্বিশ্বেশ ভীতিঃ কুতঃ ॥ 40 ॥

পাপোত্পাতবিমোচনায় রুচিরৈশ্বর্য়ায় মৃত্য়ুংজয় স্তোত্রধ্য়াননতিপ্রদক্ষিণসপর্য়ালোকনাকর্ণনে । জিহ্বাচিত্তশিরোংঘ্রিহস্তনযনশ্রোত্রৈরহং প্রার্থিতো মামাজ্ঞাপয় তন্নিরূপয় মুহুর্মামেব মা মেঽবচঃ ॥ 41 ॥

গাংভীর্য়ং পরিখাপদং ঘনধৃতিঃ প্রাকার উদ্যদ্গুণ- [উদ্যদ্গুণস্তোমঃ] -স্তোমশ্চাপ্তবলং ঘনেংদ্রিযচয়ো দ্বারাণি দেহে স্থিতঃ । বিদ্য়া বস্তুসমৃদ্ধিরিত্যখিলসামগ্রীসমেতে সদা দুর্গাতিপ্রিযদেব মামকমনোদুর্গে নিবাসং কুরু ॥ 42 ॥

মা গচ্ছ ত্বমিতস্ততো গিরিশ ভো ময়্য়েব বাসং কুরু স্বামিন্নাদিকিরাত মামকমনঃকাংতারসীমাংতরে । বর্তংতে বহুশো মৃগা মদজুষো মাত্সর্যমোহাদয়- [ মাত্সর্যমোহাদয়ঃ] -স্তান্হত্বা মৃগয়াবিনোদরুচিতা লাভং চ সংপ্রাপ্স্যসি ॥ 43 ॥

করলগ্নমৃগঃ করীংদ্রভংগো ঘনশার্দূলবিখংডনোঽস্তজংতুঃ । গিরিশো বিশদাকৃতিশ্চ চেতঃ- -কুহরে পংচমুখোঽস্তি মে কুতো ভীঃ ॥ 44 ॥

ছংদঃ শাখিশিখান্বিতৈর্ [শাখিশিখান্বিতৈরঃ] দ্বিজবরৈঃ সংসেবিতে শাশ্বতে সৌখ্য়াপাদিনি খেদভেদিনি সুধাসারৈঃ ফলৈর্দীপিতে । চেতঃপক্ষিশিখামণে ত্যজ বৃথা অংচারমন্য়ৈরলং নিত্য়ং শংকর পাদপদ্ময়ুগলীনীডে বিহারং কুরু ॥ 45 ॥

আকীর্ণে নখরাজিকাংতিবিভবৈ [নখরাজিকাংতিবিভবৈঃ] রুদ্যত্সুধাবৈভবৈ-[রুদ্যত্সুধাবৈভবৈঃ] -রাধৌতেঽপি চ পদ্মরাগললিতে হংসব্রজৈরাশ্রিতে । নিত্য়ং ভক্তিবধূগণৈশ্চ রহসি স্বেচ্ছাবিহারং কুরু স্থিত্বা মানসরাজহংস গিরিজানাথাংঘ্রিসৌধাংতরে ॥ 46 ॥

শংভুধ্য়ান বসংতসংগিনি হৃদারামেঽঘজীর্ণচ্ছদাঃ স্রস্তা ভক্তিলতাচ্ছটা বিলসিতাঃ পুণ্যপ্রবালশ্রিতাঃ । দীপ্য়ংতে গুণকোরকা জপবচঃপুষ্পাণি সদ্বাসনা জ্ঞানানংদ সুধামরংদলহরী সংবিত্ফলাভ্য়ুন্নতিঃ ॥ 47 ॥

নিত্য়ানংদরসালয়ং সুরমুনিস্বাংতাংবুজাতাশ্রয়ং স্বচ্ছং সদ্দ্বিজসেবিতং কলুষহৃত্সদ্বাসনা বিষ্কৃতম্ । শংভুধ্য়ান সরোবরং ব্রজ মনোহং সাবতংস স্থিরং কিং ক্ষুদ্রা শ্রযপল্বল ভ্রমণ সংজাতশ্রমং প্রাপ্স্যসি ॥ 48 ॥

