Vishnu · Traditional devotional text · Source: vignanam.org (Traditional devotional text (public-domain shlokas))
श्रियः कांताय कल्याणनिधये निधयेऽर्थिनाम् । श्रीवेंकट निवासाय श्रीनिवासाय मंगलम् ॥ 1 ॥
लक्ष्मी सविभ्रमालोक सुभ्रू विभ्रम चक्षुषे । चक्षुषे सर्वलोकानां वेंकटेशाय मंगलम् ॥ 2 ॥
श्रीवेंकटाद्रि शृंगाग्र मंगलाभरणांघ्रये । मंगलानां निवासाय श्रीनिवासाय मंगलम् ॥ 3 ॥
सर्वावयव सौंदर्य संपदा सर्वचेतसाम् । सदा सम्मोहनायास्तु वेंकटेशाय मंगलम् ॥ 4 ॥
नित्याय निरवद्याय सत्यानंद चिदात्मने । सर्वांतरात्मने श्रीमद्-वेंकटेशाय मंगलम् ॥ 5 ॥
स्वत स्सर्वविदे सर्व शक्तये सर्वशेषिणे । सुलभाय सुशीलाय वेंकटेशाय मंगलम् ॥ 6 ॥
परस्मै ब्रह्मणे पूर्णकामाय परमात्मने । प्रयुंजे परतत्त्वाय वेंकटेशाय मंगलम् ॥ 7 ॥
आकालतत्त्व मश्रांत मात्मना मनुपश्यताम् । अतृप्त्यमृत रूपाय वेंकटेशाय मंगलम् ॥ 8 ॥
प्रायः स्वचरणौ पुंसां शरण्यत्वेन पाणिना । कृपयाऽऽदिशते श्रीमद्-वेंकटेशाय मंगलम् ॥ 9 ॥
Offered for worship and study, not as prediction. Non-commercial.
More devotional texts
दयाऽमृत तरंगिण्या स्तरंगैरिव शीतलैः । अपांगै स्सिंचते विश्वं वेंकटेशाय मंगलम् ॥ 10 ॥
स्रग्-भूषांबर हेतीनां सुषमाऽऽवहमूर्तये । सर्वार्ति शमनायास्तु वेंकटेशाय मंगलम् ॥ 11 ॥
श्रीवैकुंठ विरक्ताय स्वामि पुष्करिणीतटे । रमया रममाणाय वेंकटेशाय मंगलम् ॥ 12 ॥
श्रीमत्-सुंदरजा मातृमुनि मानसवासिने । सर्वलोक निवासाय श्रीनिवासाय मंगलम् ॥ 13 ॥
मंगला शासनपरैर्-मदाचार्य पुरोगमैः । सर्वैश्च पूर्वैराचार्यैः सत्कृतायास्तु मंगलम् ॥ 14 ॥
श्री पद्मावती समेत श्री श्रीनिवास परब्रह्मणे नमः
Browse Related Categories: