बाल मुकुंदाष्टकम्

കരാരവിംദേന പദാരവിംദം മുഖാരവിംദേ വിനിവേശയംതമ് । വടസ്യ പത്രസ്യ പുടേ ശയാനം ബാലം മുകുംദം മനസാ സ്മരാമി ॥ 1 ॥

സംഹൃത്യ ലോകാന്വടപത്രമധ്യേ ശയാനമാദ്യംതവിഹീനരൂപമ് । സർവേശ്വരം സർവഹിതാവതാരം ബാലം മുകുംദം മനസാ സ്മരാമി ॥ 2 ॥

ഇംദീവരശ്യാമലകോമലാംഗം ഇംദ്രാദിദേവാര്ചിതപാദപദ്മമ് । സംതാനകല്പദ്രുമമാശ്രിതാനാം ബാലം മുകുംദം മനസാ സ്മരാമി ॥ 3 ॥

ലംബാലകം ലംബിതഹാരയഷ്ടിം ശൃംഗാരലീലാംകിതദംതപംക്തിമ് । ബിംബാധരം ചാരുവിശാലനേത്രം ബാലം മുകുംദം മനസാ സ്മരാമി ॥ 4 ॥

ശിക്യേ നിധായാദ്യപയോദധീനി ബഹിര്ഗതായാം വ്രജനായികായാമ് । ഭുക്ത്വാ യഥേഷ്ടം കപടേന സുപ്തം ബാലം മുകുംദം മനസാ സ്മരാമി ॥ 5 ॥

കലിംദജാംതസ്ഥിതകാലിയസ്യ ഫണാഗ്രരംഗേനടനപ്രിയംതമ് । തത്പുച്ഛഹസ്തം ശരദിംദുവക്ത്രം ബാലം മുകുംദം മനസാ സ്മരാമി ॥ 6 ॥

ഉലൂഖലേ ബദ്ധമുദാരശൌര്യം ഉത്തുംഗയുഗ്മാര്ജുന ഭംഗലീലമ് । ഉത്ഫുല്ലപദ്മായത ചാരുനേത്രം ബാലം മുകുംദം മനസാ സ്മരാമി ॥ 7 ॥

ആലോക്യ മാതുര്മുഖമാദരേണ സ്തന്യം പിബംതം സരസീരുഹാക്ഷമ് । സച്ചിന്മയം ദേവമനംതരൂപം ബാലം മുകുംദം മനസാ സ്മരാമി ॥ 8 ॥