আনংদামৃত পূরিতা হরপদাং ভোজা লবালোদ্যতা স্থৈর্য়োপঘ্নমুপেত্য় ভক্তিলতিকা শাখোপ শাখান্বিতা । উচ্ছৈর্ মানস কাযমান পটলীমাক্রম্য় নিষ্কল্মষা নিত্য়াভীষ্ট ফলপ্রদা ভবতু মে সত্কর্ম সংবর্ধিতা ॥ 49 ॥

সংধ্য়া রংভ বিজৃংভিতং শ্রুতিশিরঃ স্থানাংতরাধি ষ্ঠিতং সপ্রেম ভ্রমরাভিরামং অসকৃত্ সদ্বাসনা শোভিতম্ । ভোগীংদ্রা ভরণং সমস্তসুমনঃ পূজ্য়ং গুণাবিষ্কৃতং সেবে শ্রীগিরি মল্লিকার্জুন মহালিংগং শিবালিংগিতম্ ॥ 50 ॥

ভৃংগীচ্ছা নটনোত্কটঃ করমদগ্রাহী স্ফুরন্ মাধবা- [স্ফুরন্ মাধবাব্হ্লাদো] -হ্লাদো নাদয়ুতো মহাসিতবপুঃ পংচেষুণা চাদৃতঃ । সত্পক্ষঃ সুমনো বনেষু স পুনঃ সাক্ষান্মদীয়ে মনো- -রাজীবে ভ্রমরাধিপো বিহরতাং শ্রীশৈলবাসী বিভুঃ ॥ 51 ॥

কারুণ্য়ামৃত বর্ষিণং ঘনবিপদ্গ্রীষ্মচ্ ছিদাকর্মঠং বিদ্য়াসস্য় ফলোদয়ায় সুমনঃ সংসেব্য় মিচ্ছাকৃতিম্ । নৃত্যদ্ ভক্ত ময়ূরমদ্রি নিলয়ং চংচজ্জটামংডলং শংভো বাংছতি নীলকংধর সদা ত্বাং মে মনশ্চাতকঃ ॥ 52 ॥

আকাশেন শিখী সমস্তফণিনাং নেত্রা কলাপী নতা-[নতানুগ্রাহি] -নুগ্রাহি প্রণবোপদে শনিনদৈঃ কেকীতি যো গীযতে । শ্য়ামাং শৈলসমুদ্ভবাং ঘনরুচিং দৃষ্ট্বা নটংতং মুদা বেদাংতোপবনে বিহাররসিকং তং নীলকংঠং ভজে ॥ 53 ॥

সংধ্য়া ঘর্মদিনাত্যয়ো হরিকরাঘাত প্রভূতানক- [প্রভূতানকধ্বানো ] -ধ্বানো বারিদগর্জিতং দিবিষদাং দৃষ্টিচ্ছটা চংচলা । ভক্তানাং পরিতোষবাষ্প বিততির্ বৃষ্টির্ ময়ূরী শিবা যস্মিন্নুজ্জ্বল তাংডবং বিজযতে তং নীলকংঠং ভজে ॥ 54 ॥ আদ্য়ায়ামিত তেজসে শ্রুতিপদৈর্বেদ্য়ায় সাধ্য়ায় তে বিদ্য়ানংদময়াত্মনে ত্রিজগতঃ সংরক্ষণোদ্য়োগিনে । ধ্য়েয়ায়াখিলয়োগিভিঃ সুরগণৈর্গেয়ায় মায়াবিনে সম্যক্তাংডব সংভ্রমায় জটিনে সেয়ং নতিঃ শংভবে ॥ 55 ॥

নিত্য়ায় ত্রিগুণাত্মনে পুরজিতে কাত্য়াযনী শ্রেযসে সত্য়ায়াদি কুটুংবিনে মুনিমনঃ প্রত্যক্ষ চিন্মূর্তয়ে । মায়াসৃষ্ট জগত্ত্রয়ায় সকলাম্নায়াংতসংচারিণে সায়ং তাংডব সংভ্রমায় জটিনে সেয়ং নতিঃ শংভবে ॥ 56 ॥

নিত্য়ং স্বোদরপোষণায় সকলানুদ্দিশ্য় বিত্তাশয়া ব্যর্থং পর্যটনং করোমি ভবতঃ সেবাং ন জানে বিভো । মজ্জন্মাংতর পুণ্য় পাক বলতস্ত্বং শর্ব সর্বাংতর- [সর্বাংতরঃ] -স্তিষ্ঠস্য়েব হি তেন বা পশুপতে তে রক্ষণীয়োঽস্ম্যহম্ ॥ 57 ॥

একো বারিজ বাংধবঃ ক্ষিতিনভো ব্য়াপ্তং তমো মংডলং ভিত্ত্বা লোচন গোচরোঽপি ভবতি ত্বং কোটি সূর্যপ্রভঃ । বেদ্য়ঃ কিং ন ভবস্যহো ঘনতরং কীদৃগ্ভবেন্মত্তম- [কীদৃগ্ভবেন্মত্তমঃ] -স্তত্সর্বং [তত্সর্বং] ব্যপনীয় মে পশুপতে সাক্ষাত্প্রসন্নো ভব ॥ 58 ॥

হংসঃ পদ্মবনং সমিচ্ছতি যথা নীলাংবুদং চাতকঃ কোকঃ কোকনদপ্রিয়ং প্রতিদিনং চংদ্রং চকোরস্তথা । চেতো বাংছতি মামকং পশুপতে চিন্মার্গমৃগ্য়ং বিভো গৌরীনাথ ভবত্পদাব্জ যুগলং কৈবল্য় সৌখ্যপ্রদম্ ॥ 59 ॥

রোধস্তোযহৃতঃ শ্রমেণ পথিকশ্ছায়াং তরোর্বৃষ্টিতো [তরোর্বৃষ্টিতঃ] ভীতঃ স্বস্থগৃহং গৃহস্থমতিথির্ দীনঃ প্রভুং ধার্মিকম্ । দীপং সংতমসাকুলশ্চ শিখিনং শীতা বৃতস্ত্বং তথা চেতঃ সর্বভয়াপহং ব্রজ সুখং শংভোঃ পদাংভোরুহম্ ॥ 60 ॥

অংকোলং নিজ-বীজ-সংততিরযস্কাংতোপলং [সংততিঃ অযস্কাংতোপলং] সূচিকা সাধ্বী নৈজবিভুং লতা ক্ষিতিরুহং সিংধুঃ সরিদ্ বল্লভম্ । প্রাপ্নোতীহ যথা তথা পশুপতেঃ পাদারবিংদ দ্বয়ং চেতোবৃত্তি রুপেত্য় তিষ্ঠতি সদা সা ভক্তি রিত্য়ুচ্যতে ॥ 61 ॥

আনংদাশ্রুভিরাতনোতি পুলকং নৈর্মল্যতশ্ছাদনং বাচা-শংখমুখে স্থিতৈশ্চ জঠরাপূর্তিং চরিত্রামৃতৈঃ । রুদ্রাক্ষৈর্ হসিতেন দেব বপুষো রক্ষাং ভবদ্ভাবনা- -পর্য়ংকে বিনিবেশ্য় ভক্তিজননী ভক্তার্ভকং রক্ষতি ॥ 62 ॥

মার্গাবর্তিতপাদুকা পশুপতেরংগস্য় কূর্চাযতে গংডূষাংবুনিষেচনং পুররিপোর্দিব্য়াভিষেকাযতে । কিংচি-দ্ভক্ষিত-মাংস-শেষকবলং নব্য়োপহারাযতে ভক্তিঃ কিং ন করোত্যহো বনচরো ভক্তাবতংসাযতে ॥ 63 ॥

বক্ষস্তাডনমংতকস্য় কঠিনাপস্মারসংমর্দনং ভূভৃত্পর্যটনং নমত্সুরশিরঃকোটীরসংঘর্ষণম্ । কর্মেদং মৃদুলস্য় তাবকপদদ্বংদ্বস্য় কিং বোচিতং মচ্চেতোমণিপাদুকাবিহরণং শংভো সদাংগীকুরু ॥ 64 ॥

বক্ষস্তাডনশংকয়া বিচলিতো বৈবস্বতো নির্জরাঃ কোটীরোজ্জ্বলরত্নদীপকলিকানীরাজনং কুর্বতে । দৃষ্ট্বা মুক্তিবধূস্তনোতি নিভৃতাশ্লেষং ভবানীপতে যচ্চেতস্তব পাদপদ্মভজনং তস্য়েহ কিং দুর্লভম্ ॥ 65 ॥

