Vedic · Traditional devotional text · Source: vignanam.org (Traditional devotional text (public-domain shlokas))
(తై. బ్రా. 2.8.8.6)
శ్ర॒ద్ధయా॒ఽగ్నిః సమి॑ధ్యతే । శ్ర॒ద్ధయా॑ విందతే హ॒విః । శ్ర॒ద్ధాం భగ॑స్య మూ॒ర్ధని॑ । వచ॒సాఽఽవే॑దయామసి । ప్రి॒యగ్గ్ శ్ర॑ద్ధే॒ దద॑తః । ప్రి॒యగ్గ్ శ్ర॑ద్ధే॒ దిదా॑సతః । ప్రి॒యం భో॒జేషు॒ యజ్వ॑సు ॥
ఇ॒దం మ॑ ఉది॒తం కృ॑ధి । యథా॑ దే॒వా అసు॑రేషు । శ్ర॒ద్ధాము॒గ్రేషు॑ చక్రి॒రే । ఏ॒వం భో॒జేషు॒ యజ్వ॑సు । అ॒స్మాక॑ముది॒తం కృ॑ధి । శ్ర॒ద్ధాం దే॑వా॒ యజ॑మానాః । వా॒యుగో॑పా॒ ఉపా॑సతే । శ్ర॒ద్ధాగ్ం హృ॑ద॒య్య॑యాఽఽకూ᳚త్యా । శ్ర॒ద్ధయా॑ హూయతే హ॒విః । శ్ర॒ద్ధాం ప్రా॒తర్హ॑వామహే ॥
శ్ర॒ద్ధాం మ॒ధ్యంది॑నం॒ పరి॑ । శ్ర॒ద్ధాగ్ం సూర్య॑స్య ని॒మృచి॑ । శ్రద్ధే॒ శ్రద్ధా॑పయే॒హ మా᳚ । శ్ర॒ద్ధా దే॒వానధి॑వస్తే । శ్ర॒ద్ధా విశ్వ॑మి॒దం జగ॑త్ । శ్ర॒ద్ధాం కామ॑స్య మా॒తరం᳚ । హ॒విషా॑ వర్ధయామసి ।
Browse Related Categories:
Offered for worship and study, not as prediction. Non-commercial.