ক্রীডার্থং সৃজসি প্রপংচমখিলং ক্রীডামৃগাস্তে জনাঃ যত্কর্মাচরিতং ময়া চ ভবতঃ প্রীত্য়ৈ ভবত্য়েব তত্ । শংভো স্বস্য় কুতূহলস্য় করণং মচ্চেষ্টিতং নিশ্চিতং তস্মান্মামকরক্ষণং পশুপতে কর্তব্যমেব ত্বয়া ॥ 66 ॥

বহুবিধপরিতোষবাষ্পপূর- -স্ফুটপুলকাংকিতচারুভোগভূমিম্ । চিরপদফলকাংক্ষিসেব্যমানাং পরমসদাশিবভাবনাং প্রপদ্য়ে ॥ 67 ॥

অমিতমুদমৃতং মুহুর্দুহংতীং বিমলভবত্পদগোষ্ঠমাবসংতীম্ । সদয় পশুপতে সুপুণ্যপাকাং মম পরিপালয় ভক্তিধেনুমেকাম্ ॥ 68 ॥

জডতা পশুতা কলংকিতা কুটিলচরত্বং চ নাস্তি ময়ি দেব । অস্তি যদি রাজমৌলে ভবদাভরণস্য় নাস্মি কিং পাত্রম্ ॥ 69 ॥

অরহসি রহসি স্বতংত্রবুদ্ধ্য়া বরিবসিতুং সুলভঃ প্রসন্নমূর্তিঃ । অগণিতফলদাযকঃ প্রভুর্মে জগদধিকো হৃদি রাজশেখরোঽস্তি ॥ 70 ॥

আরূঢভক্তিগুণকুংচিতভাবচাপ- -য়ুক্তৈঃ শিবস্মরণবাণগণৈরমোঘৈঃ । নির্জিত্য় কিল্বিষরিপূন্বিজয়ী সুধীংদ্রঃ সানংদমাবহতি সুস্থিররাজলক্ষ্মীম্ ॥ 71 ॥

ধ্য়ানাংজনেন সমবেক্ষ্য় তমঃপ্রদেশং ভিত্ত্বা মহাবলিভিরীশ্বরনামমংত্রৈঃ । দিব্য়াশ্রিতং ভুজগভূষণমুদ্বহংতি যে পাদপদ্মমিহ তে শিব তে কৃতার্থাঃ ॥ 72 ॥

ভূদারতামুদবহদ্যদপেক্ষয়া শ্রী- -ভূদার এব কিমতঃ সুমতে লভস্ব । কেদারমাকলিতমুক্তিমহৌষধীনাং পাদারবিংদভজনং পরমেশ্বরস্য় ॥ 73 ॥

আশাপাশক্লেশদুর্বাসনাদি- -ভেদোদ্য়ুক্তৈর্দিব্যগংধৈরমংদৈঃ । আশাশাটীকস্য় পাদারবিংদং চেতঃপেটীং বাসিতাং মে তনোতু ॥ 74 ॥

কল্য়াণিনং সরসচিত্রগতিং সবেগং সর্বেংগিতজ্ঞমনঘং ধ্রুবলক্ষণাঢ্যম্ । চেতস্তুরংগমধিরুহ্য় চর স্মরারে নেতঃ সমস্তজগতাং বৃষভাধিরূঢ ॥ 75 ॥

ভক্তির্মহেশপদপুষ্করমাবসংতী কাদংবিনীব কুরুতে পরিতোষবর্ষম্ । সংপূরিতো ভবতি যস্য় মনস্তটাক- -স্তজ্জন্মসস্যমখিলং সফলং চ নান্যত্ ॥ 76 ॥

বুদ্ধিঃ স্থিরা ভবিতুমীশ্বরপাদপদ্ম- -সক্তা বধূর্বিরহিণীব সদা স্মরংতী । সদ্ভাবনাস্মরণদর্শনকীর্তনাদি সম্মোহিতেব শিবমংত্রজপেন বিংতে ॥ 77 ॥

সদুপচারবিধিষ্বনুবোধিতাং সবিনয়াং সুহৃদং সমুপাশ্রিতাম্ । মম সমুদ্ধর বুদ্ধিমিমাং প্রভো বরগুণেন নবোঢবধূমিব ॥ 78 ॥

নিত্য়ং যোগিমনঃ সরোজদলসংচারক্ষমস্ত্বত্ক্রমঃ শংভো তেন কথং কঠোরযমরাড্বক্ষঃকবাটক্ষতিঃ । অত্য়ংতং মৃদুলং ত্বদংঘ্রিয়ুগলং হা মে মনশ্চিংতয়- -ত্য়েতল্লোচনগোচরং কুরু বিভো হস্তেন সংবাহয়ে ॥ 79 ॥

এষ্যত্য়েষ জনিং মনোঽস্য় কঠিনং তস্মিন্নটানীতি ম- -দ্রক্ষায়ৈ গিরিসীম্নি কোমলপদন্য়াসঃ পুরাভ্য়াসিতঃ । নো চেদ্দিব্যগৃহাংতরেষু সুমনস্তল্পেষু বেদ্য়াদিষু প্রায়ঃ সত্সু শিলাতলেষু নটনং শংভো কিমর্থং তব ॥ 80 ॥

কংচিত্কালমুমামহেশ ভবতঃ পাদারবিংদার্চনৈঃ কংচিদ্ধ্য়ানসমাধিভিশ্চ নতিভিঃ কংচিত্কথাকর্ণনৈঃ । কংচিত্কংচিদবেক্ষণৈশ্চ নুতিভিঃ কংচিদ্দশামীদৃশীং যঃ প্রাপ্নোতি মুদা ত্বদর্পিতমনা জীবন্ স মুক্তঃ খলু ॥ 81 ॥

বাণত্বং বৃষভত্বমর্ধবপুষা ভার্য়াত্বমার্য়াপতে ঘোণিত্বং সখিতা মৃদংগবহতা চেত্য়াদি রূপং দধৌ । ত্বত্পাদে নযনার্পণং চ কৃতবাংস্ত্বদ্দেহভাগো হরিঃ পূজ্য়াত্পূজ্যতরঃ স এব হি ন চেত্কো বা তদন্য়োঽধিকঃ ॥ 82 ॥

জননমৃতিয়ুতানাং সেবয়া দেবতানাং ন ভবতি সুখলেশঃ সংশয়ো নাস্তি তত্র । অজনিমমৃতরূপং সাংবমীশং ভজংতে য ইহ পরমসৌখ্য়ং তে হি ধন্য়া লভংতে ॥ 83 ॥

শিব তব পরিচর্য়াসন্নিধানায় গৌর্য়া ভব মম গুণধুর্য়াং বুদ্ধিকন্য়াং প্রদাস্য়ে । সকলভুবনবংধো সচ্চিদানংদসিংধো সদয় হৃদযগেহে সর্বদা সংবস ত্বম্ ॥ 84 ॥

জলধিমথনদক্ষো নৈব পাতালভেদী ন চ বনমৃগয়ায়াং নৈব লুব্ধঃ প্রবীণঃ । অশনকুসুমভূষাবস্ত্রমুখ্য়াং সপর্য়াং কথয় কথমহং তে কল্পয়ানীংদুমৌলে ॥ 85 ॥

পূজাদ্রব্যসমৃদ্ধয়ো বিরচিতাঃ পূজাং কথং কুর্মহে পক্ষিত্বং ন চ বা কিটিত্বমপি ন প্রাপ্তং ময়া দুর্লভম্ । জানে মস্তকমংঘ্রিপল্লবমুমাজানে ন তেঽহং বিভো ন জ্ঞাতং হি পিতামহেন হরিণা তত্ত্বেন তদ্রূপিণা ॥ 86 ॥

অশনং গরলং ফণী কলাপো বসনং চর্ম চ বাহনং মহোক্ষঃ । মম দাস্যসি কিং কিমস্তি শংভো তব পাদাংবুজভক্তিমেব দেহি ॥ 87 ॥

যদা কৃতাংভোনিধিসেতুবংধনঃ করস্থলাধঃকৃতপর্বতাধিপঃ । ভবানি তে লংঘিতপদ্মসংভব- -স্তদা শিবার্চাস্তবভাবনক্ষমঃ ॥ 88 ॥

নতিভির্নুতিভিস্ত্বমীশ পূজা- -বিধিভির্ধ্য়ানসমাধিভির্ন তুষ্টঃ । ধনুষা মুসলেন চাশ্মভির্বা বদ তে প্রীতিকরং তথা করোমি ॥ 89 ॥

বচসা চরিতং বদামি শংভো- -রহমুদ্য়োগবিধাসু তেঽপ্রসক্তঃ । মনসাকৃতিমীশ্বরস্য় সেবে শিরসা চৈব সদাশিবং নমামি ॥ 90 ॥

আদ্য়াবিদ্য়া হৃদ্গতা নির্গতাসী- -দ্বিদ্য়া হৃদ্য়া হৃদ্গতা ত্বত্প্রসাদাত্ । সেবে নিত্য়ং শ্রীকরং ত্বত্পদাব্জং ভাবে মুক্তের্ভাজনং রাজমৌলে ॥ 91 ॥

দূরীকৃতানি দুরিতানি দুরক্ষরাণি দৌর্ভাগ্যদুঃখদুরহংকৃতিদুর্বচাংসি । সারং ত্বদীযচরিতং নিতরাং পিবংতং গৌরীশ মামিহ সমুদ্ধর সত্কটাক্ষৈঃ ॥ 92 ॥

সোমকলাধরমৌলৌ কোমলঘনকংধরে মহামহসি । স্বামিনি গিরিজানাথে মামকহৃদয়ং নিরংতরং রমতাম্ ॥ 93 ॥

সা রসনা তে নযনে তাবেব করৌ স এব কৃতকৃত্য়ঃ । যা যে যৌ যো ভর্গং বদতীক্ষেতে সদার্চতঃ স্মরতি ॥ 94 ॥

অতিমৃদুলৌ মম চরণা- -বতিকঠিনং তে মনো ভবানীশ । ইতি বিচিকিত্সাং সংত্যজ শিব কথমাসীদ্গিরৌ তথা বেশঃ ॥ 95 ॥

ধৈর্য়াংকুশেন নিভৃতং রভসাদাকৃষ্য় ভক্তিশৃংখলয়া । পুরহর চরণালানে হৃদযমদেভং বধান চিদ্য়ংত্রৈঃ ॥ 96 ॥

প্রচরত্যভিতঃ প্রগল্ভবৃত্ত্য়া মদবানেষ মনঃ করী গরীয়ান্ । রিগৃহ্য় নয়েন ভক্তিরজ্বা পরম স্থাণু পদং দৃঢং নয়ামুম্ ॥ 97 ॥ সর্বালংকারয়ুক্তাং সরলপদয়ুতাং সাধুবৃত্তাং সুবর্ণাং সদ্ভিঃ সংস্তূযমানাং সরসগুণয়ুতাং লক্ষিতাং লক্ষণাঢ্য়াম্ । উদ্যদ্ভূষাবিশেষামুপগতবিনয়াং দ্য়োতমানার্থরেখাং কল্য়াণীং দেব গৌরীপ্রিয় মম কবিতাকন্যকাং ত্বং গৃহাণ ॥ 98 ॥

ইদং তে যুক্তং বা পরমশিব কারুণ্যজলধে গতৌ তির্যগ্রূপং তব পদশিরোদর্শনধিয়া । হরিব্রহ্মাণৌ তৌ দিবি ভুবি চরংতৌ শ্রময়ুতৌ কথং শংভো স্বামিন্কথয় মম বেদ্য়োঽসি পুরতঃ ॥ 99 ॥

স্তোত্রেণালমহং প্রবচ্মি ন মৃষা দেবা বিরিংচাদয়ঃ স্তুত্য়ানাং গণনাপ্রসংগসময়ে ত্বামগ্রগণ্য়ং বিদুঃ । মাহাত্ম্য়াগ্রবিচারণপ্রকরণে ধানাতুষস্তোমব- -দ্ধূতাস্ত্বাং বিদুরুত্তমোত্তমফলং শংভো ভবত্সেবকাঃ ॥ 100 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ শিবানংদলহরী ॥

Browse Related Categories: